TV
బెన్‌ డకెట్‌ 94 పరుగుల వ్యక్తిగత స్కోర్‌ వద్ద ఔటయ్యాడు. కాగా 40 ఓవర్ల తర్వాత ప్రస్తుతం స్కోరు 205/2గా ఉంది.
మాంచెస్టర్‌ టెస్ట్‌లో ఇంగ్లండ్‌ ఓపెనర్లు బెన్‌ డకెట్‌, జాక్‌ క్రాలే చెలరేగిపోయారు. తొలి వికెట్‌కు మెరుపు వేగంతో 166 పరుగులు జోడించారు. అనంతరం 84 పరుగుల వ్యక్తిగత స్కోర్‌ వద్ద జాక్‌ క్రాలే (113 బంతుల్లో 84; 13 ఫోర్లు, సిక్స్‌) ఔటయ్యాడు. రవీంద్ర జడేజా బౌలింగ్‌లో కేఎల్‌ రాహుల్‌ అద్భుతమైన క్యాచ్‌ పట్టడంతో క్రాలే పెవిలియన్‌కు చేరాడు.
క్రాలే ఔటైనా బెన్‌ డకెట్‌ ధాటిగా ఆడుతున్నాడు. 91 పరుగుల వద్ద (98 బంతుల్లో 13 ఫోర్లు) ఇన్నింగ్స్‌ను కొనసాగిస్తున్నాడు. 37 ఓవర్ల తర్వాత ఇంగ్లండ్‌ స్కోర్‌ 192/1గా ఉంది. డకెట్‌కు జతగా ఓలీ పోప్‌ (8) క్రీజ్‌లో ఉన్నాడు.
అంతకుముందు భారత్‌ తొలి ఇన్నింగ్స్‌లో 358 పరుగులకు ఆలౌటైంది. 264/4 వద్ద రెండో రోజు ఆట ప్రారంభించిన టీమిండియా.. ఓవర్‌నైట్‌ స్కోర్‌కు మరో 94 పరుగులు జోడించి మిగతా 6 వికెట్లు కోల్పోయింది.
భారత ఇన్నింగ్స్‌లో యశస్వి జైస్వాల్‌ 58, కేఎల్‌ రాహుల్‌ 46, సాయి సుదర్శన్‌ 61, శుభ్‌మన్‌ గిల్‌ 12, రిషబ్‌ పంత్‌ 54, రవీంద్ర జడేజా 20, శార్దూల్‌ ఠాకూర్‌ 41, వాషింగ్టన్‌ సుందర్‌ 27, అన్షుల్‌ కంబోజ్‌ 0, జస్ప్రీత్‌ బుమ్రా 5, మహ్మద్‌ సిరాజ్‌ 5 (నాటౌట్‌) పరుగులు చేశారు.
ఇవాల్టి ఆటలో ఇంగ్లండ్‌ బౌలర్‌ బెన్‌ స్టోక్స్‌ చెలరేగిపోయాడు. ఈ ఇన్నింగ్స్‌లో మొత్తంగా అతను 5 వికెట్లు తీశాడు. ఆర్చర్‌కు సత్తా చాటి 3 వికెట్లు తీశాడు. వోక్స్‌, డాసన్‌ తలో వికెట్‌ పడగొట్టారు. ఐదు మ్యాచ్‌ల ఈ సిరీస్‌లో ప్రస్తుతం ఇంగ్లండ్‌ 2-1 ఆధిక్యంలో ఉన్న విషయం తెలిసిందే.
