మద్యం మత్తులో కిరాతకం

మద్యం మత్తులో కిరాతకం

భార్యను హతమార్చిన భర్త
 సూళ్లూరుపేట: అప్పటికే మత్తులో ఊగుతున్న ఓ వ్యక్తి మరింత మద్యం తాగేందుకు డబ్బులు ఇవ్వలేదని భార్యను హతమార్చిన ఉదంతమిది. సూళ్లూరుపేటలోని గాండ్లవీధిలో శనివారం రాత్రి చోటుచేసుకున్న ఈ ఘటన ఆదివారం ఉదయం పోలీసుల దృష్టికి వచ్చింది. పోలీసుల కథనం మేరకు..గాజుల వ్యా పారం చేసుకునే రేఖ(43)కు వాటంబేటి వెంకటేశ్వర్లుతో 23 ఏళ్ల క్రితం వివాహం జరిగింది. వీరికి ఇద్దరు కుమార్తెలు, ఓ కుమారుడు. బజారులోని వెంకటేశ్వర్లు సోదరుడికి చెందిన గాజుల దుకాణంలో వీరి పిల్లలందరూ పనిచేస్తారు. రేఖ మార్కెట్‌లో ప్లాట్‌ఫామ్‌పై గాజుల వ్యా పారం చేస్తోంది. శనివారం మద్యం తా గేందుకు డబ్బులు ఇవ్వమని రేఖను వెంకటేశ్వర్లు వేధించాడు. మధ్యాహ్నం పిల్లలందరూ దుకాణానికి వెళ్లిపోయారు. అ నంతరం డబ్బులు ఇవ్వలేదనే కోపంతో అప్పటికే మ ద్యం మత్తులో ఉన్న వెంకటేశ్వ ర్లు భార్యపై రోకలితో దాడి చేశా డు. ఆమె అపస్మారక స్థితికి చేరుకోవడంతో ఇంట్లోని రక్తపు మరకలను తుడిచేసి పరారయ్యా డు. రాత్రి పిల్లలు ఇంటికొచ్చేసరికి తల్లి రక్తపు మడుగులో ఉంది. వెంటనే స్థానికంగా ఉన్న ఓ ప్రైవేటు ఆస్పత్రికి తీసుకెళ్లారు. అనంతరం మెరుగైన చి కిత్స కోసం నెల్లూరుకు తీసుకెళ్లగా అప్పటికే మృతిచెందినట్లు వైద్యులు నిర్ధారించారు. ఆదివారం ఉదయం ఈ ఘటనపై పోలీసులకు సమాచారం అందడంతో విచారణ చేపట్టారు. మృతురాలి చిన్న కుమార్తె నుంచి ఫిర్యాదు తీసుకుని మృతదేహాన్ని పోస్టుమార్టం కోసం స్థానిక ప్రభుత్వాసుపత్రికి తరలించారు. ఎస్సై జి.గంగాధర్‌రావు కేసు దర్యాప్తు చేస్తున్నారు. నిందితుడి కోసం గాలిస్తున్నారు.