యశవంతపుర: చేపల కూర తిని ఇద్దరు మృతి చెందగా, 13 మంది తీవ్ర అస్వస్థతకు గురయ్యారు. ఈ ఘటన హాసన జిల్లా అరకలగూడు తాలూకా బసవహళ్లి గ్రామంలో జరిగింది. గ్రామంలోని చెరువు వర్షాభావంతో అడుగంటింది. కొద్దిమేర నీరు ఉంది. దీంతో గ్రామస్తులు శుక్రవారం చెరువులోని చేపలు పట్టుకొని కూర చేసుకొని తిన్నారు. కొద్ది సేపటి తర్వాత 15 మంది వాంతులు, విరేచనాలకు గురయ్యారు. వారిని అరకలగూడు, హాసన ఆస్పత్రికి తరలించగా రవికుమార్‌, పుట్టమ్మలు మృతి చెందారు. మిగతా 13 మంది చికిత్స పొందుతున్నారు. గ్రామాన్ని జిల్లా కలెక్టర్‌ సీ సత్యభామ సందర్శించారు. 

బి.కొత్తకోట: ప్రకృతి అందాలు తిలకించి, చల్లటి వాతావరణం అనుభూతితో వెనుదిరిగిన ఓ కుటుంబ ఆనందం క్షణాల్లో ఆవిరైంది. ప్రయాణిస్తున్న కారు బ్రేక్‌లు ఫెయిల్‌ కావడంతో లోయలోకి పడకుండా చేసిన ప్రయత్నాల్లో కారు తలకిందులై పడింది. అందులోని ముగ్గురు సురక్షితంగా బయటపడగా, ఒకరికి తీవ్ర గాయాలయ్యాయి. బాధితుల కథనం మేరకు వివరాలు ఇలా..  బి.కొత్తకోటకు 18 కిలోమీటర్ల దూరంలోని కర్ణాటకలోని గౌనిపల్లెకు చెందిన శ్రీనివాసులురెడ్డి, రజిత భార్యాభర్తలు. వేసవి సెలవులు కావడంతో  విహార యాత్రకు వెళ్లేందుకు వీరి కుమార్తె, కుమారుడు ఆరవ తరగతి చదువుతున్న గగన, ఒకటవ తరగతి చదువుతున్న సుజిత్‌రెడ్డిలతో కలిసి బుధవారం ఉదయం కారులో మండలంలోని పర్యాటక కేంద్రం హార్సిలీహిల్స్‌ వచ్చారు. కొండపై ప్రకృతి అందాలను తిలకించి చల్లటి వాతావరణంలో సేదతీరారు. కొన్ని గంటల తర్వాత తిరుగు ప్రయాణం అయ్యేందుకు వెనుదిరిగారు.కొండపై నుంచి కిందకు వస్తుండగా రేణిమాను మలుపు ముందున్న మలుపు వద్దకు రాగానే డ్రైవింగ్‌ చేస్తున్న శ్రీనివాసులురెడ్డి కారు బ్రేక్‌లు ఫెయిల్‌ అయినట్టు గుర్తించారు. ఎడమవైపు లోయలు ఉండటంతో ప్రమాదం జరిగే అవకాశాలు గుర్తించి కారును కుడివైపు తిప్పారు. అప్పటికే చేతి బ్రేక్‌ను వేసి కారును నిలిపే ప్రయత్నం చేశారు. అయినా సాధ్యం కాలేదు. దీంతో కారును కుడివైపునకు