మాజీమంత్రి ‘గుడివాడ’కు ఆర్నెల్ల జైలుశిక్ష

విశాఖ లీగల్‌ : మాజీమంత్రి గుడివాడ అమర్‌నాథ్‌కు ఆరునెలల జైలుశిక్షతో పాటు రూ.5 వేల జరిమానా విధిస్తూ అడిషనల్‌ చీఫ్‌ జ్యుడి­షియల్‌ మేజిస్ట్రేట్ వరలక్ష్మి గురువారం తీర్పు వెలువరించారు. 2016 ఏప్రిల్‌ 17న ప్రత్యేక రైల్వేజోన్‌ సాధన కోసం జీవీఎంసీ గాంధీ విగ్రహం వద్ద అమర్‌నాథ్‌ ఆమరణ దీక్ష చేపట్టగా, ఆయన ఆరోగ్యం క్షీణించింది. దీనిని ఆత్మహత్యాయత్నంగా పోలీసులు అప్పట్లో కేసు నమోదుచేశారు. ఆ కేసులో విచారణ పూర్తిచేసిన న్యాయస్థానం శుక్రవారం తీర్పు వెలువరించింది. అయితే, ఈ తీర్పుపై హైకోర్టును ఆశ్రయించనున్నట్లు గుడివాడ అమర్‌నాథ్‌ తెలిపారు.