Friendly matches

న్యూఢిల్లీ: ఐదుసార్లు ప్రపంచ చాంపియన్‌ బ్రెజిల్‌తో సొంతగడ్డపై ఫుట్‌బాల్‌ మ్యాచ్‌ ఆడనుండటం... భారత ఫుట్‌బాల్‌ చరిత్రలో కీలక మలుపు కానుందని హెడ్‌ కోచ్‌ ఖాలిద్‌ జమీల్‌ అన్నాడు. వచ్చే ఏడాది జరగనున్న ఆసియా కప్‌ టోర్నీకి అర్హత సాధించడమే లక్ష్యంగా ముందుకు సాగుతున్న భారత పురుషుల ఫుట్‌బాల్‌ జట్టు అంతకుముందు స్వదేశంలో పనామా, బ్రెజిల్, ఉరుగ్వే జట్లతో అంతర్జాతీయ స్నేహపూర్వక మ్యాచ్‌లు ఆడనుంది. సాకర్‌ చరిత్రలో అత్యుత్తమ జట్లలో ఒకటిగా పేరున్న బ్రెజిల్‌ జట్టు ఇప్పటివరకు ఐదుసార్లు ‘ఫిఫా’ ప్రపంచకప్‌ విజేతగా నిలవగా... ఉరుగ్వే రెండుసార్లు టైటిల్‌ కైవసం చేసుకుంది. అలాంటి మేటి జట్లతో తలపడితే... మన ప్లేయర్లు ఎంతో మెరుగయ్యే అవకాశం ఉందని జమీల్‌ పేర్కొన్నాడు.‘అవును. ఇది భారత ఫుట్‌బాల్‌ చరిత్రలో అత్యంత కీలక మైలురాయి. బ్రెజిల్‌తో ఇప్పటి వరకు భారత జట్టు తలపడలేదు. వారితో ఆడనుండటం ఇదే మొదటిసారి. సానుకూలంగా ముందుకు సాగుతూ మెరుగైన ప్రదర్శన చేయడమే లక్ష్యంగా బరిలోకి దిగుతాం. 2027 ఆసియా కప్‌ టోర్నీకి అర్హత సాధించడమే మా ముందున్న ప్రధాన లక్ష్యం. దానికి ముందు బలమైన జట్లతో ఆడనుండటం మాకు ఉపయోగపడుతుంది’ అని జమీల్‌ వెల్లడించాడు. ఈ నెల 26న బెంగళూరు వేదికగా పనామాతో భారత్‌ తలపడనుంది. అనంతరం అక్టోబర్‌ 3న కోల్‌కతా వేదికగా బ్రెజిల్‌తో... అక్టోబర్‌ 6న ఉరుగ్వేతో టీమిండియా తలపడనుంది. ఇలాంటి కీలక సమయంలో విమర్శలను పక్కనపెట్టి అభిమానులంతా జట్టుకు అండగా నిలవాల్సిన అవసరముందని జమీల్‌ అన్నాడు. ‘భారత ఫుట్‌బాల్‌ చరిత్రలోనే ఇది కీలక మలుపు. ఈ సమయంలో ప్రతికూల విమర్శలను పక్కనపెట్టి... జట్టుకు మద్దతుగా నిలవాలి. ఈ మ్యాచ్‌లకు భారీ ఎత్తున అభిమానులు తరలిరావడం ఖాయం. సొంతగడ్డపై వారి ప్రోత్సాహం ఆటగాళ్ల ఆత్మవిశ్వాసాన్ని మరింత పెంచుతుంది. అగ్రశ్రేణి జట్లతో ఆడుతున్నప్పుడు డిఫెన్స్, అటాకింగ్‌ రెండింటిలోనూ బలంగా ఉండాలి. ముఖ్యంగా ప్లేయర్లు ఫిట్‌నెస్‌ మరింత మెరుగు