TV
బాబ్బాబు.. జరతప్పుకో..!
చిన్నకోడూరు(సిద్దిపేట): సర్పంచ్, వార్డు సభ్యుల నామినేషన్ల పర్వం ముగియడంతో బరిలో నిలిచిన అభ్యర్థులను ఉపసంహరించుకోవాలని కోరుతూ కొందరు బుజ్జగింపులు మొదలు పెట్టారు. మండలంలో 28 పంచాయతీల సర్పంచ్ పదవులకు 124 మంది అభ్యర్థులు పోటీలో ఉండగా, 256 వార్డులకు 652 నామినేషన్లు దాఖలయ్యాయి. కొందరు అభ్యర్థులు తమ పోటీదారులను పోటీ నుంచి విరమించుకునేందుకు తీవ్ర ప్రయత్నాలు చేస్తున్నారు. కొంత మంది సభ్యులు పోటీలో ఉంటామని మొండికేసినా వారికి ఎంతో కొంత నగదు ఇచ్చి పోటీ నుంచి తప్పించేందుకు ప్రయత్నాలు సాగిస్తున్నారు.
