Tukaram Mundhe

త్వరలో దేశం మెుత్తం దీపావళి సంబురాలు జరుపుకోబోతుంది. దీంతో దేశం మెుత్తం పాల ఉత్పత్తులు, మిఠాయిలు ఇతరాత్రా తీపి పదార్థాలకు డిమాండ్ విపరీతంగా ఉంటుంది. దీనిని ఆసరాగా చేసుకొని బ్లాక్‌ మార్కెట్‌ రెచ్చిపోతుంది. నాసిరకం ఆహర పదార్థాలతో పాటు గడువు ముగిసిన స్వీట్లను అమ్ముతూ వినియోగదారులను ఆరోగ్యంతో చెలగాటం ఆడుతుంది. ఈ నేపథ్యంలో మహారాష్ట్ర ఎఫ్‌డీఏ డైరెక్టర్‌ తుకారం ముండే పలు ప్రాంతాల్లోని ఆహార పదార్థాల గోదాములపై రైడ్‌ నిర్వహించారు.దీపావళి వచ్చిందంటే స్వీట్లు, పాల ఉత్పత్తులు, పండుగకు సంబంధించిన చిరుతిళ్లకు భారీగా డిమాండ్ పెరుగుతుంది. పండుగ సందర్భంగా మిఠాయి దుకాణాలు రకరకాల స్వీట్లతో కళకళలాడుతుంటాయి. అయితే ఈ పండుగ సందడిలో ఆహార పదార్థాల నాణ్యత, భద్రతపై ఇప్పుడు అనేక అనుమానాలు వ్యక్తమవుతున్నాయి. ముఖ్యంగా కల్తీ స్వీట్లు, స్వీట్ల తయారీలో కృత్రిమ రంగుల అధిక వినియోగం, అపరిశుభ్ర వాతావరణంలో ఆహార పదార్థాల తయారీ వంటి అంశాలు వినియోగదారులను ఆందోళనకు గురిచేస్తున్నాయి.ఈ నేపథ్యంలో మహారాష్ట్ర అధికారులు ఆహర పదార్థాలు నిలువ ఉంచే గోదాములపై కీలక తనిఖీలు చేపట్టారు. ఈ వివరాలను మహారాష్ట్ర ఎఫ్‌డీఏ కమిషనర్ తుకారాం ముండే వెల్లడించారు. భివాండి, అంబర్‌నాథ్, పడ్ఘా ప్రాంతాల్లోని పలు గోదాములపై అధికారులు దాడులు నిర్వహించినట్లు తెలిపారు. సుమారు నెలన్నర రోజుల పాటు ఈ గోదాముల కార్యకలాపాలపై అధికారులు నిఘా పెట్టారు. ఈ పరిశీలనలో కొన్ని గోదాముల్లో గడువు ముగిసిన ఆహార పదార్థాలను ధ్వంసం చేసినట్లు అధికారిక రికార్డుల్లో నమోదు చేస్తున్నప్పటికీ, వాస్తవంగా వాటిని రహస్యంగా తిరిగి ప్యాకింగ్ చేసి మార్కెట్లో విక్రయిస్తున్నట్లు గుర్తించారు. .ఈ దాడుల్లో కోట్ల రూపాయల విలువైన పాడైపోయిన ఆహార పదార్థాలను అధికారులు స్వాధీనం చేసుకున్నారు. ఈ అక్రమాలకు పాల్పడినట్లు ఆరోపణలు ఎదుర్కొంటున్న 34 మందిని అరెస్టు చేశారు. గడువు ముగిసిన ఆహార పదార్థాలను ధ్వంసం చేయకుండా తిరిగి విక్రయిస్తున్న వ్యవహారం తీవ్ర ఆందోళన కలిగిస్తోంది.ఈ దాడులతో పాటు మహారాష్ట్ర వ్యాప్తంగా ఉన్న అన్ని వాణిజ్య గోదాములు, కోల్డ్ స్టోరేజ్ కేంద్రాలకు ఎఫ్‌డీఏ కీలక ఆదేశాలు జారీ చేసింది. విక్రయించడానికి ఏమాత్రం పనికిరాని ఆహార పదార్థాలు తిరిగి వినియోగదారుల వద్దకు చేరకుండా చర్యలు తీసుకోవాలని స్పష్టం చేసింది. అలాంటి ఆహార పదార్థాలను తిరిగి ప్యాకింగ్ చేయడం, వాటిని మళ్లీ విక్రయించడం వంటి చర్యలకు ఎట్టి పరిస్థితుల్లోనూ అనుమతి లేదని ఆదేశాల్లో పేర్కొంది. ముదురు రంగుల్లో కనిపించే స్వీట్ల పట్ల అప్రమత్తంగా ఉండాలని అధికారులు సూచించారు.