టీడీపీలో వీడని ‘సీట్ల’ముడి

TDP Candidates Not Yet Finalised - Sakshi

ఇంకా 40 ఎమ్మెల్యే స్థానాలపై గందరగోళం

పలు ఎంపీ సీట్లపైనా స్పష్టత కరువు

చంద్రబాబు నివాసం వద్ద నేతల పడిగాపులు

అధినేత వైఖరితో నెత్తీనోరూ బాదుకుంటున్న ఆశావహులు

బాలకృష్ణ ఒత్తిడితో కనిగిరిలో ఉగ్రనరసింహారెడ్డికి ఎసరు?

డోన్‌ను పట్టుబడుతున్న కేఈ, కోట్ల

సాక్షి, అమరావతి/దర్శి: తెలుగుదేశం పార్టీలో ఎమ్మెల్యే, ఎంపీ అభ్యర్థుల ఎంపిక వ్యవహారంలో ఇంకా ప్రతిష్టంభన కొనసాగుతోంది. నామినేషన్లకు గడువు ముంచుకొస్తున్నప్పటికీ పీటముడి వీడడంలేదు. 40కి పైగా ఎమ్మెల్యే, పది ఎంపీ సీట్లపై తీవ్ర గందరగోళం నెలకొంది. పెండింగ్‌లో ఉంచిన ఈ స్థానాలకు సంబంధించి సీఎం చంద్రబాబు ఏ విషయం తేల్చకుండా నాన్చుతుండడంతో రేసులో ఉన్న నేతలంతా ఉండవల్లిలోని ప్రజావేదిక వద్దే పడిగాపులు కాస్తున్నారు. పలు స్థానాలకు సంబంధించిన నేతలను బుధవారం ఆయన పిలిపించి మాట్లాడినా ఎవరికీ స్పష్టత ఇవ్వకపోవడంతో వారంతా ఆందోళనలో మునిగిపోయారు. మరికొన్ని సీట్లపైనా వేర్వేరు సమీకరణలు తీసుకువస్తుండడంతో ఆశావహులు నెత్తీనోరూ బాదుకుంటున్నారు. ఉత్తరాంధ్రలో పాతపట్నం, విజయనగరం, భీమిలి, పాయకరావుపేట, పాలకొండ, కురుపాం, పాడేరు సీట్లను ఖరారు చేయలేదు. విజయనగరం సిట్టింగ్‌ ఎమ్మెల్యే మీసాల గీత, ఎంపీ అశోక్‌గజతిరాజు కుమార్తె అతిథిలో ఎవరికి అవకాశం ఇవ్వాలనే విషయంపై సాగదీస్తున్నారు.

పాతపట్నంలో కలమట వెంకటరమణపై ప్రజల్లో వ్యతిరేకత ఉండడంతో కలిశెట్టి అప్పలనాయుడు తదితరుల పేర్లను పరిశీలిస్తున్నా తుది నిర్ణయం తీసుకోలేదు. నిన్నటి వరకూ భీమిలిలో తన కొడుకు లోకేష్‌ పోటీచేస్తారని హడావుడి చేసినా ఇప్పుడు అదేమీ లేదని చెబుతున్నారు. అంతకుముందు గుంటూరు జిల్లా పెదకూరపాడు, కృష్ణా జిల్లా పెనమలూరు, అనంతపురం జిల్లా హిందూపురం సీట్లలోనూ ఆయన పోటీచేస్తారన్నారు. తాజాగా మంగళగిరిలో పోటీకి లోకేష్‌ సిద్ధమని టీడీపీ లీకులిస్తోంది. అయితే, ఈ లీకైనా నిజమవుతుందా అసలు లోకేష్‌ పోటీలో ఉంటారా, ఉండరా అనే అనుమానాలు కూడా వ్యక్తమవుతున్నాయి. అక్కడి సిట్టింగ్‌ ఎమ్మెల్యేగా ఉన్న గంటాకు మళ్లీ ఆ సీటు ఇచ్చేందుకు చంద్రబాబు అయిష్టత చూపుతుండడంతో గందరగోళం నెలకొంది. పాయకరావుపేట ఎమ్మెల్యే అనితపై తీవ్ర వ్యతిరేకత దృష్ట్యా ఎవరిని బరిలోకి దింపాలనే దానిపై తర్జనభర్జన పడుతున్నారు. నర్సీపట్నంలో తనకు కాకుండా తన కొడుక్కి అవకాశం ఇవ్వాలని మంత్రి అయ్యన్నపాత్రుడు గట్టిగా డిమాండ్‌ చేస్తుండడంతో దాన్ని పెండింగ్‌లో పెట్టారు. (చదవండి: జేసీ చిందులు.. శమంతకమణి కన్నీళ్లు)

