క్రీస్తు బోధనలతో...

క్రీస్తు బోధనలతో...

సంగాల దయానంద క్రియేషన్స్ ఇండియా పతాకంపై డాక్టర్ ఎస్.ఆర్. కుమార్ రాజా దర్శకత్వంలో చండ్ర పార్వతమ్మ నిర్మించిన చిత్రం ‘క్రీస్తు యేసు’. టి.ఎస్.ఆర్ టైటిల్ రోల్ పోషిస్తున్నారు. పోస్ట్ ప్రొడక్షన్ పనులు జరుపుకుంటున్న ఈ చిత్రం గురించి దర్శకుడు మాట్లాడుతూ - ‘‘బైబిల్ ఆధారంగా ఈ చిత్రం స్క్రీన్ ప్లే, సంగీతం ఉంటుంది. ‘మీతో పాటు మీ పొరుగు వారిని ప్రేమించండి.

మీ తల్లిదండ్రులను సన్మానించండి. ఆయా దేశాల చట్టాలను గౌరవించండి’ అని క్రీస్తు చేసిన బోధనలతో ఈ చిత్రం ఉంటుంది. భారతదేశ చలనచిత్ర రంగంలో గొప్ప మైలురాయిగా నిలిచిపోయే చిత్రం అవుతుందనే నమ్మకం ఉంది. క్రిస్మస్ కానుకగా ప్రపంచ వ్యాప్తంగా ఈ చిత్రాన్ని విడుదల చేస్తాం’’ అన్నారు. ఈ చిత్రానికి కెమెరా: శివ-రవి, సంగీతం: సంగాల దయానంద్-సన్నీ, సమర్పణ: చండ్ర చంద్రశేఖర్ (లండన్).