సుడిగాలి సుధీర్‌.. బుల్లితెర ప్రేక్షకులకు పరిచయం అక్కర్లేని పేరు ఇది. జబర్దస్త్ కామెడీ షోతో బాగా ఫేమస్‌ అయ్యాడు. కామెడీ కంటే ఎక్కువ ఆ షో హోస్ట్‌ రష్మితో నడిపిన లవ్‌ట్రాక్‌ సుధీర్‌ని మరింత ఫేమస్‌ చేసింది. ఆ ఫేమ్‌లో పలు షోలకు హోస్ట్‌గా చేసే అవకాశం వచ్చింది. అవి కూడా సక్సెస్‌ కావడంతో సుధీర్‌కు వెండితెర అవకాశాలు కూడా వచ్చాయి. ప్రస్తుతం ఆయన పలు షోలకు హోస్ట్‌గా చేస్తున్నాడు. అందులో ఒకటి సర్కార్‌ సీజన్‌ 6. ప్రముఖ ఓటీటీ ఆహాలో ఇది స్ట్రీమింగ్‌ అవుతుంది.ఇక ఈ షో లేటెస్ట్ ఎపిసోడ్‌లో 'పాపం ప్రతాప్' మూవీ టీమ్ సందడి చేసింది. ఇందులో సుధీర్‌ తన బ్రేకప్‌ స్టోరీని చెబుతూ ఎమోషనల్‌ అయ్యాడు.14 ఏళ్ల పాటు ప్రేమలో..సుడిగాలి సుధీర్‌ పెళ్లి గురించి సోషల్‌ మీడియాలో చాలా వార్తలు వచ్చాయి. ఒకనొక దశలో యాంకర్‌ రష్మితో ప్రేమలో ఉన్నారనే పుకార్లు కూడా వచ్చాయి. కానీ వాళ్లిద్దరు కేవలం షో కోసం మాత్రమే లవ్‌ట్రాక్‌ నడిపామని చెప్పడంతో ఆ పుకార్లకు బ్రేక్‌ పడింది. అయితే రష్మితో కానీ మరో అమ్మాయితో సుధీర్‌ 14 ఏళ్ల పాటు రిలేషన్‌లో ఉన్నాడట. చివరి ఆమె వేరే వ్యక్తిని పెళ్లి చేసుకోవడంతో అప్పటి నుంచి సింగిల్‌గానే ఉంటున్నాడట. బ్రేకప్‌.. నెక్లెస్‌ రోడ్‌పై పరుగెత్తా..సర్కార్‌ సీజన్‌ 6 లేటెస్ట్‌ ఎపిసోడ్‌లో సుధీర్‌ బ్రేకప్‌ స్టోరీ గురించి ఇలా చెప్పుకొచ్చాడు. ‘14 ఏళ్ల పాటు రిలేషన్‌లో ఉన్నాం. ఆ అమ్మాయి వేరే వ్యక్తిని పెళ్లి చేసుకోవాలని అనుకుంది. విషయం తెలిసి..ఏంటి ఇదంతా అని అడిగితే..‘ ప్రస్తుతం నేను హ్యాపీగా ఉన్నా..డిస్ట్రబ్‌ చేయకు’ అని చెప్పింది. చాలా బాధపడ్డా. నెక్లెస్ రోడ్డులో పరిగెడుతున్నా, అరుస్తున్నా.. ఏంటేంటో చేసేశా.. అంటూ బ్రేకప్‌ చెప్పిన రోజు జరిగిన విషయాన్ని వివరిస్తూ.. ఎమోషల్‌ అయ్యాడు. పక్కనే ఉన్న కో హోస్ట్‌ విష్ణు ప్రియ.. సుధీర్‌ని హగ్‌ చేసుకొని ఓదార్చింది.

