గ్యాంబ్లింగ్‌ సైట్లపై కేంద్రం కొరడా 

న్యూఢిల్లీ: చట్టవిరుద్ధ గ్యాంబ్లింగ్, బెట్టింగ్‌ వెబ్‌సైట్లపై కేంద్రం కొరడా ఝుళిపించింది. 300 పైగా వెబ్‌సైట్లు, యాప్‌లను బ్లాక్‌ చేసింది. ఇవన్నీ కూడా ఆన్‌లైన్‌ స్పోర్ట్స్‌ బెట్టింగ్‌ ప్లాట్‌ఫాంలు, ఆన్‌లైన్‌ కేసినోలకు సంబంధించినవని సంబంధిత వర్గాలు తెలిపాయి. అలాగే సట్టా, మట్కా గ్యాంబ్లింగ్‌ నెట్‌వర్క్‌లు, రియల్‌ మనీ కేసినో గేమ్‌ యాప్స్‌పై కూడా ప్రభుత్వం చర్యలు తీసుకున్నట్లు పేర్కొన్నాయి. ఇప్పటివరకు ఇలాంటి 8,400 వెబ్‌సైట్లను బ్లాక్‌ చేసినట్లు వివరించాయి. ఇందులో అత్యధిక భాగం (సుమారు 4,900) ఆన్‌లైన్‌ గేమింగ్‌ చట్టం వచ్చాక చర్యలు తీసుకున్నవేనని వివరించాయి.