అసలు పోరుకు ముందు..

అక్టోబర్‌ 5 నుంచి మొదలయ్యే వన్డే ప్రపంచకప్‌ కోసం నేటి నుంచి అన్ని జట్లు వామప్‌ మ్యాచ్‌లు ఆడనున్నాయి. మొత్తం 10 జట్లు ఇప్పటికే భారత్‌కు చేరుకున్నాయి. శుక్రవారం హైదరాబాద్‌లో పాకిస్తాన్‌–న్యూజిలాండ్‌... గువాహటిలో శ్రీలంక–బంగ్లాదేశ్‌... తిరువనంతపురంలో దక్షిణాఫ్రికా–అఫ్గానిస్తాన్‌ జట్లు వామప్‌ మ్యాచ్‌ల్లో తలపడనున్నాయి. ఈ మ్యాచ్‌లన్నీ మధ్యాహ్నం 2 గంటలకు మొదలవుతాయి. పూర్తిస్థాయిలో పోలీసుల బందోబస్తు లేని కారణంగా పాకిస్తాన్, న్యూజి లాండ్‌ మ్యాచ్‌ను ప్రేక్షకుల్లేకుండా నిర్వహిస్తారు. ఈ మ్యాచ్‌ను స్టార్‌ స్పోర్ట్స్‌–1 చానెల్‌లో, హాట్‌స్టార్‌ యాప్‌లో ప్రత్యక్ష ప్రసారం చేస్తారు. పాకిస్తాన్‌ జట్టు క్రికెటర్లు కెప్టెన్‌ బాబర్‌ ఆజమ్, ఫఖర్‌ జమాన్, షాహిన్‌ అఫ్రిది, హసన్‌ అలీ తదితరులు గురువారం ఉప్పల్‌ స్టేడియంలో రెండున్నర గంటలపాటు ప్రాక్టీస్‌ చేశారు.