సాక్షి, స్కూల్ ఎడిషన్
  దువ్విన తలనే దువ్వడం,
  అద్దిన పౌడరు అద్దడం,
  అద్దం వదలక పోవడం,
  అందానికి మెరుగులు దిద్దడం..
  
  ప్రపంచంలో ప్రతీ పదహారేళ్ల అమ్మాయికి ఇలాంటి అలవాట్లే ఉంటాయి. ఆ అమ్మాయిలు నల్లగా ఉన్నా, తెల్లగా ఉన్నా దాదాపుగా అంతా ఒకేలా ప్రవర్తిస్తారు. కానీ, ఓ అమ్మాయికి మీసాలుంటే.. మగవారిలా గడ్డం పెరిగితే! ఆ పదం వినడమే కష్టంగా ఉంది కదూ! ఒకవేళ నిజమైతే.. అంతకన్నా శాపం ఇంకేముంటుంది? ఇలాంటి ప్రకృతి విరుద్ధమైన పరిస్థితుల్లో ఎవరు ఉన్నా.. కుమిలి పోతారు. బయటికి రాకుండా, లోకాన్ని చూడకుండా బతుకుతారు. కానీ, హర్నామ్ కౌర్ మనస్తత్వం అలాంటిది కాదు. తన శరీరంలో వచ్చిన మార్పునకు తాను కారణం కాదు. కాబట్టి ఎవరి ముందు సిగ్గుపడకుండా తన పనులు తాను చేసుకుంటుంది. శరీరంలో అవలక్షణం గురించి లోకమేమనుకున్నా.. తనకేమంటూ కెరీర్‌పై దృష్టి పెట్టి ముందుకు పోతోంది. తనలాంటి వారు కుమిలిపోకుండా జీవితాన్ని పాడుచేసుకోకండి అనే సందేశమిస్తూ.. ఉద్యమాన్నే ప్రారంభించింది. హర్మన్ కౌర్ మనోధైర్యానికి, సంకల్పానికి నిజంగా మనమంతా మనస్ఫూర్తిగా సెల్యూట్ చేసి తీరాలి.
  
  హర్నామ్‌కు ఏమైంది?
  
  హర్నామ్‌కౌర్ (25) కుటుంబం భారత్ నుంచి వలస వెళ్లి బ్రిటన్‌లోని బెర్క్‌షైర్ ప్రాంతంలో స్థిరపడింది. పుట్టినప్పటి నుంచి హర్నామ్‌ను ఇంట్లో వారంతా ఎంతో గారాబంగా చూసుకున్నారు. ముద్దుగా, బొద్దుగా, తెల్లగా ఉండే ఆమెను అపురూపంగా చూసుకునేవారు. 11 ఏళ్లు వచ్చేసరికి హర్నామ్ శరీరంలో మార్పులు మొదలయ్యాయి. అందరిలా కాకుండా ముఖంపై దట్టమైన రోమాలు రావడంతో తల్లిదండ్రుల్లో ఆందోళన మొదలైంది. మొదట్లో ఇది సాధారణమైందనే అనుకున్నారు వారంతా. రానురాను ఎక్కువవసాగింది. దీంతో ఫేషియల్, వాక్స్ సాయంతో ప్రతిరోజూ రోమాలను తొలగించే వారు. 16 ఏళ్లు వచ్చాక ఈ సమస్య తీవ్రమైంది. అవి రోమాలు కావని, గడ్డం, మీసాలు అని నిర్ణయించుకున్నారు.
  
  ఆత్మహత్యాయత్నం..!
  
  ప్రతిరోజు ఫేషియల్ చేసుకోవాలంటే కుదిరేది కాదు. హైస్కూల్‌లో చేరాక హర్నామ్‌కు ఇబ్బందులు పెరగసాగాయి. తోటి విద్యార్థులు హర్నామ్‌ను ఎగతాళి చేసేవారు. నీకు మగవారిలా గడ్డం, మీసాలు వస్తున్నాయని ఏడిపించేవారు. దీంతో తనలో తాను కుమిలిపోయేది హర్నామ్. తోటి విద్యార్థుల కామెంట్లు భరించలేకపోయింది. ఒకరోజు ఇంట్లో చేతికి దొరికిన టాబ్లెట్లు మింగి ఆత్మహత్యాయత్నం చేసుకోవాలని ప్రయత్నించింది. కానీ, ఇంట్లో వారు సకాలంలో గుర్తించడంతో బతికింది.
  
  ఏంటి సమస్య?
  