పరుచుకోవాలి. పూర్తి ఆత్మవిశ్వాసంతో మైదానంలో అడుగుపెట్టడం చాలా ముఖ్యం. పెద్ద జట్లతో తలపడినప్పుడే ఆటగాళ్ల నైపుణ్యం, జట్టు వ్యూహాలు మెరుగవుతాయి’ అని జమీల్‌ వివరించాడు. భారత ఫుట్‌బాల్‌ సమాఖ్య కృషితోనే బ్రెజిల్, ఉరుగ్వే, పనామా వంటి మెరుగైన ర్యాంక్‌ల్లో ఉన్న జట్లతో పోటీపడే అవకాశం దక్కిందని కోచ్‌ వెల్లడించాడు.గంటలోనే టికెట్లు ఖతంబ్రెజిల్‌తో ఫ్రెండ్లీ మ్యాచ్‌కు ఫుల్‌ డిమాండ్‌ కోల్‌కతా: భారత్, బ్రెజిల్‌ అంతర్జాతీయ ఫ్రెండ్లీ ఫుట్‌బాల్‌ మ్యాచ్‌ టికెట్లకు భారీ డిమాండ్‌ ఏర్పడింది. అక్టోబర్‌ 3న కోల్‌కతా వేదికగా ఐదుసార్లు ప్రపంచ చాంపియన్‌ బ్రెజిల్‌తో భారత పురుషుల ఫుట్‌బాల్‌ జట్టు అంతర్జాతీయ స్నేహపూర్వక మ్యాచ్‌ ఆడనుంది. ఈ మ్యాచ్‌కు సంబంధించిన ప్రాథమిక ధర టికెట్లన్నీ బుధవారం గంటలోనే అమ్ముడవడం విశేషం. ఫుట్‌బాల్‌ చరిత్రలో భారత జట్టు ఇప్పటి వరకు బ్రెజిల్‌తో మ్యాచ్‌ ఆడలేదు. దీంతో ఈ మ్యాచ్‌ను వీక్షించేందుకు అభిమానులు ఆతృత కనబరుస్తున్నారు. ఈ మ్యాచ్‌కు సంబంధించిన టికెట్ల ధరలను రూ. 999 నుంచి రూ. 15,000గా నిర్ణయించారు. వివేకానంద యువ భారతి మైదాన సామర్థ్యం 67,000 కాగా... టికెట్లను ఆన్‌లైన్‌లో అందుబాటులోకి తెచ్చారు. ఇందులో రూ.999, రూ.2,000, రూ. 3,500, రూ. 4,500, రూ. 6,000, రూ. 7,000, రూ. 9,000, రూ. 15,000 టికెట్లు అమ్మకానికి ఉన్నాయిరు. అయితే ఆన్‌లైన్‌లో టికెట్లు అందుబాటులోకి వచ్చిన గంట వ్యవధిలోనే ప్రాధమిక ధర టికెట్లు పూర్తిగా అమ్ముడయ్యాయని నిర్వాహకులు వెల్లడించారు. ఈ నెల 26న బెంగళూరు వేదికగా పనామాతో ఫ్రెండ్లీ మ్యాచ్‌ ఆడనున్న టీమిండియా... ఆ తర్వాత బ్రెజిల్, ఉరుగ్వే (అక్బోబర్‌ 6న) స్నేహపూర్వక మ్యాచ్‌లు ఆడనుంది. ఈ మ్యాచ్‌ల కోసం భారత హెడ్‌ కోచ్‌ ఖాలిద్‌ జమీల్‌ ఇప్పటికే 26 మందితో కూడిన జట్టును ప్రకటించాడు. వీరంతా ఈ నెల 14 నుంచి బెంగళూరులో నిర్వహించనున్న జాతీయ శిబిరంలో పాల్గొననున్నారు. పనామాతో పోరు అనంతరం ఈ నెల 28న భారత జట్టు కోల్‌కతా చేరుకోనుంది.

