TV
జాతీయ రహదారిపై కారు బీభత్సం సృష్టించిన ప్రమాదంలో నలుగురు వ్యక్తులు మృతిచెందారు.
చెన్నై: కృష్ణగిరి- చెన్నై జాతీయ రహదారిపై కారు అదుపు తప్పి ద్విచక్రవాహనాలపై వెళ్తున్న వారిపై దూసుకెళ్లడంతో నలుగురు మృతిచెందారు. రోడ్డు దాటుతున్న మరో ఇద్దరు తీవ్రంగా గాయపడ్డారు. ఆదివారం ఉదయం 11 గంటల సమయంలో కృష్ణగిరి జిల్లా కందికుప్పం వద్ద ఈ ఘటన చోటుచేసుకుంది.
కందికుప్పం వద్ద తరచూ రోడ్డు ప్రమాదాలు చోటుచేసుకుంటున్నాయని, ఈ విషయంపై స్థానికులు అధికారులకు తెలిపినా వారు పట్టించుకోకపోవడంతో ఆగ్రహించిన స్థానికులు రోడ్డుపై బైఠాయించడమేకాక టైర్లకు నిప్పుపెట్టారు. ప్రమాదానికి కారణమైన కారును ధ్వంసం చేసి నిప్పుపెట్టారు. పొలీసులు ఆందోళనకారులతో చర్చలు జరిపినా ఫలితం లేకపోవడంతో లాఠీచార్జీ చేసి ఆందోళనకారులకు చెదరగొట్టి ట్రాఫిక్‌ను నియంత్రించారు.
