TV
సాక్షి, హైదరాబాద్‌: మరోసారి హైదరాబాద్‌ను భారీ వర్షం ముంచెత్తింది. సోమవారం అర్ధరాత్రి దాటాక నగరంలోని పలుప్రాంతాల్లో వాన దంచికొట్టింది దీంతో వరద నీరు భారీగా రోడ్ల మీదకు చేరింది. పాతబస్తీ, మొఘల్‌పురా, సుల్తాన్‌షాహీ, బహదూర్‌పురా, చార్మినార్‌, ఎల్బీనగర్‌, టోలీచౌక్‌ దిల్‌సుఖ్‌నగర్‌, బంజారాహిల్స్‌, జూబ్లీహిల్స్‌, పంజాగుట్టలో భారీ వర్షం కురిసింది.
మంగళవారం ఉదయం వరకు నగరంలోని అనేక ప్రాంతాలతో పాటు, పలు జిల్లాల్లో భారీ వర్షం కురిసే అవకాశం ఉందని వాతావరణశాఖ తెలిపింది. దీంతో జీహెచ్‌ఎంసీ, పోలీస్‌ అధికారులు అప్రమత్తమయ్యారు. లోతట్టు ప్రాంతాల ప్రజలను అధికారులు అప్రమత్తం చేస్తున్నారు.