భార‌త ఫుట్‌బాల్ జ‌ట్టు సెప్టెంబ‌ర్‌-అక్టోబ‌ర్ మ‌ధ్య‌లో కోల్‌క‌తాలోని సాల్ట్ లేక్ స్టేడియం వేదిక‌గా బ్రెజిల్‌, ప‌నామా, ఉరుగ్వేతో ఫ్రెండ్లీ మ్యాచ్ ఆడ‌నున్న నేప‌థ్యంలో భార‌త ఫుట్‌బాల్ దిగ్గ‌జం సునీల్ ఛెత్రి ఆస‌క్తిక‌ర వ్యాఖ్య‌లు చేశాడు. ఇప్ప‌టి భార‌త ఫుట్‌బాల్ జ‌ట్టును చూస్తే త‌న‌కు అసూయగా ఉంద‌ని, అయినా వారి చ‌ర్య ప‌ట్ల సంతోషంగా ఉన్న‌ట్లు అభిప్రాయం వ్య‌క్తం చేశాడు. ఏఎన్ఐకి ఇచ్చిన ఇంట‌ర్వ్యూలో సునీల్ ఛెత్రి మాట్లాడుతూ.. "మ‌న భార‌త జ‌ట్టు కుర్రాళ్లు బ్రెజిల్‌, ఉరుగ్వే, ప‌నామాల‌తో ఫ్రెండ్లీ మ్యాచ్‌లు ఆడబోతున్నందుకు నాకు చాలా సంతోషంగా ఉంది. కానీ కొంచెం అసూయ‌గా కూడా ఉంది. ఎందుకంటే 26 ఏళ్ల ప్రొఫెష‌నల్ కెరీర్‌లో కానీ, 20 ఏళ్ల భార‌త జ‌ట్టుకు ప్రాతినిధ్యం వ‌హించిన‌ప్పుడు కూడా ఎప్పుడూ నాకు ఈ అవ‌కాశం రాలేదు. అది అసూయ క‌లిగించింద‌ని చెప్పాను త‌ప్ప వేరే ఉద్దేశంతో కాదు. ఫ్రెండ్లీ మ్యాచ్‌లు ఆడ‌నున్న నేప‌థ్యంలో ఆట‌గాళ్లు ఫిట్‌గా ఉండి, ప‌ట్టుద‌ల‌తో ఆడాల‌ని కోర‌కుంటున్నా. ఈ అవ‌కాశాన్ని మ‌న కుర్రాళ్లు పూర్తిగా స‌ద్వినియోగం చేసుకుంటార‌ని ఆకాంక్షిస్తున్నా" అని సునీల్ ఛెత్రి చెప్పుకొచ్చాడు.ఇక జ‌ట్టు ఎంపిక‌పై మీ అభిప్రాయం ఏంట‌ని సునీల్ ఛెత్రిని అడ‌గ్గా.. "దీనికి కోచ్ సమాధానం చెప్పాలి. నేను ఇప్పుడు అందరిలాగా ఒక ఫుట్‌బాల్‌ అభిమాని మాత్ర‌మే. అయితే ఒకటి మాత్రం స్ప‌ష్టంగా చెప్ప‌గ‌ల‌ను. జ‌ట్టు అవ‌స‌రాల‌కు అనుగుణంగానే జ‌ట్టును ఎంపిక చేసిన‌ట్లు అనిపిస్తుంది. ప్ర‌స్తుతం జ‌ట్టులోని ఆట‌గాళ్ల‌పై నాకు పూర్తి న‌మ్మ‌కం ఉంది. ఇది వారి స‌మ‌యం. 20 ఏళ్ల క్రితం నాకు అవ‌కాశం ల‌భించిన‌ట్లే, ఇప్పుడు ఈ కుర్రాళ్ల‌కు ల‌భించింది. వాళ్లు దానిని స‌ద్వినియోగం చేసుకోవాలి." అని తెలిపాడు.ఇక భార‌త ఫుట్‌బాల్ జ‌ట్టు తొలుత బెంగ‌ళూరులోని కంఠీర‌వ స్టేడియం వేదిక‌గా ప‌నామాతో ఫ్రెండ్లీ మ్యాచ్ ఆడ‌నుంది. ఆ త‌ర్వాత అక్టోబ‌ర్ 3న కోల్‌క‌తాలోని సాల్ట్ లేక్ స్టేడియంలో ఐదుసార్లు ఫిఫా చాంపియ‌న్ బ్రెజిల్‌తో ఆడ‌నుంది. ఇక చివ‌ర‌గా అక్టోబ‌ర్ 6న రెండుసార్లు ఫిఫా చాంపియ‌న్ ఉరుగ్వేతో ఫ్రెండ్లీ మ్యాచ్‌లు ఆడ‌నుంది.