‘సెట్’ చేశారు

 

 యూనివర్సిటీలో ఆరు నెలలుగా నీటి సమస్య ఉందని, దీనిని పరిష్కరించేందుకు ఏనాడూ రాని అధికారులు ఇప్పుడెలా వచ్చారంటూ విద్యార్థి జేఏసీ నాయకులు సుబ్బరామయ్య, విజయభాస్కర్, బడేసాహెబ్ ప్రశ్నించారు. సీమాంధ్రలో అన్ని యూనివర్సిటీల్లో కౌన్సెలింగ్ జరుగుతోందని, విద్యార్థుల భవిష్యత్ దృష్ట్యా ప్రతి ఒక్కరూ సహకరించాలని అధికారులు కోరినా ఫలితం లేకపోయింది. దీంతో మొదట అధికారులు కౌన్సెలింగ్‌ను వాయిదా వేస్తున్నట్లు ప్రకటించినా.. విద్యార్థులు, తల్లిదండ్రుల కోరిక మేరకు రెండో దఫా చర్చలు ప్రారంభించారు. కౌన్సెలింగ్ వాయిదా పడటం వల్ల విద్యార్థులకు జరిగే నష్టాలను అధికారులతో పాటు బీసీ, 

 

 ఎస్సీ, ఎస్టీ మైనార్టీ విద్యార్థి సమాఖ్య రాష్ట్ర అధ్యక్షులు జె.లక్ష్మీనరసింహ.. జేఏసీ నాయకులకు వివరించారు. ఎట్టకేలకు జేఏసీ నాయకులు సమ్మతించడంతో మధ్యాహ్నం ఒంటి గంట నుంచి కౌన్సెలింగ్ ప్రారంభమైంది. రాత్రి వరకు చేపట్టిన ప్రక్రియలో 138 మంది విద్యార్థుల సర్టిఫికెట్లను పరిశీలిం చారు. గురువారం నుంచి నిరంతరాయంగా కౌన్సెలింగ్ నిర్వహిస్తామని కోఆర్డినేటర్ సంజీవరావు తెలిపారు. జిల్లాలో మూడు కేంద్రాలు ఏర్పాటు కాగా.. కర్నూలు, నంద్యాలలోని పాలిటెక్నిక్ కళాశాలల్లో ఉద్యోగులు సమ్మె చేస్తుండటంతో కౌన్సెలింగ్ ప్రక్రియ నిలిచిపోయిందన్నారు. ఈ కారణంగా ఆర్‌యూపై అధిక భారం పడుతున్న దృష్ట్యా విద్యార్థులు, తల్లిదండ్రులు సహకరించాలని కోరారు. ప్రతి రోజూ ఉదయం 9 గంటల నుంచి కౌన్సెలింగ్ ప్రక్రియ ప్రారంభమవుతుందని తెలిపారు.