చినరాజప్పకు టెన్షన్‌
ఉభయగోదావరి జిల్లాల్లోని అమలాపురం, రాజమండ్రి అర్బన్, కొవ్వూరు, నిడదవోలు, గోపాలపురం, చింతలపూడి..జాగా పెద్దాపురం సీట్లపై అయోమయం ఏర్పడింది. పెద్దాపురం సీటును ఉపముఖ్యమంత్రి చినరాజప్పకు ఖరారు చేసినా మారిన సమీకరణల నేపథ్యంలో అక్కడ బొడ్డు భాస్కరరామారావు పేరును తెరపైకి తీసుకువచ్చారు. కొవ్వూరు సీటును మళ్లీ తనకే ఇవ్వాలని కోరుతున్న మంత్రి జవహర్‌ను డోలాయమానంలో ఉంచారు. పీతల సుజాతకు చింతలపూడి సీటును ఖరారు చేయకపోవడంతో ఆమె ఆందోళనలో ఉన్నారు. కృష్ణా జిల్లాలోని నూజివీడు, కైకలూరు, పామర్రు, పెడన, తిరువూరు సీట్లపైనా సందిగ్ధత కొనసాగుతోంది. ఏలూరు ఎంపీ మాగంటి బాబు కైకలూరు సీటును తనకుగానీ తన కొడుక్కిగానీ ఇవ్వాలని కోరుతుండడం, స్థానిక నేతలు జయమంగళ వెంకటరమణ తదితరులు తమకివ్వాలని పట్టుబడుతుండడంతో దాన్ని పెండింగ్‌లో ఉంచారు. పెడన సీటును సిట్టింగ్‌ ఎమ్మెల్యే కాగిత వెంకట్రావు, మచిలీపట్నం ఎంపీ కొనకళ్ల నారాయణరావులు తెరవెనుక ప్రయత్నాలు చేస్తుండడంతో దానిపైనా నిర్ణయం తీసుకోలేదు. గుంటూరు జిల్లాలోని గుంటూరు వెస్ట్, ఈస్ట్, పత్తిపాడు, తాడికొండ, మాచర్ల, నర్సరావుపేట, బాపట్ల సీట్లతోపాటు ప్రకాశం జిల్లా సంతనూతలపాడు, చీరాల, దర్శి, కనిగిరి, యర్రగొండపాలెంపైనా సందిగ్ధం కొనసాగుతోంది. (చదవండి: నన్ను దెబ్బ కొట్టేందుకే తొలి విడతలో ఎన్నికలు)