భార‌త్ త‌ర‌ఫున దిగ్గ‌జ ఫుట్‌బాల‌ర్‌గా పేరుపొందిన సునీల్ ఛెత్రి జాతీయ జ‌ట్టుకు 157 మ్యాచ్‌లాడి 95 గోల్స్ సాధించాడు. భార‌త్ త‌ర‌ఫున అత్య‌ధిక మ్యాచ్‌లు ఆడిన ఆట‌గాడిగా రికార్డుల‌కెక్కిన సునీల్ ఛెత్రి భార‌త్ త‌ర‌ఫున ఆల్‌-టైమ్ టాప్ గోల్ స్కోర‌ర్‌గా కొన‌సాగుతున్నాడు. 2024లో అంత‌ర్జాతీయ ఫుట్‌బాల్‌కు వీడ్కోలు ప‌లికిన ఛెత్రి అంత‌ర్జాతీయ గోల్ స్కోర‌ర్ల ఆల్‌టైమ్ జాబితాలో రొనాల్డో, మెస్సీ, అలీ దాయీల త‌ర్వాత నాలుగో స్థానంలో ఉన్నాడు."I am really happy and a little bit jealous that the boys are going to play against Brazil, Uruguay and Panama.”“In my 26 years of professional play and 20 years of national team, I never got a chance. I hope we can get the boys as fit as possible,"- Sunil Chhetri on Indian…— The Khel India (@TheKhelIndia) August 30, 2026Read: లార్డ్స్‌లో పాక్ బౌల‌ర్ అరుదైన ఫీట్‌.. అక్ర‌మ్ వ‌ల్ల కాలేదు!

ఆసియా కప్‌-2025 (Asia Cup) టోర్నమెంట్‌కు ముందు టీమిండియా స్టార్‌ సంజూ శాంసన్‌ (Sanju Samson) అద్భుత ఇన్నింగ్స్‌ ఆడాడు. మెరుపు హాఫ్‌ సెంచరీతో రాణించి.. సెలక్టర్లకు తానూ రేసులో ఉన్నానంటూ బ్యాట్‌ ద్వారానే సందేశం ఇచ్చాడు. కాగా ఈసారి టీ20 ఫార్మాట్లో నిర్వహించే ఆసియా కప్‌ టోర్నీకి భారత్‌ ఆతిథ్యం ఇస్తుండగా.. పాకిస్తాన్‌ క్రికెట్‌ బోర్డుతో ఒప్పందం దృష్ట్యా తటస్థ వేదికైన యూఏఈలో మ్యాచ్‌లు జరుగనున్నాయి.సెలక్టర్లకు సవాల్‌అయితే, ఈ మెగా ఈవెంట్‌కు ఎంపిక చేసే భారత జట్టుకు సంజూ శాంసన్‌ను ఎంపిక చేస్తారా? లేదంటే.. ఓపెనర్‌ యశస్వి జైస్వాల్‌, శుబ్‌మన్‌ గిల్‌లను పిలిపించి.. ఈ కేరళ బ్యాటర్‌పై వేటు వేస్తారా? అన్న చర్చ జరుగుతోంది. ఇలాంటి సందేహాల నడుమ సంజూ శాంసన్‌ తనదైన శైలిలో సెలక్టర్లకు సవాల్‌ విసిరాడు.