అమృత్‌ 2.0 .. అంతులేని జాప్యం

● రూ.19.40 కోట్లతో తాగునీటి పనులు ● నత్తనడకన సాగుతున్న వైనం ● గడువులోపు పూర్తికావడం గగనమే ● మెట్‌పల్లి మున్సిపాలిటీకి అమృత్‌ 2.0 కింద ప్రభుత్వం రూ.19.40 కోట్లు కేటాయించింది. ● ఈ నిధులతో పలు వార్డుల్లో 29.5కిలోమీటర్ల మేర పైపులైన్‌ నిర్మించాలనేది సంకల్పం. ● ఆరపేట వద్ద 9లక్షల లీటర్ల సామర్థ్యం గల రిజర్వాయర్‌ నిర్మాణం.. ● ఎంపీడీవో కార్యాలయం ఆవరణలో ఉన్న మి షన్‌ భగీరథ సంపు వద్ద ప్రహరీ, స్టాఫ్‌క్వార్టర్‌ల నిర్మాణం వంటి పనులను చేపట్టాల్సి ఉంది. ● పనులను గతేడాది జూన్‌లో ప్రారంభించగా.. ఇప్పటివరకు 20శాతానికి మించి పనులు జరగలేదని సమాచారం. ● ఆరపేట శివాలయం సమీపంలో రిజర్వాయర్‌ నిర్మాణం కోసం కొంతమేర తవ్వకం పనులు చేపట్టారు. ఆ స్థలం అనుకూలంగా లేకపోవడంతో నిలిపివేశారు. ● అలాగే పైపులైన్‌ నిర్మాణం కోసం పలు వార్డులకు కొన్ని నెలల క్రితం కాంట్రాక్టర్‌ పైపులను చేరవేశారు. వాటికి సంబంధించిన పనులను మాత్రం ఇంకా ప్రారంభించడం లేదు. ● మొత్తం పనులను వచ్చే జూన్‌ నాటికి పూర్తి చేయాల్సి ఉంది. ప్రస్తుతం అవి జరుగుతున్న తీరు చూస్తే మాత్రం ఆ లోపు పూర్తి కావడం కష్టమనే అభిప్రాయం వ్యక్తమవుతోంది. ● మిషన్‌ భగీరథ కింద వాటర్‌ ట్యాంకులు, పైపులైన్ల నిర్మాణం చేపట్టినప్పటికీ పూర్తిస్థాయిలో ఇళ్లకు నల్లాల ద్వారా తాగునీరు సరఫరా కావడం లేదు. ● ఎండాకాలంలో పలు కాలనీల ప్రజలు నీటి సమస్యతో తీవ్ర ఇబ్బందులు ఎదుర్కొంటున్నారు. ● అమృత్‌ పనులు పూర్తయితే వచ్చే వేసవి నుంచైనా నీటి సమస్య తీరుతుందని ఆశీస్తున్న వారికి నిరాశే ఎదురయ్యే అవకాశాలు కనిపిస్తున్నాయి. ● ఉన్నతాధికారులు స్పందించి పనులు గడువు లోపు పూర్తయ్యేలా చర్యలు తీసుకోవాలని ప్రజలు కోరుతున్నారు.