గ్రామీణ రోడ్లకు మహర్దశ

గ్రామీణ రోడ్లకు మహర్దశ

హ్యామ్‌ కింద అభివృద్ధి, విస్తరణకు నేడు టెండర్లు

సాక్షి ప్రతినిధి, నల్లగొండ: ఉమ్మడి జిల్లాలోని గ్రామీణ ప్రాంత రోడ్ల అభివృద్ధికి మోక్షం లభించనుంది. ఇప్పటికీ రోడ్లు సరిగ్గాలేని ప్రాంతాల్లో రహదారుల నిర్మాణంతోపాటు ఇరుకు రోడ్ల విస్తరణకు ప్రభుత్వం చర్యలు చేపట్టింది. పంచాయతీరాజ్‌ శాఖ ఆధ్వర్యంలో ఈ రోడ్ల నిర్మాణ పనులకు ఏర్పాట్లు చేస్తోంది. రాష్ట్ర వ్యాప్తంగా హైబ్రిడ్‌ అన్యూటీ మోడ్‌లో (హ్యామ్‌) పద్ధతిలో ఈ పనులు చేపట్టనుంది. వీటికి 40 శాతం నిధులను ప్రభుత్వమే నిర్మాణ దశలో సమకూర్చనుండగా, 60 శాతం నిధులు కాంట్రాక్టు సంస్థలు వెచ్చించనున్నాయి. వీటికి ఈనెల 17న టెండర్లు పిలిచేందుకు పంచాయతీరాజ్‌ గ్రామీణాభివృద్ధి శాఖ చర్యలు చేపట్టింది.

జిల్లాలో 60 రోడ్ల అభివృద్ధి, విస్తరణ..

రాష్ట్ర వ్యాప్తంగా హ్యామ్‌ పద్ధతిలో 17 ప్యాకేజీల కింద 96 నియోజకవర్గాల పరిధిలోని 2,162 రోడ్ల అభివృద్ధి, విస్తరణను 7,449.50 కిలోమీటర్ల పొడవునా చేపట్టనుంది. అందులో మూడు ప్యాకేజీల్లో ఉమ్మడి నల్లగొండ జిల్లాలోని 60 రోడ్ల అభివృద్ధికి అవకాశం దక్కనుంది. నల్లగొండ, సూర్యాపేట, యాదాద్రి భువనగిరి జిల్లాల్లో మొత్తంగా 825.28 కిలోమీటర్ల పొడవునా రోడ్ల అభివృద్ధి, విస్తరణ పనులను చేపట్టనున్నారు. ఇవి కాకుండా మరో ఆరు ప్రాంతాల్లో రూ.560 కోట్లతో కొత్త రోడ్లను నిర్మించనున్నారు.

సర్కిల్‌–1లో ఐదు

నియోజకవర్గాల్లో రోడ్ల అభివృద్ధి

నల్లగొండ, సూర్యాపేట జిల్లాల్లోని నియోజకవర్గాలను రెండు సర్కిళ్లుగా విభజించి, రెండు ప్యాకేజీలుగా పనులను గుర్తించారు. నల్లగొండ సర్కిల్‌ పార్ట్‌–1 కింద 184.72 కిలోమీటర్ల పొడవునా రోడ్లను అభివృద్ధి చేయనుండగా, 38.4 కిలోమీటర్ల పొడవునా డబుల్‌ రోడ్లుగా విస్తరించనున్నారు. ఇందులో మొత్తంగా నల్లగొండ, మునుగోడు, నకిరేకల్‌, నాగార్జునసాగర్‌, తుంగతుర్తి నియోజకవర్గాల్లో అభివృద్ధి, విస్తరణ కలిపి 223.12 కిలోమీటర్ల పొడవునా రోడ్ల పనులను చేపట్టనున్నారు.

సర్కిల్‌ –2లో ఏడు నియోజకవర్గాల్లో..

నల్లగొండ సర్కిల్‌–2 పరిధిలో 26 రోడ్లను అభివృద్ధి చేయనున్నారు. నాగార్జునసాగర్‌, దేవరకొండ, మిర్యాలగూడ, కోదాడ, హుజూర్‌నగర్‌, సూర్యాపేట, తుంగతుర్తి నియోజకవర్గాల్లో రూ.320.80 కోట్లతో 314.66 కిలోమీటర్ల పొడవునా రోడ్ల అభివృద్ధిని చేపట్టనున్నారు.

ఫ ఉమ్మడి జిల్లాలోని

60 రోడ్లకు అవకాశం

ఫ మరో ఆరు ప్రాంతాల్లో కొత్తవాటికి ప్రతిపాదనలు

ఫ హైబ్రీడ్‌ అన్యూటీ మోడ్‌లో

చేపట్టనున్న పనులు

ఫ పీఆర్‌ శాఖ ఆధ్వర్యంలో

కొనసాగించేలా కార్యాచరణ