ప్రెసిడెంట్స్‌ ఎలెవన్‌ vs సెక్రటరీ ఎలెవన్‌కాగా కేరళ క్రికెట్‌ లీగ్‌ సీజన్‌-2 సెప్టెంబరులో ప్రారంభం కానుంది. అయితే, ఈ టోర్నీకి ముందు గ్రీన్‌ఫీల్డ్‌ స్టేడియంలో కేరళ క్రికెట్‌ అసోసియేషన్‌ ప్రెసిడెంట్స్‌ ఎలెవన్‌- కేరళ క్రికెట్‌ అసోసియేషన్‌ సెక్రెటరీ ఎలెవన్‌ మధ్య శుక్రవారం ఫ్రెండ్లీ మ్యాచ్‌ జరిగింది.గ్రీన్‌ఫీల్డ్‌ స్టేడియంలో కొత్తగా ఏర్పాటు చేసిన ఫ్లడ్‌లైట్ల వెలుతురులో జరిగిన ఈ మ్యాచ్‌లో సంజూ సెక్రటరీ ఎలెవన్‌కు ప్రాతినిథ్యం వహించాడు. ఇక ఈ పోరులో సచిన్‌ బేబీ కెప్టెన్సీలోని ప్రెసిడెంట్‌ ఎలెవన్‌ తొలుత బ్యాటింగ్‌ చేసింది.రోహన్‌ కన్నుమ్మల్‌ (29 బంతుల్లో 60), అభిజిత్‌ ప్రవీణ్‌ (18 బంతుల్లో 47) విధ్వంసకర ఇన్నింగ్స్‌తో విరుచుకుపడగా.. ప్రెసిడెంట్‌ ఎలెవన్‌ నిర్ణీత 20 ఓవర్లలో ఎనిమిది వికెట్ల నష్టానికి 184 పరుగులు చేసింది.విష్ణు విధ్వంసం.. సంజూ మెరుపు హాఫ్‌ సెంచరీఇక లక్ష్య ఛేదనలో విష్ణు వినోద్‌ విధ్వంసకర ఇన్నింగ్స్‌ (29 బంతుల్లో 69)తో విరుచుకుపడగా.. సంజూ శాంసన్‌ నాలుగో స్థానంలో బ్యాటింగ్‌కు వచ్చి మెరుపు హాఫ్‌ సెంచరీ సాధించాడు. 36 బంతుల్లో 54 పరుగులతో ఈ వికెట్‌ కీపర్‌ బ్యాటర్‌ అలరించాడు. ఈ క్రమంలో మరో రెండు బంతులు మిగిలి ఉండగానే సెక్రటరీ ఎలెవన్‌ లక్ష్యాన్ని ఛేదించి జయభేరి మోగించింది.ఆసియా కప్‌-2025 టోర్నీకి భారత జట్టు ప్రకటనకు సమయం ఆసన్నమైన వేళ సంజూ ఈ మేరకు బ్యాట్‌తో రాణించడం పట్ల అతడి అభిమానులు సంతోషం వ్యక్తం చేస్తున్నారు. కాగా సెప్టెంబరు 9- 28 మధ్య యూఏఈ వేదికగా ఆసియా కప్‌ నిర్వహణకు షెడ్యూల్‌ ఖరారైన విషయం తెలిసిందే.అత్యధికంగా మూడు శతకాలుకాగా సంజూ అంతర్జాతీయ టీ20లలో ఇప్పటికే మూడు శతకాలు బాదాడు. తద్వారా రోహిత్‌ శర్మ (5), సూర్యకుమార్‌ యాదవ్‌ (4) తర్వాత టీమిండియా తరఫున పొట్టి ఫార్మాట్లో అత్యధిక సెంచరీలు చేసిన ఆటగాడిగా నిలిచాడు. ఇప్పటి వరకు అంతర్జాతీయ పొట్టి ఫార్మాట్లో మొత్తంగా 152కు పైగా స్ట్రైక్‌రేటుతో 861 పరుగులు సాధించాడు.చదవండి: ENG vs SA: వన్డే, టీ20లకు ఇంగ్లండ్‌ జట్టు ప్రకటన.. ఆ సిరీస్‌కు కెప్టెన్‌గా జేకబ్‌

