Yoga ఉత్కటాసనంతో లాభాలేంటో తెలుసా?

ఉత్కటాసనం (chair pose) అనేది యోగాలో ఒక ముఖ్యమైన నిలబడి చేసే ఆసనం. ఇది ఒక ఊహాజనిత కుర్చీపై కూర్చున్నట్లుగా శరీర భంగిమను కలిగి ఉంటుంది. ఇది కాళ్లను, పిరుదులను, వెన్నెముకను బలపరుస్తుంది.

చేసే విధానం: 

• ముందుగా యోగా మ్యాట్‌పై నిటారుగా (తాడాసనం) నిలబడండి. 
• రెండు పాదాలు దగ్గరగా ఉంచాలి..
•  గాలిని పీలుస్తూ రెండు చేతులను 
• తల పైకెత్తి నమస్కార ముద్రలో ఉంచాలి.
• ఇప్పుడు శ్వాసను వదులుతూ, 
• మోకాళ్ళను వంచి, పిరుదులను వెనక్కి నెట్టండి
•  మీరు కుర్చీలో కూర్చున్నట్లుగా కిందకు వంగాలి.
• మీ మోకాళ్ళు కాలి వేళ్ల కంటే ముందుకు రాకుండా జాగ్రత్త పడాలి.
• వీపును నిటారుగా ఉంచి, మీ భుజాలను  రిలాక్స్‌గా ఉంచాలి. సాధారణ శ్వాస తీసుకుంటూ ఈ భంగిమలో 30 సెకన్ల  పాటు ఉండాలి.

ప్రయోజనాలు: 

• తొడలు, పిరుదులు, చీలమండలు, కాళ్ల కండరాలు దృఢంగా మారతాయి.
• ఊపిరితిత్తుల సామర్థ్యం పెరుగుతుంది. గుండె పనితీరు మెరుగుపడుతుంది.
• శరీర సమతుల్యతను, ఏకాగ్రతను పెంపొదిస్తుంది. జీర్ణక్రియను మెరుగుపరుస్తుంది.

జాగ్రత్తలు: మోకాళ్ల నొప్పులు, ఆర్థరైటిస్‌ లేదా చీలమండల సమస్యలు ఉన్నవారు, అధిక రక్త΄ోటు ఉన్నవారు ఈ ఆసనాన్ని చెయ్యకూడదు.
– అనిత  పాతర్ల, యోగా ట్రైనర్‌