వినోదాన్ని పంచే అమృతం ఇది

 ‘‘కుటుంబ బంధాలతో సీరియల్స్ చేయడం ఈజీ. వినోదాన్ని మేళవిస్తూ సీరియల్స్ చేయడం కష్టం. అప్పుడప్పుడు ‘అమృతం’ సీరియల్‌ని యూట్యూబ్‌లో చూస్తుంటాను. 313 ఎపిసోడ్స్ అద్భుతంగా ఉంటాయి. గంగరాజుగారే చేసిన ఈ ‘చందమామలో అమృతం’, ‘అమృతం’ సీరియల్ కంటే వినోదాన్ని పంచుతుందని నా నమ్మకం’’ అని అక్కినేని నాగార్జున అన్నారు. గుణ్ణం గంగరాజు దర్శకత్వంలో రూపొందిన చిత్రం ‘చందమామలో అమృతం’. అవసరాల శ్రీనివాస్, హరీశ్, శివన్నారాయణ ఇందులో ముఖ్య పాత్రధారులు. ఊర్మిళ గుణ్ణం నిర్మాత. శ్రీ స్వరాలందించిన ఈ చిత్రం పాటలను హైదరాబాద్‌లో విడుదల చేశారు. ఆడియో సీడీని కె.రాఘవేంద్రరావు ఆవిష్కరించి, తొలి ప్రతిని నాగార్జునకు అందించారు.