తిరువనంతపురం: అంతా అనుకున్నట్లు జరిగితే... భారత క్రీడాభిమానులు, కేరళ ఫుట్‌బాల్‌ ప్రేమికులు ప్రపంచ చాంపియన్‌ అర్జెంటీనా జట్టు ఆటగాళ్ల విన్యాసాలు ప్రత్యక్షంగా చూస్తారు. రెండు అంతర్జాతీయ స్నేహపూర్వక మ్యాచ్‌లు ఆడేందుకు... స్టార్‌ స్ట్రయికర్‌ లియోనెల్‌ మెస్సీ సారథ్యంలోని అర్జెంటీనా జట్టు వచ్చే ఏడాది కేరళకు రానుందని ఆ రాష్ట్ర క్రీడా శాఖ మంత్రి అబ్దుల్‌ రహమాన్‌ బుధవారం ప్రకటించారు. ఈ మ్యాచ్‌లను కేరళ రాష్ట్ర ప్రభుత్వమే నిర్వహిస్తుందని... వేదికతో పాటు, ప్రత్యర్థి జట్లు ఎవరనే విషయాన్ని త్వరలోనే వెల్లడిస్తామని ఆయన చెప్పారు. ప్రస్తుతానికైతే ఖతర్, జపాన్‌ జట్లను ఆహ్వానించాలనే ఆలోచన ఉందని ఆయన వివరించారు. ‘ఫుట్‌బాల్‌ స్టార్‌ మెస్సీతో కూడిన ప్రపంచ నంబర్‌వన్‌ ఫుట్‌బాల్‌ జట్టు అర్జెంటీనా వచ్చే ఏడాది కేరళకు రానుంది. ఆ జట్టు ఇక్కడ రెండు మ్యాచ్‌లు ఆడనుంది. దీనిపై అర్జెంటీనా ఫుట్‌బాల్‌ సంఘంతో కలిసి త్వరలోనే సంయుక్త ప్రకటన విడుదల చేస్తాం’ అని రహమాన్‌ పేర్కొన్నారు. ఇటీవల స్పెయిన్‌ పర్యటన సందర్భంగా అర్జెంటీనా జాతీయ జట్టును ఆహ్వానించినట్లు ఆయన తెలిపారు. దీనికి ఆ జట్టు నుంచి సానుకూల స్పందన వచ్చిందని... త్వరలోనే దీనిపై మరింత స్పష్టత వస్తుందని అన్నారు. మ్యాచ్‌కు సంబంధించిన ఏర్పాట్లు, భద్రత తదితర అంశాలను ప్రభుత్వమే పర్యవేక్షిస్తుందని మంత్రి చెప్పారు. అయితే తమ షెడ్యూల్‌ ప్రకారం అర్జెంటీనా ఫుట్‌బాల్‌ సంఘమే భారత పర్యటనకు సంబంధించిన తేదీలను వెల్లడించనుందని పేర్కొన్నారు. అర్జెంటీనా ఆడనున్న మ్యాచ్‌ను ప్రత్యక్షంగా 50 వేల మంది అభిమానులు చూసేలా ఏర్పాటు చేస్తామని మంత్రి వెల్లడించారు. ఈ ప్రతిష్టాత్మక మ్యాచ్‌ను నిర్వహించే శక్తి సామర్థ్యాలు కేరళ ప్రభుత్వానికి ఉన్నాయని రహమాన్‌ పేర్కొన్నారు. రెండు మ్యాచ్‌ల నిర్వహణకు రూ. 100 కోట్లు ఖర్చు అవుతుందని, ఈ మొత్తాన్ని స్పాన్సర్ల ద్వారా సమకూరుస్తామని ఆయన తెలిపారు.


