రైతు భరోసాపై తెలంగాణ సర్కార్‌ కీలక నిర్ణయం..

సాక్షి, హైదరాబాద్‌: జనవరి 14వ తేదీన రైతు భరోసా(Rythu Bharosa) అమలు చేయాలని కేబ్‌నెట్‌ సబ్ కమిటీ నిర్ణయించింది. రైతు భ‌రోసా ప‌థ‌కంపై స‌బ్ క‌మిటీ ఇవాళ చ‌ర్చించింది. ఈ స‌మావేశానికి డిప్యూటీ సీఎం భ‌ట్టి విక్ర‌మార్క‌, మంత్రులు తుమ్మ‌ల నాగేశ్వ‌రరావు, పొంగులేటి శ్రీనివాస్ రెడ్డితో పాటు ప‌లువురు అధికారులు హాజ‌రై, రైతు భ‌రోసా విధి విధానాల‌పై చ‌ర్చించారు.

పంట పండించే ప్రతీ రైతు​​కు భరోసా ఇవ్వాలని.. కమిట్మెంట్ అయిన నగదు కంటే తగ్గించి ఇవ్వకూడదని సబ్ కమిటీ అభిప్రాయపడింది. రైతుల నుంచి దరఖాస్తులు తీసుకోవాలని సబ్ కమిటీ నిర్ణయించింది. కాగా, మరోసారి మంత్రుల మధ్య ఏకాభిప్రాయం కుదరలేదు. 5వ తేదీ నుంచి 7 వరకు దరఖాస్తులు తీసుకునే అవకాశం ఉంది. ఎల్లుండి(శనివారం) జ‌రిగే కేబినెట్ స‌మావేశంలో రైతు భ‌రోసా అమ‌లుపై తుది నిర్ణ‌యం తీసుకోనున్నారు. అధికారుల స‌ర్వే, శాటిలైట్ మ్యాపింగ్ ద్వారా సాగు భూములు గుర్తించాల‌ని సబ్‌ కమిటీ నిర్ణ‌యించింది.

ఇదీ చదవండి: కారు రేసు కేసులో ట్విస్ట్‌..