'సంక్రాంతి సెలవుల్లో గ్రేటర్ ఎన్నికలు పెడితే సహించం'

హైదరాబాద్: సంక్రాంతి సెలవుల్లో గ్రేటర్ ఎన్నికలు పెడితే తీవ్ర పరిణామాలు ఉంటాయని, తాము సహించేది లేదని తెలంగాణ రాష్ట్ర బీజేపీ అధ్యక్షుడు కిషన్ రెడ్డి హెచ్చరించారు. డబుల్ బెడ్ రూం ఇళ్లు ఏ నియోజకవర్గానికి ఎన్ని ఇచ్చారో  టీఆర్ఎస్ ప్రభుత్వం చెప్పాలని ఆయన డిమాండ్ చేశారు.

మంగళవారం విలేకరులతో మాట్లాడుతూ.. గ్రేటర్లో ఎలాగైనా గెలవాలన్న ధ్యేయంతో టీఆర్ఎస్ పార్టీ తప్పుడు కార్యక్రమాలను చేస్తోందని మండిపడ్డారు. కేసీఆర్ ప్రభుత్వంపై కేంద్రానికి ఫిర్యాదు చేస్తామన్నారు. రాష్ట్రం ఫిరాయింపుల తెలంగాణగా మారిపోయిందని కిషన్ రెడ్డి విమర్శించారు.