సీఎం లోకేశా..? బాలయ్యా..?

సీఎం లోకేశా..? బాలయ్యా..?

నంద్యాల : ఆంధ్రప్రదేశ్ సీఎం చంద్రబాబు నాయుడికి ఆ పదవిలో కొనసాగే హక్కులేదని కావాలంటే బాలయ్యని కానీ, లేదా లోకేష్ బాబును కానీ నియమించుకోవాలని నంద్యాల ఎమ్మెల్యే భూమానాగిరెడ్డి అన్నారు. మంగళవారం కర్నూలు జిల్లా నంద్యాల పట్టణంలో సుమారు 3000 మంది వైఎస్సార్‌సీపీ కార్యకర్తలతో ర్యాలీ నిర్వహించారు. అనంతరం పట్టణంలోని వైఎస్సార్ విగ్రహం వద్ద ఆయన మాట్లాడారు. ఓటుకు నోటు విషయంలో చంద్రబాబు సీఎం పదవిలో కొనసాగడానికి అనర్హుడన్నారు. కావాలంటే ఆయన కొడుకు లోకేష్‌ ను గానీ లేకపోతే బాలకృష్ణను గానీ సీఎం పదవిలో కూర్చొబెట్టుకోవాలని సూచించారు. మీరు చేస్తే సంసారం మేం చేస్తే వ్యభిచారం అన్న చందంగా బాబు ప్రవర్తిస్తున్నాడని భూమానాగిరెడ్డి విమర్శించారు. స్వయానా పిల్లనిచ్చిన మామ స్వర్గీయ ఎన్టీఆరే  బాబు అవినీతి పరుడని చెప్పారని ఆయన ఈ సందర్భంగా గుర్తు చేశారు. ఇన్ని రోజులు చంద్రబాబు రాజకీయాలు  సాగాయని ఇక సాగవని భూమా అన్నారు.