  హర్నామ్‌కౌర్ కూడా అందరిలాంటి అమ్మాయే. కానీ, ఆమెకు పాలిసిస్టిక్ ఓవరీ సిండ్రోమ్ (పీసీఓ) అనే రుగ్మత వచ్చింది. ఇది ఆడవారిలో రుతుచక్రంపై ప్రభావం చూపిస్తుంది. దీనివల్ల అండాల విడుదల సక్రమంగా జరగదు. ఫలితంగా శరీరంలో హోర్మోన్ల స్థాయిలో హెచ్చుతగ్గులు నమోదవుతాయి. మగవారిలో ఉత్పత్తి అయ్యే ‘ఆండ్రోజెన్స్’ హర్మోన్ ఎక్కువగా ఉత్పత్తి అవుతుంది. దీని ఫలితంగా ఆడవారి శరీరంలో ముఖ్యంగా మొహంపై మీసాలు, గడ్డాలు పెరుగుతాయి.
  
  ఆలోచన మారింది..!
  
  బతికి బయటపడ్డ హర్నామ్‌కౌర్ తన ఆలోచన తీరు మార్చుకుంది. తన శరీరంలో ఏర్పడ్డ హార్మోన్ల లోపానికి తాను ఎలా కారణమవుతానని ప్రశ్నించుకుంది. అంతే.. హర్మామ్ వ్యవహార శైలి పూర్తిగా మారిపోయింది. తన మొహంపై ఉన్న గడ్డాలు, మీసాలు తీయకూడదని నిర్ణయించుకుంది. తనలా ఇలాంటి వ్యాధితో బాధపడుతున్నవరు కుంగిపోకుండా వారిలో స్ఫూర్తిని నింపాలనుంది. ఆమె సంకల్పానికి కుటుంబ సభ్యులు, స్నేహితులు మద్దతు పలికారు. అప్పటి నుంచి సిక్కు యువకుడిలా నెత్తిన తలపాగా, మీసాలు, గడ్డంతో స్కూలు, కాలేజీలకు వెళ్లి రావడం మొదలుపెట్టింది. ఎవరేమనుకున్నా పట్టించుకునేది కాదు. శరీర అవలక్షణాలతో ఇబ్బంది పడుతున్న వారిని హేళన చేయడాన్ని తప్పుబట్టింది. అలాంటి వారిలో మానసికస్థైర్యం నింపడానికి నడుం బిగించింది. ప్రస్తుతం టీచింగ్ అసిస్టెంట్‌గా పనిచేస్తూనే మరోవైపు ‘ఆంటీ బుల్లీయింగ్’ చారిటీ పేరిట ఉద్యమాన్ని నడుపుతోంది. తనలాంటి వారు మనోనిబ్బరం కోల్పోకూడదంటూ టీవీల ద్వారా సందేశాలను ఇస్తోంది. సోదరుడి సాయంతో తన జీవితాన్నే లఘుచిత్రంగా తీసి ప్రచారం చేస్తోంది. ఈ ఉద్యమానికి హర్నామ్‌కు బ్రిటన్ ప్రజల నుంచి పెద్ద ఎత్తున ఆదరణ, మద్దతు లభించడం విశేషం.
  


 లండన్:మగవారికి గడ్డం పెరగడం చూస్తూనే ఉంటాం. కానీ ఓ అమ్మాయికి గడ్డం పెరిగితే.. అది ఆమెకు పెద్ద సవాలే. ఇలాంటి సవాలే బ్రిటన్‌లో నివసిస్తున్న 23 ఏళ్ల భారత సంతతి సిక్కు మహిళ హర్‌నమ్ కౌర్‌కు ఎదురైంది. ఆమెకు 16వ ఏట నుంచీ ముఖంపై వెంట్రుకలు రావడం మొదలయ్యాయి. మగవారికి గడ్డం ఎలా వస్తుందో అలాగే ఆమెకూ గడ్డం వచ్చేసింది. పాలిసిస్టిక్ ఓవరీ సిండ్రోమే కారణంగా ఆమెకు ఈ పరిస్థితి ఎదురైంది. టీనే జర్‌గా కౌర్ మొదట్లో ఈ గడ్డంతో చాలా ఇబ్బందులే పడింది. ముఖానికి చేతులు అడ్డుపెట్టుకుని మాట్లాడటం.. క్లాత్ కప్పుకుని తిరగడం చేసేది. ఆమె బయటకెళితే అంతా అదో రకంగా చూసేవారు. భయపెట్టేవారు. అసభ్యంగా పిలిచేవారు. దీంతో ఆమె ఎంతో వేదన అనుభవించిందామె. ఈ సమయంలో సోదరుడు గురుదీప్ ఆమెకు ఆసరాగా నిలిచాడు.
  