దీపావళి సందర్భంగా స్వీట్ల నాణ్యతపై కూడా ఎఫ్‌డీఏ కమిషనర్ తుకారాం ముండే పలు సూచనలు చేశారు. ముఖ్యంగా స్వీట్లు, పండుగకు సంబంధించిన చిరుతిళ్లపై తయారీ తేదీ, గడువు తేదీ (Expiry Date) తప్పనిసరిగా ఉండాలని స్పష్టం చేశారు. ఈ నిబంధనలను పాటించని వారిపై ఇప్పటికే చర్యలు ప్రారంభించినట్లు వెల్లడించారు.అలాగే స్వీట్ల తయారీలో కృత్రిమ రంగులను అధికంగా వినియోగించడంపై ఆయన ఆందోళన వ్యక్తం చేశారు. ముఖ్యంగా ముదురు రంగుల్లో కనిపించే మోతీచూర్ లడ్డూలను కొనుగోలు చేసే విషయంలో వినియోగదారులు జాగ్రత్తగా ఉండాలని సూచించారు. స్వీట్లకు ఆకర్షణీయమైన రంగులు తీసుకురావడానికి అధిక మోతాదులో కృత్రిమ రంగులు కలపడం ఆరోగ్యానికి హానికరంగా మారే అవకాశం ఉందని హెచ్చరించారు.కొనుగోలుదారులకు జాగ్రత్తలుదీపావళి పండుగ సమయంలో స్వీట్లు, ఇతర ఆహార పదార్థాలను కొనుగోలు చేసేటప్పుడు వినియోగదారులు మరింత అప్రమత్తంగా ఉండాలని అధికారులు సూచిస్తున్నారు. ముఖ్యంగా స్వీట్ల ప్యాకెట్లపై గడువు తేదీని తప్పనిసరిగా పరిశీలించాలి. తయారీ తేదీ, ప్యాకింగ్ వివరాలు సరిగా ఉన్నాయో లేదో చూసుకోవాలి. అసాధారణంగా ముదురు రంగుల్లో కనిపించే స్వీట్లను కొనుగోలు చేయకుండా జాగ్రత్త పడాలని పేర్కొన్నారు.ఇదీ చదవండి: రైతులకు డబ్బులొచ్చాయి

భారత సమాజంతో ఐఏఎస్, ఐపీఎస్‌ అధికారులకున్నా గౌరవం గురించి ప్రత్యేకించి చెప్పాల్సిన అవసరం లేదు. అందుకే చాలా మంది భారతీయ కుటుంబాల్లో ఐఏఎస్‌ అధికారి కావడం అనేది అత్యున్నత కెరీర్‌ లక్ష్యంగా భావిస్తారు. తమ పిల్లలు కూడా సివిల్‌ సర్వీసుల్లో చేరాలని తల్లిదండ్రులు కోరుకుంటారు. అయితే ఐఏఎస్‌ అధికారిగా సమాజంలో తన ప్రత్యేకత చాటుకున్న తుకారం ముండే మాత్రం తన పిల్లలను సివిల్‌ సర్వీస్‌లో చేర్చడం ఇష్టం లేదంటున్నారు. దానికి కారణం తెలిస్తే మీరు షాకవ్వాల్సిందే. ఐఏఎస్‌ అధికారి తుకారాం ముండే ఇటీవల గ్లోబల్‌ మరాఠా బిజినెస్‌ ఎక్స్‌పోలో పాల్గొని కీలక వ్యాఖ్యలు చేశారు. తన మాట్లాడుతూ.. "తన పిల్లలు పారిశ్రామికవేత్తలుగా లేదా ప్రజా నాయకులుగా ఎదిగి, మరింత స్వేచ్ఛతో సమాజానికి సేవ చేయాలని ఆయన కోరుకుంటున్నట్లు తెలిపారు". సూమారు 21 ఏళ్ల సర్వీసులో 25 సార్లు బదిలీలను ఎదుర్కొన్న అనుభవమే దీనికి ప్రధాన కారణంగా పేర్కొన్నారు. ఈ బదిలీల ప్రభావం ఆయన ఉద్యోగ జీవితానికే పరిమితం కాకుండా కుటుంబ జీవితంపైనా పడినట్లు ముండే తెలిపారు.