కనిగిరిపై కొత్త ట్విస్ట్‌
ప్రకాశం జిల్లాలోని కనిగిరి సీటును కాంగ్రెస్‌ నుంచి వచ్చిన ఉగ్రనరసింహారెడ్డికి ఖరారు చేసినా బాలకృష్ణ ఒత్తిడితో మళ్లీ అక్కడ సిట్టింగ్‌ ఎమ్మెల్యే కదిరి బాబూరావుకు ఇచ్చే ఆలోచన చేస్తున్నట్లు ప్రచారం జరుగుతోంది. ఉగ్రనరసింహారెడ్డికి దర్శి కేటాయించి అక్కడి సిట్టింగ్‌ ఎమ్మెల్యేగా ఉన్న మంత్రి శిద్దా రాఘవరావుకు ఒంగోలు ఎంపీ సీటు ఇచ్చేందుకు కసరత్తు చేస్తున్నారు. దీనికి శిద్దా అంగీకరించకపోవడంతో దానిపై ఉత్కంఠ ఏర్పడింది. ఇక కర్నూలు జిల్లాలోని డోన్‌ సీటును ఉపముఖ్యమంత్రి కేఈ కృష్ణమూర్తి సోదరుడు ప్రతాప్‌కు ఖరారు చేసినా ఇప్పుడు ఆ స్థానం కోసం కోట్ల సుజాతమ్మ పట్టుబడుతుండడం, అందుకు చంద్రబాబు సానుకూలంగా ఉండడంతో దీనిపైనా గందరగోళమే. ఆదోని, కోడూరు, ఆలూరు, నందికొట్కూరు, కర్నూలు స్థానాలపైనా స్పష్టత రాలేదు. కర్నూలు సీటు తమకే కావాలని ఎస్వీ మోహన్‌రెడ్డి, టీజీ భరత్‌ పట్టుబడుతున్నారు. కడప జిల్లాలో బద్వేలు, ప్రొద్దుటూరు, చిత్తూరు జిల్లాలో శ్రీకాళహస్తి, వెంకటగిరి, సత్యవేడు, తంబళ్లపల్లి, మదనపల్లి నగిరి, చిత్తూరు, పూతలపట్టు, అనంతపురం జిల్లాలో గుంతకల్లు, సింగనమల, కళ్యాణదుర్గం సీట్లపై సందిగ్ధం వీడలేదు.

ఎంపీ సీట్లపైనా టెన్షన్‌
ఎంపీ సీట్లపైనా తీవ్ర అయోమయం నెలకొంది. అనకాపల్లి, విశాఖ, రాజమండ్రి, అమలాపురం, నర్సాపురం, నర్సరావుపేట, రాజంపేట, బాపట్ల, ఒంగోలు, నంద్యాల, నెల్లూరు సీట్లలో ఎవరిని పోటీచేయించాలన్న దానిపై చంద్రబాబు ఇంకా మల్లగుల్లాలు పడుతూనే ఉన్నారు. విశాఖను బాలకృష్ణ రెండో అల్లుడు భరత్‌కు ఖరారు చేసినట్లు లీకులిచ్చినా దానిపైనా స్పష్టత రాలేదు. అనకాపల్లి నుంచి పోటీచేయాలని మంత్రి గంటాపై ఒత్తిడి చేస్తున్నట్లు తెలుస్తోంది. చంద్రబాబు సృష్టిస్తున్న గందరగోళంతో అభ్యర్థుల్లో టెన్షన్‌ పెరిగిపోతోంది. కాగా, శిద్దా రాఘవరావును వచ్చే ఎన్నికల్లో ఒంగోలు ఎంపీ స్థానం నుంచి బరిలో నిలపాలని అధిష్టానం నిర్ణయం తీసుకోవడాన్ని నిరసిస్తూ ఆ పార్టీ కార్యకర్తలు బుధవారం దర్శిలోని శివరాజనగర్‌లో వాటర్‌ ట్యాంక్‌ ఎక్కి నిరసన చేపట్టారు.

