SA20, 2024: డుప్లెసిస్‌ ఊచకోత.. 34 బంతుల్లోనే..!

SA20 2024: Faf Du Plessis Smashes 20 Ball Fifty Vs MI Cape Town - Sakshi

సౌతాఫ్రికా టీ20 లీగ్‌ 2024లో భాగంగా నిన్న జరిగిన మ్యాచ్‌లో జోబర్గ్‌ సూపర్‌ కింగ్స్‌ కెప్టెన్‌ ఫాఫ్‌ డుప్లెసిస్‌ విశ్వరూపం ప్రదర్శించాడు. ముంబై ఇండియన్స్‌ కేప్‌టౌన్‌తో జరిగిన మ్యాచ్‌లో 20 బంతుల్లోనే అజేయ అర్ధశతకం (4 ఫోర్లు, 3 సిక్సర్లు) బాది తన జట్టును గెలిపించాడు. ఫలితంగా సూపర్‌ కింగ్స్‌ 34 బంతుల్లోనే ఎంఐ కేప్‌టౌన్‌ నిర్ధేశించిన లక్ష్యాన్ని ఛేదించి, 10 వికెట్ల తేడాతో ఘన విజయం సాధించింది.

వర్షం కారణంగా 8 ఓవర్లకు కుదించిన ఈ మ్యాచ్‌లో తొలుత బ్యాటింగ్‌ చేసిన కేప్‌టౌన్‌.. కెప్టెన్‌ కీరన్‌ పోలార్డ్‌ (10 బంతుల్లో 33 నాటౌట్‌; ఫోర్‌, 4 సిక్సర్లు) చెలరేగడంతో 3 వికెట్ల నష్టానికి 80 పరుగులు చేసింది. వాన్‌ డర్‌ డస్సెన్‌ (16), రికెల్టన్‌ (16 బంతుల్లో 23) రెండంకెల స్కోర్లు చేయగా.. లివింగ్‌స్టోన్‌ 3 పరుగులకే ఔటయ్యాడు. సూపర్‌ కింగ్స్‌ బౌలర్లలో ఇమ్రాన్‌ తాహిర్‌ 2, లిజాడ్‌ విలియమ్స్‌ ఓ వికెట్‌ పడగొట్టారు. 

అనంతరం లక్ష్య ఛేదన సమయంలో వర్షం మరోసారి ఆటంకం కలిగించడంతో డక్‌వర్త్‌ లూయిస్‌ పద్దతిన సూపర్‌ కింగ్స్‌ లక్ష్యాన్ని 98 పరుగులకు మార్చారు. లక్ష్యం పెద్దది కావడంతో ఓపెనర్లు డుప్లెసిస్‌,  డు ప్లూయ్‌ (14 బంతుల్లో 41 నాటౌట్‌; 2 ఫోర్లు, 4 సిక్సర్లు) తొలి బంతి నుంచే దూకుడుగా ఆడారు. వీరిద్దరూ ఆకాశమే హద్దుగా చెలరేగడంతో సూపర్‌ కింగ్స్‌ 5.4 ఓవర్లలోనే వికెట్‌ నష్టపోకుండా విజయతీరాలకు చేరింది. వరుస ఓటములతో సతమతమవుతున్న సూపర్‌ కింగ్స్‌కు ఇది ఊరట కలిగించే విజయం. 

whatsapp channel

Read latest Sports News and Telugu News | Follow us on FaceBook, Twitter, Telegram



 

Read also in:
Back to Top