పిల్లల చదువుపై బదిలీల ప్రభావంతుకారాం ముండే తన పిల్లలను సివిల్‌ సర్వీసుల్లోకి రావద్దని సూచించడానికి ప్రధాన కారణం మహారాష్ట్రలోని వివిధ ప్రాంతాల్లో ఆయన విధులు నిర్వహించడంతో తరచూ నివాసం మారాల్సి రావడమే అన్నట్లు తెలుస్తోంది. ఒక నగరం నుంచి మరో నగరానికి వెళ్లడం, కొత్త ప్రాంతాలకు అలవాటు పడటం, పిల్లల చదువును కొనసాగించడం వంటి విషయాలు ఆయనను తరచుగా ఇబ్బందులకు గురిచేసింది.ముఖ్యంగా, ఆయన కుమారుడు ఐదో తరగతిలోకి రాకముందే ఆరుసార్లు పాఠశాలలు మారాల్సి వచ్చిందని పలు కథనాలు వెల్లడయ్యాయి. తన పోస్టింగులకు అనుగుణంగా కుటుంబ జీవితాన్ని పదేపదే మార్చుకోవాల్సి రావడంతో, తన భార్య కూడా అనేక సర్దుబాట్లు చేసుకోవాల్సి వచ్చిందని ఆయన వివరించినట్లు సమాచారం.ఇదీ చ‌ద‌వండి: అవే ఆయన నాతో చివరిగా అన్న మాటలుసాధారణంగా పిల్లల విషయంలో ఇటువంటి మార్పులు తీవ్రంగా ప్రభావం చూపుతాయి. ఒక పాఠశాల నుంచి మరో పాఠశాలకు మారినప్పుడు స్నేహితులను, పరిచయమున్న ఉపాధ్యాయులను, అలవాటైన వాతావరణాన్ని వదిలి వెళ్లాల్సి వస్తుంది. కొత్త పాఠశాలలో మళ్లీ అలవాటు పడటం, కొత్త స్నేహాలు ఏర్పరచుకోవడం, చదువులో కొనసాగింపును కాపాడుకోవడం వంటి సవాళ్లు ఎదురవుతాయి. ఐఏఎస్‌ ఉద్యోగం అధికారంతో, ఉద్యోగ భద్రతతో కూడినదిగా కనిపించినప్పటికీ, ఆ ఉద్యోగాన్ని నిర్వహించే వ్యక్తి కుటుంబం కూడా దాని ప్రభావాన్ని ఎదుర్కోవాల్సి వస్తుందని ముండే అనుభవం తెలియజేస్తోంది.ఎవరీ తుకారాం ముండే?తుకారాం ముండే మహారాష్ట్ర కేడర్‌కు చెందిన 2005 బ్యాచ్‌ ఐఏఎస్‌ అధికారి. నిబంధనలను కఠినంగా అమలు చేయడం, వివిధ ప్రభుత్వ విభాగాల్లో విధులు నిర్వహించడం, తరచూ బదిలీలను ఎదుర్కోవడం వంటి కారణాలతో ఆయన మహారాష్ట్ర అధికార వర్గాల్లో గుర్తింపు పొందారు. మున్సిపల్‌ పరిపాలన నుంచి రాష్ట్ర ప్రభుత్వంలోని ఉన్నత స్థాయి విభాగాల వరకు ఆయన వివిధ బాధ్యతలు నిర్వహించారు.ఇదీ చదవండి: ఇండిగో కీలక నిర్ణయం2026 మే నెలలో ఆయన మహారాష్ట్ర ఫుడ్‌ అండ్‌ డ్రగ్‌ అడ్మినిస్ట్రేషన్‌ (FDA) కమిషనర్‌గా బాధ్యతలు చేపట్టారు. అప్పటి నుంచి కల్తీ ఆహరంపై ఆయన తీసుకుంటున్న చర్యలు దేశవ్యాప్తంగా సంచలనం సృష్టించాయి.