గణ గుణాలేంటి? అతను తీరేంటి? అంటే ‘రైజ్‌ ఆఫ్‌ గణ’ పాట వినాల్సిందే. గణ పాత్రలో సుడిగాలి సుధీర్‌ హీరోగా నటించిన చిత్రం ‘గోట్‌’. దివ్యభారతి హీరోయిన్‌గా నటించారు. వేదవ్యాస్‌ దర్శకత్వంలో మహాతేజ క్రియేషన్స్, జైష్ణవ్‌ ప్రోడక్షన్స్‌ నిర్మించిన ఈ చిత్రానికి చంద్రశేఖర్‌ రెడ్డి మొగుళ్ళ నిర్మాత.ఈ చిత్రం ఫిబ్రవరిలో విడుదల కానుంది. సోమవారం ఈ చిత్రం నుంచి ‘రైజ్‌ ఆఫ్‌ గణ’ పాట లిరికల్‌ వీడియోను విడుదల చేశారు. లియోన్‌ జేమ్స్‌ సంగీతం అందించిన ఈ పాటకు కాసర్ల శ్యామ్‌ సాహిత్యం అందించారు. ‘‘హీరో క్యారెక్టరైజేషన్, అతని గుణాలు, తీరు తెలిపే విధంగా పవర్‌ఫుల్‌ సాంగ్‌లా ఉంటుంది. సుడిగాలి సుధీర్‌ కెరీర్‌లో ఈ చిత్రం మైల్‌స్టోన్‌గా నిలుస్తుంది’’ అని నిర్మాత అన్నారు.

జబర్దస్త్ కమెడియన్ సుడిగాలి సుధీర్ హీరోగా వస్తోన్న తాజా చిత్రం గోట్(GOAT). కామెడీ ఎంటర్‌టైనర్‌గా ఈ సినిమాను తెరకెక్కిస్తున్నారు. ఈ మూవీలో దివ్య భారతి హీరోయిన్‌గా కనిపించనుంది. తాజాగా ఈ సినిమాకు సంబంధించిన అప్‌డేట్ వచ్చేసింది.ఇవాళ గోట్ మూవీ టీజర్‌ను మేకర్స్ రిలీజ్ చేశారు. ఈ టీజర్ చూస్తుంటే ఫుల్ కామెడీ ఎంటర్‌టైనర్‌గానే తెరకెక్కించినట్లు తెలుస్తోంది. పెళ్లి ఇష్టం లేని అమ్మాయి.. తనను ఎత్తుకొస్తే పది లక్షలు ఇస్తానంది.. ఐదు నీకు.. ఐదు నాకు అంటూ బ్రహ్మజీ చెప్పిన డైలాగ్ తెగ నవ్వులు తెప్పిస్తోంది. కాగా.. ఈ సినిమాను జైష్ణవ్ ప్రొడక్షన్స్ బ్యానర్‌పై మొగుళ్ల చంద్రశేఖర్ నిర్మిస్తున్నారు. ఈ మూవీకి లియోన్ జేమ్స్ సంగీతం అందిస్తున్నారు.

‘సుడిగాలి’ సుధీర్, దివ్య భారతి హీరో హీరోయిన్లుగా నటించిన చిత్రం ‘జీవోఏటీ’. క్రికెట్‌ నేపథ్యంలో వినోద ప్రధానంగా సాగే ఈ సినిమాను మొగుళ్ళ చంద్రశేఖర్‌ నిర్మించారు. ఈ సినిమా పోస్ట్‌ ప్రొడక్షన్‌ పనులు తుది దశకు చేరుకున్నాయి. త్వరలోనే ఈ చిత్రం విడుదల కానుంది. ఈ చిత్రానికి లియోన్‌ జేమ్స్‌ సంగీతం అందించారు. అయితే బ్యాక్‌గ్రౌండ్‌ స్కోర్‌ను మాత్రం ప్రముఖ సంగీతదర్శకుడు మణిశర్మ అందించనున్నారు. ఈ విషయాన్ని చిత్రనిర్మాత శనివారం అధికారికంగా తెలిపారు. ఇటివలే రిలీజ్ చేసిన ఫస్ట్ సింగిల్ ఒడియమ్మ సాంగ్ కి అద్భుతమైన రెస్పాన్స్ వచ్చింది. లియోన్ జేమ్స్ ఈ పాటని అదిరిపోయే లవ్ మెలోడీ గా కంపోజ్ చేశారు. సుధీర్(Sudigali Sudheer) కెరీర్‌లో ఇంత వేగంగా వైరల్ అయిన పాట ఇదే అనే చెప్పాలి. రిలీజ్ అయిన ఒక్క రోజులోనే రికార్డు స్థాయి వ్యూస్‌తో దూసుకుపోయి, సోషల్ మీడియాలో ట్రెండ్ అవుతోంది. ఇప్పటివరకు విడుదలైన అన్ని పాటలు హిట్ అంటూ ప్రేక్షకుల నుంచి అద్భుత స్పందన అందుకుంటున్నాయి. దీంతో సినిమా పై బజ్ మరింతగా పెరిగింది.