ఘాట్‌ రోడ్డులో గ్యాస్‌ ట్యాంకర్‌ బోల్తా

● బోల్తాపడిన ట్యాంకర్‌ నుంచి క్షేమంగా గ్యాస్‌ బదిలీ

● ఎట్టకేలకు క్రేన్ల సహాయంతో

ట్యాంకర్‌ను నిలిపిన వైనం

చింతకొమ్మదిన్నె : గువ్వలచెరువు ఘాట్‌ రోడ్డులోని అయిదవ మలుపు వద్ద సోమవారం మధ్యాహ్నం గ్యాస్‌ ట్యాంకర్‌ బోల్తా పడిన విషయం తెలిసిందే. అయితే ఆ గ్యాస్‌ ట్యాంకర్‌ నుంచి బుధవారం ఎట్టకేలకు ఫైర్‌, ఐఓసీఎల్‌, పోలీసు అధికారులు కలసి మరో మూడు గ్యాస్‌ ట్యాంకర్లు తెప్పించి అందులోకి గ్యాస్‌ మార్పించారు. బుధవారం క్రేన్ల సహాయంతో రోడ్డుపై అడ్డంగా పడిన ట్యాంకర్‌ను రోడ్డుపై నిలుపగలిగారు. మధ్యాహ్నం సమయానికి వాహనాలను యథావిధిగా గువ్వలచెరువు ఘాట్‌ రోడ్డు గుండా అనుమతించి ట్రాఫిక్‌ సరి చేశారు.