మళ్లించి కొండను ఢీకొని నిలిపేలా ప్రయత్నించారు. అయితే కొండబండను ఢీకొన్న కారు ఒక్కసారిగా రోడ్డుపై తలకిందులుగా పడిపోయింది. ఇంజిన్‌ నుంచి పొగలు రావడంతో అగ్నికి ఆహుతి అయ్యేలా ఉందని ఆందోళనకు గురైన శ్రీనివాసులురెడ్డి కారులోంచి బయటకు వచ్చేందుకు డోర్లు తెరచుకునే పరిస్థితి లేదని గుర్తించారు.దీంతో కుడికాలితో బలంగా తన్ని అద్దాలను పగులగొట్టారు. తర్వాత భార్య, పిల్లులు కారులోంచి బయటపడ్డారు. అద్దాలను తన్నడంతో శ్రీనివాసులురెడ్డి కుడి పాదానికి తీవ్ర గాయంతో తీవ్ర రక్తస్రావమైంది. ఈ ప్రమాద ఘటనను గుర్తించి స్థానికులు బాధితులకు సహాయక చర్యలు చేపట్టారు. పాదానికి అయిన గాయానికి బ్యాండేజి కట్టి కారులో బి.కొత్తకోట సీహెచ్‌సీకి తరలించారు. అక్కడ వైద్యులు చికిత్స అందించారు. కాగా ప్రమాద సమయంలో కారులోనే ఉన్న భార్య రజిత, పిల్లలు గగన, సుజిత్‌రెడ్డిలకు ఎలాంటి గాయాలు కాలేదు. అదృష్టవశాత్తు కారు ఎడమవైపు వెళ్లకపోవడంతో పెద్ద ప్రమాదం తప్పింది. లేదంటే కారు 30 అడుగులపైనుంచి కిందకు పడి ఉండేది.   

శివాజీనగర/ బనశంకరి: హాసన్‌లో మహిళలపై లైంగిక దాడి ఆరోపణలు ఎదుర్కొంటున్న  జేడీఎస్‌ ఎంపీ ప్రజ్వల్‌ రేవణ్ణ కేసు రోజురోజుకూ బిగుసుకుంటోంది. సిట్‌ విచారణ ప్రారంభం కాగా, ఇంతలో జాతీయ మహిళా కమిషన్‌ రంగంలోకి దిగింది.  ఈ కేసులో తీసుకున్న చర్యలపై సమగ్ర నివేదిక అందించాలని కమిషన్‌ అధ్యక్షురాలు రేఖా శర్మ..  రాష్ట్ర డీజీపీ అలోక్‌మోహన్‌ను మంగళవారం లేఖ రాశారు. ఈ ఘటనను ఆమె తీవ్రంగా ఖండించారు. ఇలాంటి సంఘటనలు మహిళల సురక్షతకు ప్రమాదకరం, హింసా సంస్కృతిని పెంచుతాయని ఆందోళన వ్యక్తం చేశారు. కేసు వెలుగులోకి రాగానే ఆరోపణలు ఎదుర్కొంటున్న వ్యక్తి దేశం వదిలి వెళ్లారని సమాచారం ఉంది.