వీటి గురించి మీకు తెలుసా?

ఎంత తెలుసుకున్నా కొంత మిగిలిపోతుంది అనేలా.. ఈ పుడమిలో విషయాలెన్నో. కొన్ని మామూలుగా అనిపించినా, మరికొన్ని మాత్రం ఎంతో ఆశ్చర్యాన్ని కలిగిస్తాయి. అలాంటి వాటిలో ఇవి కూడా. అవేంటో చూద్దాం!

• పక్షులు మూత్ర విసర్జన చేయవు. వాటి వ్యర్థాలు ఒకే ఉమ్మడి రూపంలో బయటకు వస్తాయి.

• చీమలు ఎంత ఎత్తు  నుంచి పడినా బతుకగలవు. చాలా అరుదుగా మాత్రమే వాటికి గాయాలవుతాయి.

• కొన్ని కప్పలు శీతాకాలంలో గడ్డకట్టుకుపోయి.. మళ్లీ వసంతకాలంలో సాధారణ స్థితికి వస్తాయి.

• చేపలు ఒకదానితో ఒకటి కమ్యూనికేట్‌ చేసుకుంటుంటాయి. అవి పరస్పరం సంభాషించుకోవడానికి గొణుగుతున్నటువంటి శబ్దాలను ఉపయోగిస్తాయి.

• సీతాకోకచిలుకలు అవి గొంగళి పురుగు దశలో ఉన్నప్పటి జ్ఞాపకాలను కూడా గుర్తుంచుకోగలవు.

• మేకలకు దీర్ఘచతురస్రాకార కనుపాపలు ఉంటాయి. అవి విశాలమైన ప్రాంతాన్ని చూడటానికి, ప్రమాదాన్ని సులభంగా గుర్తించడానికీ సహాయపడతాయి.