విల‌క్ష‌ణ న‌టుడు నానా పటేకర్ మ‌ర‌ణం సినిమా ప‌రిశ్ర‌మ‌లో తీవ్ర విషాదం నింపింది. త‌న న‌ట‌న‌తో పాత్ర‌ల‌కు వ‌న్నె తెచ్చిన ఈ దిగ్గ‌జ న‌టుడు నేడు తుదిశ్వాస విడిచారు. న‌టుడిగానే కాదు మాన‌వ‌తావాదిగా కూడా ఖ్యాతికెక్కారు. అన్న‌దాత‌ల‌కు అండ‌గా నిలిచి మిగ‌తా న‌టుల కంటే ఆయ‌న ప్ర‌త్యేకంగా నిలిచారు. అందుకే ఆయన మ‌ర‌ణాన్ని అభిమానులు, స‌న్నిహితులు జీర్ణించుకోలేక‌పోతున్నారు. విల‌క్ష‌ణ న‌టుడినే కాదు.. గొప్ప మాన‌వ‌తావాదిని కోల్పోయామంటూ నివాళులు అర్పిస్తున్నారు.నానా పటేకర్ మ‌ర‌ణంపై ఐఏఎస్ అధికారి, మహారాష్ట్ర ఫుడ్ అండ్ డ్రగ్ అడ్మినిస్ట్రేషన్ కమిషనర్ తుకారం ముండే సంతాపం ప్ర‌క‌టించారు. ఆయ‌నను ఎప్ప‌టికీ గుర్తుంచుకుంటామ‌ని ఎక్స్‌లో పేర్కొన్నారు. “ఒక అసాధారణ కళాకారుడినే కాదు, ఒక గొప్ప మానవతావాదిని, ప్రియమైన స్నేహితుడిని నేను కోల్పోయాను. ఆయన ఆప్యాయత, అనురాగం చుట్టూ ఉన్న ప్రతి ఒక్కరినీ తాకాయి. 8 రోజుల క్రితమే ఆయ‌న నాతో మాట్లాడారు. అదే మా ఇద్దరి చివరి సంభాషణ అవుతుందని నేను ఊహించలేదు. ఆయన నాతో చివరిగా అన్న మాటలు 'బాలా.. నువ్వంటే నాకు ఇష్టం'. ఆ మాటలు జీవితాంతం నాతోనే ఉంటాయి. కొంతమంది జ్ఞాపకాలను మిగిల్చి వెళ్తారు. మరికొందరు మన జీవితాల్లో తమలో కొంత భాగాన్ని మిగిల్చి వెళ్తారు. నానా అలాంటి వారిలో ఒకరు. నిన్ను ఎప్పటికీ గుర్తుంచుకుంటాం” అంటూ తుకారం ముండే నివాళులు అర్పించారు.మంచి మిత్రుడిని కోల్పోయా: అనుప‌మ్ ఖేర్‌నానా పటేకర్ మ‌ర‌ణ‌వార్త‌ను జీర్ణించుకోలేక‌పోతున్నాన‌ని సీనియ‌ర్ న‌టుడు అనుమ‌ప్ ఖేర్ అన్నారు. భారతీయ సినిమా రంగంలోని అత్యుత్తమ నటుల్లో, మానవతావాదుల్లో ఒకరైన త‌న‌ స్నేహితుడు నానా పటేకర్ ఇక లేరనే హృదయ విదారక వార్త బాధ క‌లింగిచింద‌ని పేర్కొన్నారు. నానా పటేకర్ త‌న‌కు మంచి మిత్రుడ‌ని, ఎంతో నిరాడంబ‌రంగా ఉండేవార‌ని గుర్తు చేసుకున్నారు. చాలా నిక్క‌చ్చిగా ఉండేవార‌ని సూటిగా మాట్లాడేవార‌ని అన్నారు. అత్యంత కష్టమైన విషయాలను కూడా తనదైన శైలిలో చెప్పేవారని తెలిపారు. నానా ప‌టేక‌ర్ తుదిశ్వాస విడిచినా సినిమాల్లో ఆయ‌న పోషించిన పాత్ర‌ల‌తో చిర‌స్థాయిగా నిలిచిపోతార‌ని అన్నారు. నానా ప‌టేక‌ర్ కుటుంబానికి, ఆయ‌న అభిమానుల‌కు అనుమ‌ప్ ఖేర్ ప్రగాఢ సానుభూతి తెలిపారు.