పారిపోయిన వ్యక్తిని త్వరగా అరెస్ట్‌ చేయడానికి అన్ని చర్యలూ తీసుకోవాలన్నారు. ఈ కేసును సాధ్యమైనంత త్వరగా దర్యాప్తు చేసి బాధ్యులకు శిక్ష విధించాలని లేఖలో కోరారు. అనేక మంది మహిళలపై లైంగిక దాడులకు పాల్పడిన నగ్న వీడియోలు  సోషల్‌ మీడియాలో వైరల్‌ కావడం మహిళా సమాజం గౌరవానికి భంగం కలిగిందని ఆమె ఆవేదన వ్యక్తం చేశారు. ఆ వీడియోలు వైరల్‌ కాకుండా అడ్డుకోవాలని, వ్యాప్తి చేసేవారిపై క్రిమినల్‌ కేసు పెట్టి విచారణ చేపట్టాలని కోరారు.  బెంగళూరు, హుబ్లీలో నిరసనలు హాసన్‌ లైంగిక దాడి ఘటనలను ఖండిస్తూ యూత్‌ కాంగ్రెస్‌ కార్యకర్తలు నగరంలోని మల్లేశ్వరంలో బీజేపీ ఆఫీసును ముట్టడించేందుకు ప్రయతి్నంచారు. లైంగిక ఘటనల నిందితుడైన ప్రజ్వల్‌ విదేశాలకు పరారు కావడానికి బీజేపీ సహకరించిందని వారు ఆరోపించారు. ఈ సందర్భంగా పోలీసుల–కార్యకర్తల మధ్య వాగి్వవాదం నెలకొంది. బెంగళూరు మహారాణి క్లస్టర్‌ కాలేజీలో ఎన్‌ఎస్‌యూఐ నేతృత్వంలో విద్యారి్థనులు ధర్నా  చేశారు. మహిళలతో చెలగాటమాడుతున్నారు, చరిత్రలో ఇలాంటి పనులు ఎవరూ  చేయలేదు. 65 సంవత్సరాల మహిళపై వికృత చేష్టలకు పాల్పడ్డారు. మహిళలకు భద్రత కల్పించాలి. సమాజంలో ఎవరు చేసినా తప్పు తప్పే. ఆయనను తక్షణమే అరెస్ట్‌ చేయాలని డిమాండ్‌ చేశారు.  జేడీఎస్‌ భేటీ ముట్టడికి యత్నం ఇక హుబ్లీలో కుమారస్వామి ఆధ్వర్యంలో జేడీఎస్‌ కోర్‌ కమిటీ సమావేశం జరిగిన హోటల్‌ వద్దకు కాంగ్రెస్‌ నాయకులు ర్యాలీగా వచ్చారు. సమావేశం జరిగే హాల్‌లోకి చొరబడేందుకు యతి్నంచగా జేడీఎస్‌ కార్యకర్తలు అడ్డుకున్నారు. ఇరు వర్గాలు వాగ్వాదానికి దిగడంతో ఉద్రిక్తత ఏర్పడింది.500 మందిపై లైంగిక దాడులు: ఎంపీ ప్రజ్వల్‌ లైంగిక దాడులకు ప్రధాని మోదీ, మాజీ ప్రధాని దేవేగౌడ కుటుంబమే  కారణమని ఎంపీ డీ.కే.సురేశ్‌ ఆరోపించారు. బెంగళూరులో తన ఇంట్లో విలేకరులతో మాట్లాడుతూ హాసన్‌ బీజేపీ నాయకుడు దేవరాజేగౌడ ఈ విషయమై ముందే పార్టీ సీనియర్లకు లేఖ ద్వారా తెలిపినా దాచిపెట్టి, ప్రజ్వల్‌ను     అభ్యరి్థగా నిలబెట్టారన్నారు. సుమారు 500 మందికి పైగా మహిళలు లైంగిక దాడులకు గురయ్యారని చెప్పారు. ప్రజ్వల్‌తో సంబంధం లేదని హెచ్‌డీ కుమారస్వామి చెప్పడం సమంజసం కాదన్నారు.  