 త్రిలోచనాపురం (ఇబ్రహీంపట్నం) : నవ్యాంధ్ర రాజధాని విజయవాడలో క్రీడాభివృద్ధి శరవేగంగా జరుగుతోంది. ఇబ్రహీంపట్నంలోని త్రిలోచనాపురంలో రెండు జాతీయస్థాయి క్రికెట్ స్టేడియాలు దాదాపు సిద్ధమయ్యాయి. కృష్ణానదికి అవతల వైపున రాజధాని నిర్మాణం జరగనుండగా, నదికి ఇవతల వైపున విజయవాడ నగరానికి అతిసమీపంలో ఈ          క్రికెట్ స్టేడియాలు నిర్మిస్తున్నారు.
  
 మే రెండు నుంచి ఫ్రెండ్లీ క్రికెట్ మ్యాచ్‌లు
 
 మే రెండో తేదీ నుంచి ఇక్కడ ఫ్రెండ్లీ క్రికెట్ మ్యాచ్‌లు నిర్వహించేందుకు సన్నాహాలు చేస్తున్నారు. ఆంధ్రా క్రికెట్ అసోసియేషన్ ఆధ్వర్యంలో 13 ఎకరాల్లో నిర్మాణం జరుపుకొంటున్న క్రికెట్ స్టేడియాల్లో ఒక గ్రౌండ్ పూర్తిస్థాయిలో అందుబాటులోకి వచ్చింది. రెండో స్టేడియంలో పిచ్‌ల నిర్మాణం జరిగింది. పే ్లగ్రౌండ్‌లో పచ్చదనాన్ని నింపాల్సి ఉంది. పిచ్‌ల ఏర్పాటుకు వివిధ ప్రాంతాల నుంచి బ్లాక్, రెడ్‌సాయిల్‌ను తీసుకువచ్చారు. క్రికెటర్లకు అందుబాటులో ఉండేందుకు ఒక్కో గ్రౌండ్‌లో ఏడు పిచ్‌లు ఏర్పాటు చేశారు.
  
 సకల సౌకర్యాలు
 
 ఇక్కడ రంజీ మ్యాచ్‌లతో పాటు జిల్లాస్థాయి క్రికెట్ పోటీలు నిర్వహించేందుకు మార్గం సులువైంది. ఇందిరాగాంధీ మున్సిపల్ స్టేడియం కార్పొరేషన్‌కు చెందినది కావడంతో పోటీల నిర్వహణకు అనేక ఇబ్బందులు తలెత్తేవి. ఇప్పుడు అసోసియేషన్ సొంత  స్టేడియాల్లో క్రికెట్ పోటీల నిర్వహణతో పాటు జాతీయస్థాయి క్రీడాకారులకు             
  
 అత్యుత్తమ శిక్షణ ఇక్కడ ఇవ్వనున్నట్లు క్రికెట్ అసోసియేషన్ జిల్లా సహాయ కార్యదర్శి కె. మురలేశ్వరరావు తెలిపారు. జాతీయస్థాయి క్రీడాకారుల శిక్షణకు అవసరమైన అన్ని ఏర్పాట్లు చేస్తున్నారు. ఏసీ రూమ్‌లు, కిచెన్, డైనింగ్ హాల్, ఎంపైర్ రూమ్స్, స్విమ్మింగ్‌ఫూల్, జిమ్ సౌకర్యాలను ఏర్పాటు చేస్తున్నారు. ఆంధ్రా క్రికెట్ అసోసియేషన్ ఆధ్వర్యంలో నిర్మాణమైన ఈ స్టేడియాలు కృష్ణాజిల్లా క్రికెట్ అసోసియేషన్‌కు అప్పగించనున్నామని ఆయన తెలిపారు.