సీఎం ఇంటి వద్ద డిష్యూం డిష్యూం
అభ్యర్థుల ఎంపికను ముఖ్యమంత్రి చంద్రబాబు ఒకవైపు సాగదీస్తుంటే మరోవైపు పార్టీ నాయకులు, కార్యకర్తలు ఆయన ఇంటి వద్దే ఘర్షణలకు దిగుతున్నారు. పలు నియోజకవర్గాలకు చెందిన నాయకుల అనుచరులు బుధవారం బలప్రదర్శనకు దిగి నానా హంగామా సృష్టించడంతో తీవ్ర ఉద్రిక్తత ఏర్పడింది. అనంతపురం సీటు ప్రభాకర్‌చౌదరికి ఇవ్వొద్దని సత్యనారాయణ అనే కార్యకర్త ఒంటిపై పెట్రోల్‌ పోసుకుని ఆత్మహత్యాయత్నానికి పాల్పడ్డారు. ప్రభాకర్‌చౌదరికి బదులు బలిజలకు ఆ సీటు ఇవ్వాలని, అతను తమను అణచివేస్తున్నాడని ఆరోపించారు. అలాగే, పోలవరం ఎమ్మెల్యే శ్రీనివాస్‌ అనుకూల, వ్యతిరేక వర్గాలకు చెందిన నాయకులు, కార్యకర్తలు కుర్చీలు విసురుకుని భారీకేడ్లు తోసివేసి మరీ కొట్టుకున్నారు. ఒకరిపై ఒకరు కుర్చీలు విసురుకుని తోసుకున్నారు. 