సాక్షి, చెన్నై: భర్తతో అభిప్రాయ భేదాలు విడాకుల వరకు వెళ్లడంతో తీవ్ర మనో వేదనకు గురైన ఓ తల్లి తన ఇద్దరు బిడ్డలతో పాటు తానూ బలవన్మరణానికి పాల్పడింది. దిండుగల్‌లో ఈ ఘటన చోటు చేసుకుంది. వివరాలు.. దిండుగల్‌ జిల్లా తాడి కొంబు పరిధిలోని కామాక్షిపురం శక్తినగర్‌కు చెందిన శ్రీనివాసన్‌(42), మేనక (35) దంపతులకు హిందు మహావిని(16), తన్యశ్రీ(11) కుమార్తెలు ఉన్నారు. ఈ ఇద్దరు పిల్లలు స్థానికంగా సీబీఎస్‌ఈ పాఠశాలలో పది, ఆరు తరగతులు చదువుతున్నారు. మహావిని  ప్రస్తుతం పదో తరగతి పరీక్షలు రాసి ఫలితాల కోసం ఎదురు చూస్తోంది. ఈ పరిస్థితిలో  కొద్ది రోజులుగా ఈ దంపతుల మధ్య జరిగిన గొ డవ విడాకుల కోసం కోర్టు వరకు వెళ్లింది.నందవనం రోడ్డులో తాను నడుపుతున్న టూ వీలర్‌ సర్వీస్ సెంటర్ లో వాటర్‌ మోటార్‌ పనిచేయక పోవడంతో సోమవారం ఇంట్లో ఉన్న మోటారును తీసుకెళ్లేందు కు శ్రీనివాసన్‌ ప్రయత్నించాడు. దీనిని మేనకతో పాటు పిల్లలు అడ్డుకున్నారు. తమ గొడవలు విడా కుల కోసం కోర్టు వరకు వెళ్లిన నేపథ్యంలో శ్రీనివా సన్‌ చర్యలపై మేనక మహిళా పోలీసులకు ఫిర్యాదు చేసింది. దీంతో సాయంత్రం అతడిని పోలీసులు పిలిపించి చీవాట్లు పెట్టారు. రాత్రి  పోలీసు స్టేషన్‌ నుంచి వచ్చిన శ్రీనివాసన్‌ ఇంట్లో ఉన్న తన బట్టలను తీసుకెళ్లేందుకు వెళ్లాడు.ఇంటి తలుపులు తెరవక పోవడంతో  ఇరుగు పొరుగు వారి సాయంతో కిటికి తలుపులు పగుల కొట్టి చూశారు. లోపల గది లో తన ఇద్దరు కుమార్తెలతో పాటుగా మేనక ఉరివేసుకుని వేలాడుతూ కనిపించింది. సమాచారం అందుకున్న పోలీసులు మృతదేహాలను పోస్టుమార్టా నికి తరలించారు. శ్రీనివాసన్‌ను విచారించగా తాను పొద్దుపోయే వరకు పోలీసు స్టేషన్‌లోనే ఉన్న ట్లు చెప్పాడు. మనస్తాపంతో ఉన్న మేనక పిల్లలతో పాటు బలవన్మరణానికి పాల్పడి ఉంటుందని పో లీసులు నిర్ధారించారు.   

సనత్‌నగర్‌: థెరపిస్టుల ముసుగులో ఇద్దరు మహిళలు ఓ వ్యక్తిపై ‘అసహజ’ దాడికి యత్నంచడంతో పాటు అతడిని నగ్నంగా వీడియో తీసి సోషల్‌ మీడియాలో పోస్ట్‌ చేస్తామని బెది రింపులకు దిగారు. దీంతో బాధితుడు భయ పడి రూ.20 వేలు ఇచ్చాడు. కానీ.. మరో రూ.30 లక్షలు ఇవ్వాలంటూ డిమాండ్‌ చేయడంతో బాధితుడు పోలీసులను ఆశ్రయించాడు. సనత్‌నగర్‌ పోలీస్‌స్టేషన్‌ పరిధిలో జరిగిన ఈ సంఘటన వివరాలు ఇన్‌స్పెక్టర్‌ పురేందర్‌రెడ్డి తెలిపిన ప్రకారం ఇలా ఉన్నాయి.. సనత్‌నగర్‌కు చెందిన ఓ వ్యక్తికి తనకు తానుగా థెరపిస్టుగా చెప్పుకున్న ఓ మహిళ పరిచయమైంది. ఆమె ద్వారా భరత్‌నగర్‌కు చెందిన మరో మహిళ ఫోన్‌ నంబర్‌ను తీసుకుని మాట్లాడాడు. తాము థెరపిస్టులమని, మసాజ్‌ చేస్తామంటూ సదరు వ్యక్తితో నమ్మబలికారు. దీంతో అతడు ఆ ఇద్దరు మహిళలు చెప్పిన్నట్లుగా భరత్‌నగర్‌లోని వారి ఇంటికి వెళాఉ్లడు. అయితే.. పరిస్థితులపై అనుమానం వచ్చిన బాధితుడు వెంటనే అక్కడి నుంచి వెళ్లిపోవాలని భావించాడు. అతడు బయటికి వచ్చేందుకు ప్రయత్నిస్తుండగానే ఇద్దరు మహిళలు బలవంతంగా నిర్బంధించారు. అతడి ఒంటిపై దుస్తులు తీసి లైంగిక దాడికి యత్నంచారు. ఈ క్రమంలోనే నగ్న వీడియోలు తీశారు. అంతటితో ఆగకుండా సోషల్‌ మీడియాలో పోస్ట్‌ చేస్తామంటూ బెదిరించారు. అలా చేయకుండా ఉండాలంటే తమకు డబ్బులు ఇవ్వాలని డిమాండ్‌ చేశారు. దీంతో ఆందోళనకు గురైన ఆ వ్యక్తి రూ.20 వేలు ఆన్‌లైన్‌ ద్వారా వారికి ఇచ్చాడు. వారి బారి నుంచి బయటపడ్డానని భావిస్తున్న క్రమంలోనే మళ్లీ ఓ మహిళ ఫోన్‌ చేసి రూ.30 లక్షలు ఇవ్వాలని, లేకపోతే వీడియోలను సోషల్‌ మీడియాలో పోస్ట్‌ చేయడంతో పాటు కుటుంబ సభ్యులకు పంపిస్తామని బెదిరించింది. దీంతో బాధితుడు సనత్‌నగర్‌ పోలీసులను ఆశ్రయించాడు. పోలీసులు కేసు నమోదు చేసుకుని దర్యాప్తు చేపట్టారు. నిందితులను అరెస్టు చేసి రిమాండ్‌కు తరలించారు.   

వేలేరు: ఎమ్మెల్యే కడియం శ్రీహరి ఒళ్లు దగ్గర పెట్టుకుని మాట్లాడాలని జనగామ ఎమ్మెల్యే పల్లా రాజేశ్వర్‌రెడ్డి హెచ్చరించారు. పార్లమెంట్‌ ఎన్నికల నేపథ్యంలో మండలంలోని షోడాషపల్లి శివారులోని ఓ ఫంక్షన్‌ హల్‌లో వేలేరు, ధర్మసాగర్‌ మండలాల విస్తృత స్థాయి సన్నాహక సమావేశాన్ని శుక్రవారం నిర్వహించారు. ఈసందర్భంగా ఆయన మాట్లాడుతూ.. బీఆర్‌ఎస్‌ ఎంపీ అభ్యర్థి సుధీర్‌కుమార్‌ను గెలిపించి కడియం శ్రీహరికి కర్రుకాల్చి వాత పెట్టాలని పిలుపునిచ్చారు. మంత్రిగా పని చేసి ఘన్‌పూర్‌కు చేసిన పని ఒక్కటైనా చూపెట్టాలని సవాల్‌ చేశారు. ఎమ్మెల్యే రాజయ్య మాట్లాడుతూ.. కడియం రాజీనామా చేసి వస్తే రాజకీయంగా బొందపెట్టడానికి పార, గడ్డపార రెడీగా ఉన్నాయన్నారు. కడియం శ్రీహరి ఓ నకిలీ దళితుడైతే, ఆయన కూతురు నకిలీ దళితురాలని మండిపడ్డారు. ఎంపీ అభ్యర్థి