ఇదీ చ‌ద‌వండి: మాధురీపై మనసు పారేసుకున్న నానా పటేకర్‌!ఎప్పటికీ గుర్తుంచుకుంటాను: ప్ర‌కాశ్‌రాజ్ నానా పటేకర్‌ను చాలా మిస్ అవుతున్నాన‌ని అంటూ న‌టుడు ప్ర‌కాశ్‌రాజ్ నివాళులు అర్పించారు. ఆయ‌నతో త‌నుకున్న జ్ఞాప‌కాల‌ను చిర‌కాలం గుర్తుంచుకుంటాన‌ని పేర్కొన్నారు. నా ప్రియమైన నానాజీ.. మీతో గడిపిన క్షణాలు.. సంభాషణలు.. వాదనలు.. మీరు వండిన వంట.. మీరు పంచుకున్న జ్ఞానం... వీటన్నింటినీ ఎప్పటికీ గుర్తుంచుకుంటాను. నా జీవిత ప్రయాణంలోకి వచ్చినందుకు మీకు ధన్యవాదాలు అంటూ ఎక్స్‌లో పోస్ట్ చేశారుఇదీ చదవండి: నానా పటేకర్‌ లాస్ట్‌ మెసేజ్‌, చివరి ప్రసంగం: కన్నీళ్లు రాక మానవు!

స్టార్‌ హీరోలు.. భారీ ఫ్యాన్‌ ఫాలోయింగ్‌.. కోట్లాది రూపాయల రెమ్యునరేషన్‌.. కానీ చట్టం ముందు ఇవేవీ పనిచేయవని మహారాష్ట్ర ఫుడ్‌ అండ్‌ డ్రగ్‌ అడ్మినిస్ట్రేషన్‌ కమిషనర్‌ తుకారాం ముండే స్పష్టం చేశారు. వాణిజ్య ప్రకటనల్లో నటించే సెలబ్రిటీలు కూడా నిబంధనలకు బాధ్యత వహించాల్సిందేనని తేల్చిచెప్పారు. షారుఖ్‌ ఖాన్‌, అజయ్‌ దేవ్‌గణ్‌, టైగర్‌ ష్రాఫ్‌లకు విమల్‌ యాడ్‌ వ్యవహారంలో నోటీసులు జారీ చేసిన నేపథ్యంలో ఆయన ఈ వ్యాఖ్యలు చేశారు.‘‘మీ దృష్టిలో వాళ్లు స్టార్లు కావొచ్చు. కానీ ఈ కేసులో నా దృష్టిలో వాళ్లు కేవలం అడ్వర్టైజర్లు మాత్రమే. చట్టాన్ని ఉల్లంఘించినవారిగానే చూస్తున్నా. చట్టం తన పని తాను చేసుకుంటుంది’’ అని తుకారాం ముండే అన్నారు. సెలబ్రిటీలు ప్రకటనల్లో నటించే ముందు తాము ప్రచారం చేస్తున్న ఉత్పత్తి గురించి తగిన జాగ్రత్తలు తీసుకోవాల్సిన బాధ్యత ఉందని పేర్కొన్నారు. తయారీదారుడిదే మొత్తం బాధ్యత అని చెప్పడం సరికాదన్నారు.మహారాష్ట్ర ఎఫ్‌డీఏ గ్రేటర్‌ ముంబై విభాగం ఆగస్టు 11న షారుఖ్‌ ఖాన్‌, అజయ్‌ దేవ్‌గణ్‌, టైగర్‌ ష్రాఫ్‌లకు షోకాజ్‌ నోటీసులు జారీ చేసింది. విమల్‌ ఇలాచీ పేరుతో వచ్చిన ప్రకటన పరోక్షంగా విమల్‌ పాన్‌ మసాలాను ప్రచారం చేస్తోందన్నది ప్రధాన ఆరోపణ. మహారాష్ట్రలో పాన్‌ మసాలా నిషేధం నేపథ్యంలో ఈ చర్య తీసుకున్నట్లు అధికారులు తెలిపారు. నటులు 15 రోజుల్లో వివరణ ఇవ్వాలని ఆదేశించారు.