Read latest Politics News and Telugu News | Follow us on FaceBook, Twitter

మరిన్ని వార్తలు

04-07-2019
Jul 04, 2019, 14:21 IST
చెన్నై : వేలూరు లోక్‌సభ స్థానానికి ఎన్నికల షెడ్యూల్‌ విడుదలయింది. అక్కడ ఎన్నికల నిర్వహణకు సంబంధించి కేంద్ర ఎన్నికల సంఘం గురువారం షెడ్యూల్‌ ప్రకటించింది....
09-06-2019
Jun 09, 2019, 05:00 IST
పట్నా: ఒక కుటుంబం నుంచి ఒకరు ఎంపీ కావడమే గొప్ప. అలాంటిది ఏకంగా నలుగురు ఒకేసారి పార్లమెంట్‌కు ఎన్నిక కావడమంటే...
09-06-2019
Jun 09, 2019, 04:52 IST
దేశంలో ఎన్నికలు ఏవైనా నగదు ప్రవాహం మాత్రం యథేచ్ఛగా సాగుతూ ఉంటుంది. చాలామంది అభ్యర్థులు ఎన్నికల ప్రచారంలో ఖర్చు పెట్టే...
08-06-2019
Jun 08, 2019, 08:12 IST
సాక్షి, అమరావతి: ఎన్నికలు పద్ధతి ప్రకారం జరగలేదని జనసేన పార్టీ అధినేత పవన్‌కల్యాణ్‌ సొంత పార్టీ నేతల వద్ద అభిప్రాయపడ్డారు....
08-06-2019
Jun 08, 2019, 04:07 IST
న్యూఢిల్లీ: సాధారణంగా ప్రధానమంత్రి తర్వాత ప్రమాణం స్వీకారం చేసే వ్యక్తినే ప్రభుత్వంలో నంబర్‌ 2గా భావిస్తారు. అలా చూస్తే మోదీ...
06-06-2019
Jun 06, 2019, 19:56 IST
సాక్షి, అమరావతి: ఇటీవల జరిగిన అసెంబ్లీ, లోక్‌సభ ఎన్నికల్లో తమకు ఓటు వేసిన వారికి జనసేన పార్టీ ధన్యవాదాలు తెలిపింది....
06-06-2019
Jun 06, 2019, 19:54 IST
బీజేపీ సీనియర్‌ నేత, కేంద్రమంత్రి నితిన్‌ గడ్కరీ లోక్‌సభ ఎన్నికల్లో నాగ్‌పూర్‌ నుంచి ఓడిపోతారని, సంపన్నులను మాత్రమే ఆయన పట్టించుకుంటున్నారు..కానీ...
06-06-2019
Jun 06, 2019, 16:53 IST
చండీగఢ్‌ : మాజీ క్రికెటర్‌, పంజాబ్‌ మంత్రి నవజ్యోత్‌ సింగ్‌ సిద్ధూ గురువారం జరిగిన రాష్ట్ర కేబినెట్‌ సమావేశానికి డుమ్మా...
06-06-2019
Jun 06, 2019, 15:31 IST
ఆంధ్రా కాంట్రాక్టర్ల సొమ్ముతో తమ ఎమ్మెల్యేలను కేసీఆర్‌ కొంటున్నారని ఉత్తమ్‌ విమర్శించారు.
06-06-2019
Jun 06, 2019, 14:02 IST
మహా భారతంలో కర్ణుడి చావుకు ఆరు కారణాలన్నట్లు ఉత్తరప్రదేశ్‌ రాష్ట్రంలో మాయావతి, అఖిలేష్‌ యాదవ్‌ నాయకత్వంలోని ఘట్‌బంధన్‌ విఫలమై విడిపోవడానికి...
06-06-2019
Jun 06, 2019, 10:41 IST
స్థానిక నాయకుల వల్లే కుప్పంలో తగ్గిన మెజారిటీ
06-06-2019
Jun 06, 2019, 08:25 IST
 చావు తప్పి కన్ను లొట్టపోయిన చందంగా గెలిచిన ముగ్గురు ఎంపీలు పదవుల కోసం రచ్చకెక్కడంతో తెలుగుదేశం పార్టీలో కలకలం రేగింది. ...
05-06-2019
Jun 05, 2019, 17:31 IST
తెలుగు దేశం పార్టీలో లోక్‌సభ పదవుల పందేరం చిచ్చు రేపింది.
05-06-2019
Jun 05, 2019, 15:34 IST
లక్నో: లోక్‌సభ ఎన్నికల్లో మహాకూటమి ఘోరంగా విఫలమవ్వడంతో సమాజ్‌వాదీ పార్టీ (ఎస్పీ)తో పొత్తుకు బీఎస్పీ అధినేత్రి మాయావతి గుడ్‌బై చెప్పిన...
05-06-2019
Jun 05, 2019, 13:14 IST
రంగంలోకి దిగిన టీడీపీ అధినేత చంద్రబాబు నాయుడు..
05-06-2019
Jun 05, 2019, 11:45 IST
పశ్చిమ బెంగాల్‌ ముఖ్యమంత్రి, తృణమూల్‌ కాంగ్రెస్‌ అధినేత్రి మమతా బెనర్జీ బీజేపీపై మరోసారి నిప్పులు చెరిగారు. తమ పార్టీతో పెట్టుకుంటే...
05-06-2019
Jun 05, 2019, 09:03 IST
సాక్షి, విజయవాడ : తెలుగుదేశం పార్టీకి విజయవాడ ఎంపీ కేశినేని నాని షాక్‌ ఇచ్చారు. పార్లమెంటరీ విప్‌ పదవిని ఆయన తిరస్కరిస్తూ...
05-06-2019
Jun 05, 2019, 08:29 IST
సాక్షి, అమరావతి: వైఎస్సార్‌ కాంగ్రెస్‌ పార్టీ పార్లమెంటరీ పార్టీ నేతగా రాజ్యసభ సభ్యుడు వేణుంబాక విజయసాయిరెడ్డి నియమితులయ్యారు. లోక్‌సభలో వైఎస్సార్‌సీపీ...
05-06-2019
Jun 05, 2019, 07:52 IST
న్యూఢిల్లీ/లక్నో: లోక్‌సభ ఎన్నికలకు ముందు ఉత్తరప్రదేశ్‌లో ఏర్పడిన ‘మహాఘఠ్‌ బంధన్‌’ చీలిపోయింది. సార్వత్రిక ఎన్నికల్లో ఊహించిన ఫలితాలు సాధించకపోవడంతో రానున్న...
04-06-2019
Jun 04, 2019, 20:13 IST
సొంత పార్టీని ఇరుకునపెట్టేవిధంగా ప్రవర్తించిన కేంద్ర మంత్రి గిరిరాజ్‌ సింగ్‌పై అమిత్‌ షా ఆగ్రహం వ్యక్తం చేశారు.
Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top