శాక్రమెంటోలో ఘనంగా బతుకమ్మ వేడుకలు

Bathukamma Celebrations held in Sacramento - Sakshi

నటోమాస్ గ్రూప్ ఆధ్వర్యంలో తెలుగు సంప్రదాయాలను ప్రతిబింబించేలా బతుకమ్మ పండుగను శాక్రమెంటోలో ఘనంగా నిర్వహించారు. తెలుగుతనం ఉట్టిపడే విధంగా సంప్రదాయ దుస్తులలో దాదాపు 1000 మంది ఈ వేడుకల్లో పాల్గొన్నారు. వేదపండితులు గౌరమ్మకు పూజలు నిర్వహించారు. బతుకమ్మ బతుకమ్మ ఉయ్యాలో, బంగారు బతుకమ్మ ఉయ్యాలో అంటూ రాగయుక్తంగా మహిళలు ఆడుతూ, పాడుతూ చేసిన నృత్యాలు అందరినీ ఆకట్టుకున్నాయి. అనంతరం జరిగిన అన్నదాన కార్యక్రమం సొంతఊరిలోని పండుగ వాతావరణాన్ని తలపించింది. 

ఈ వేడుకలకు ముఖ్య అతిథిగా విచ్చేసిన ప్రముఖ జానపద గాయకుడు డాక్టర్ శ్రీనివాస్ లింగా తనదైన బాణీలతో శ్రోతలను అలరించారు. స్థానికంగా ఉన్న చిన్నారుల నృత్యవిన్యాసాలు ఎంతో ఆహ్లాదాన్ని కలిగించాయి. ఈ బతుకమ్మ వేడుకలకు ప్రధాన కర్త అయిన వెంకట్ మేచినేని మాట్లాడుతూ.. తమ తోటి స్నేహితులు, ఆప్తుల అండదండలతో ఈ వేడుకలు విజయవంతంగా నిర్వహించగలిగామని తెలిపారు. ఈ కార్యక్రం ద్వారా ఎంతో ఆనందాన్ని, అనుభూతులను, మధురస్మృతులను పొందామని, అందరు సుఖ సంతోషాలతో జీవించాలని అందుకు దేవతల అనుగ్రహము ఉంటుందని నమ్ముతూ, ఈ కార్యక్రమం ఇంత దిగ్విజయంగా జరిగేందుకు సహకరించిన వారందరికీ కృతజ్ఞతలు తెలిపారు.

Read latest NRI News and Telugu News | Follow us on FaceBook, Twitter


Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top