 ఆమెకు అన్నిట్లోనూ తోడుగా నిలిచాడు. దీంతో ఈరోజు ఆమెలో బెరుకు తగ్గింది. ఓ ప్రై మరీ స్కూల్‌లో టీచింగ్ అసిస్టెంట్‌గా పనిచేస్తూ.. తనకంటూ ఓ ప్రత్యేక గుర్తింపును సాధించింది. ప్రపంచంలో గడ్డం ఉన్న ఏకైక మహిళగా గుర్తింపు సాధించి ఆమెకు ఇప్పుడో అరుదైన అవకాశం దక్కింది. ప్రపంచంలోని అత్యుత్తమ గడ్డాల ఎగ్జిబిషన్‌కు ఆమె ఫొటో ఎంపికైంది. బార్డ్ సీజన్ అనే స్వచ్చంధ సంస్థ ప్రాజెక్ట్ 60 పేరుతో 60 ఉత్తమ గడ్డాల ఫొటోలను ప్రదర్శనకు పెట్టాలని నిర్ణయించింది. ఈ ప్రదర్శన త్వరలో లండన్‌లో ప్రారంభం కానుంది. ఈ ప్రదర్శనకు హర్‌నమ్ కౌర్ ఫొటో ఎంపిక కావడంతో ఆమె మరోసారి వార్తల్లోకొచ్చింది.


 కొన్నాళ్ల కిందట...
  ఇంగ్లాండ్‌లోని బెర్క్‌షైర్‌లో నివసించే హర్నామ్‌కౌర్(23)కు పాలీలిస్టిక్ ఓవరీ సిండ్రో మ్ కారణంగా11 ఏళ్ల నుంచే శరీరమంతా వెం ట్రుకలు రావడం మొదలైంది... అప్పటి నుంచి ఆమెకు కష్టాలు కూడా మొదలయ్యాయి. ఆడపిల్ల అందునా అంత చిన్న వయసులో గడ్డం, మీసాలు రావడంతో కుటుంబ సభ్యులంతా తీవ్ర ఆందోళనకు గురయ్యారు. ఇక హర్నామ్ బాధ వర్ణనాతీతం. స్కూల్‌లో అందరూ ఆమెను ‘ఫీమెన్’ అంటూ సూటిపోటి మాటలతో వేధించేవారు. నెట్‌లో ఫొటోలు పెడితే కొందరు చంపేస్తామంటూ హెచ్చరించారు. ప్రతిరోజూ శరీరమంతా ట్రిమ్ చేసుకోవడం ఆమెకు కష్టంగా మారింది. ఇవన్నీ భరించలేక ఇంట్లోంచి బయటకు రావడమే మానేసింది. ఒక దశలో ఆత్మహత్యచేసుకోడానికి కూడా ప్రయత్నించింది.  
  
  ఇప్పుడు....
  ప్రతికూలతనే అనుకూలంగా మార్చుకుంది...తన జీవితానికి అడ్డంగా ఉన్న గడ్డాన్ని ఇక ఎంతమాత్రం తొలగించకూడదని నిర్ణయించుకుంది. ఇంట్లో వాళ్లు వారించినా సిక్కు మత సంప్రదాయం ప్రకారం ట్రిమ్ చేయడం మానేసింది. గడ్డం, మీసాలతోనే బయట ప్రపంచంలోకి ఆత్మవిశ్వాసంతో అడుగుపెట్టింది. ఈ విషయంలో తన సోదరుడు  గురుదీప్‌సింగ్ ఎంతో సహాయం చేశాడని, అడుగడుగునా ప్రోత్సహించాడని హర్నా మ్ తెలిపింది. ‘దేవుడే నన్ను ఇలా తయారు చేసినప్పుడు నేనెందుకు బాధపడాలి.. ఇలా ఉన్నందుకు సంతోషంగానే ఉన్నా.. నిజం చెప్పాలంటే ఇప్పుడే అమ్మాయిలా ఉన్నాననిపిస్తుంది.. అందరికీ నేను చెప్పేదొక్కటే.. మీ శక్తి ఏంటో మీరు గ్రహించండి.. మీకు ఇష్టమైనట్లే మీరు ఉండాలి.. మీ జీవితం మీదే..’ అంటున్న హర్నామ్ ప్రస్తుతం ఇంగ్లాడ్‌లోని ఒక సిక్కు ప్రైమరీ స్కూల్‌లో టీచర్‌గా పనిచేస్తుంది. అంతేకాదు గడ్డంతో ఉన్న తన వీడియోలను యూట్యూబ్‌లో పెట్టి తనలా బాధపడే మహిళకు స్ఫూర్తినిచ్చేందుకు ప్రయత్నిస్తోంది.