ఇద్దరి నుంచి సమాధానం.. ఒకరిపై చర్యలుముగ్గురు నటుల్లో ఇద్దరు నోటీసులకు సమాధానం ఇచ్చారని ముండే తెలిపారు. అయితే ఎవరెవరు స్పందించారన్న విషయాన్ని ఆయన వెల్లడించలేదు. ఒక నటుడు మాత్రం ఇప్పటివరకు స్పందించలేదని, ఆ వ్యక్తిపై అడ్జుడికేషన్‌, ప్రాసిక్యూషన్‌ ప్రక్రియ ప్రారంభిస్తున్నట్లు చెప్పారు. షారుఖ్‌ ఖాన్‌ టీమ్‌ స్పందించిందా? అనే ప్రశ్నకు.. ‘‘నాకు ఖచ్చితంగా తెలియదు’’ అని ముండే పేర్కొన్నారు.బాధ్యత తయారీదారుడిదేనా?ప్రకటనలో నటించినంత మాత్రాన బాధ్యత ఉండంటూ ఆ నటులు, వాళ్ల అభిమానులు వాదించడంపైనా ముండే స్పందించారు. ఫుడ్‌ సేఫ్టీ చట్టం, 2018 రెగ్యులేషన్స్‌ ప్రకారం.. ప్రకటనదారుల బాధ్యతల గురించి స్పష్టమైన నిబంధనలు ఉన్నాయని చెప్పారు. తాము ప్రచారం చేస్తున్న ఉత్పత్తిపై తగిన పరిశీలన చేయాల్సిన బాధ్యత ఎండార్సర్లకు కూడా ఉంటుందని పేర్కొన్నారు. ఇది కేవలం నైతిక బాధ్యత మాత్రమే కాదని, చట్టపరమైన బాధ్యత కూడా అని ముండే స్పష్టం చేశారు.ఢిల్లీ హైకోర్టులోనూ దక్కని ఊరటఈ వ్యవహారంలో వమల్‌ ఇలాచీ మాస్టర్‌ లైసెన్సీ పీబీ అగ్రో ఎల్‌ఎల్‌పీ దాఖలు చేసిన పిటిషన్‌ను ఢిల్లీ హైకోర్టు సెప్టెంబర్‌ 14న కొట్టివేసింది. ముంబై ఎఫ్‌డీఏ జారీ చేసిన నోటీసులను సవాలు చేసే విషయంలో ఢిల్లీ హైకోర్టు పరిధిలోకి రాదంటూ జస్టిస్‌ స్వర్ణకాంత శర్మ ధర్మాసనం పేర్కొంది. ఈ వివాదానికి సంబంధించిన ప్రధాన అంశాలు మహారాష్ట్రలోనే ఉన్నందున అక్కడి న్యాయస్థానమే సరైన వేదికగా కోర్టు అభిప్రాయపడింది. ఇటు ఆస్పత్రి వస్తువుల ధరలపైనా ఫోకస్‌కొన్ని హాస్పిటల్‌ కన్జ్యూమబుల్స్‌పై 150 నుంచి 2,800 శాతం వరకు మార్కప్‌ ఉన్నట్లు ఎఫ్‌డీఏ గుర్తించిందని తెలిపారు. ఉదాహరణగా రూ.11కు కొనుగోలు చేసిన ఇంట్రావీనస్‌ సెట్‌కు రూ.325 ఎంఆర్‌పీ ఉన్న విషయాన్ని ప్రస్తావించారు. ఈ అంశాన్ని పరిశీలించాలని నేషనల్‌ ఫార్మాస్యూటికల్‌ ప్రైసింగ్‌ అథారిటీ (NPPA)ని కోరినట్లు వెల్లడించారు. అయితే వైద్య చికిత్సలో నిత్యం ఉపయోగించే ఇలాంటి వస్తువులను ధరల నియంత్రణ పరిధిలోకి తీసుకురావాలా అనే అంశాన్ని అన్ని వర్గాలతో చర్చించాల్సి ఉందని ముండే చెప్పారు. ఇది వ్యవస్థాగత దోపిడీగా పరిగణించవచ్చా ? లేదా? అనేది NPPA తదుపరి పరిశీలనలో తేలుతుందని పేర్కొన్నారు.ఇదీ చదవండి: మహిళలు గ్యాస్‌ మొద్దును ఎత్తలేరా?-సుప్రీం కోర్టు