సుధీర్‌ కుమార్‌ మాట్లాడుతూ.. తనను ఎంపీగా గెలిపిస్తే అభివృద్ధి చేసి చూపిస్తానన్నారు. అధిక మెజార్టీతో గెలిపించాలని ఆయన కోరారు. కడియం కావ్య తండ్రి చాటు బిడ్డ అని, అరూరి రమేశ్‌ కబ్జాదారుడని విమర్శించారు. కడియం శ్రీహరి, అరూరి రమేశ్‌ దొందూ దొందేనని విమర్శించారు. కార్యక్రమంలో జెడ్పీటీసీ చాడ సరిత, జెడ్పీ కో–ఆష్షన్‌ సభ్యురాలు జుబేదా లాల్‌, కార్పొరేటర్‌ ఆవాల రాధిక రెడ్డి, వైస్‌ ఎంపీపీ సంపత్‌, మండల అధ్యక్షుడు నర్సింగరావు, కో–ఆష్షన్‌ జానీ, ఎంపీటీసీలు, మాజీ సర్పంచ్‌లు తదితరులు పాల్గొన్నారు. ఎమ్మెల్యే పల్లా రాజేశ్వర్‌రెడ్డి గెలిపిస్తే అభివృద్ధి చేసి చూపిస్తా: అభ్యర్థి సుధీర్‌కుమార్‌

నల్లబెల్లి : మండల కేంద్రంలో వివిధ పార్టీలకు చెందిన పలువురు ఎమ్మెల్యే దొంతి మాధవరెడ్డి ఆధ్వర్యంలో శుక్రవారం కాంగ్రెస్‌లో చేరారు. కాంగ్రెస్‌ మండల అధ్యక్షుడు చిట్యాల తిరుపతిరెడ్డి, కాంగ్రెస్‌ నల్లబెల్లి అధ్యక్షుడు బత్తిని మహేశ్‌, నాయకులు మాలోత్‌ రమేశ్‌, వైనాల అశోక్‌, చార్ల శివారెడ్డి, మాలోత్‌ చరణ్‌సింగ్‌, కడుదూరి కట్టయ్య, డ్యాగల కృష్ణ, వర్ణం ఇంద్రారెడ్డి, జిల్లా మునేందర్‌ తదితరులు పాల్గొన్నారు. ఏనుగల్‌ తండాలో 10 కుటుంబాలు.. నర్సంపేట రూరల్‌ : నర్సంపేట మండలంలోని ఏనుగల్‌తండాకు చెందిన బీఆర్‌ఎస్‌ గ్రామ అధ్యక్షుడు బానోత్‌ రవి, వార్డు మాజీ సభ్యుడు బోడ సోములు ఆధ్వర్యంలో 10 కుటుంబాలు బీఆర్‌ఎస్‌కు రాజీనామా చేసి కాంగ్రెస్‌ పార్టీలో చేరాయి. వారికి నర్సంపేట ఎమ్మెల్యే దొంతి మాధవరెడ్డి పార్టీ కండువాలు కప్పి కాంగ్రెస్‌లోకి ఆహ్వానించారు. అదేవిధంగా గురిజాల గ్రామ సొసైటీ మాజీ డైరెక్టర్‌ అల్లిరాజు బీఆర్‌ఎస్‌కు రాజీనామా చేసి కాంగ్రెస్‌లో చేరారు. కార్యక్రమంలో పార్టీ మండల ఉపాధ్యక్షుడు గజ్జి రాజు, వర్కింగ్‌ ప్రెసిడెంట్‌ తప్పెట రమేశ్‌, కత్తి కిరణ్‌, మహిళా కాంగ్రెస్‌ జిల్లా అధ్యక్షురాలు పార్వతమ్మ, మహిళా అధ్యక్షురాలు సాంబలక్ష్మి తదితరులు పాల్గొన్నారు. ఎల్గూర్‌స్టేషన్‌ గ్రామం నుంచి.. సంగెం : ఎల్గూర్‌స్టేషన్‌ గ్రామానికి చెందిన పలువురు బీఆర్‌ఎస్‌ నుంచి కాంగ్రెస్‌లో చేరినట్లు పార్టీ మండల అధ్యక్షుడు మాధవరెడ్డి తెలిపారు. బీఆర్‌ఎస్‌ గ్రామ అధ్యక్షుడు గుగులోత్‌ బొంద్యా, గుగులోత్‌ రమేష్‌, నర్సానగర్‌ నుంచి జాటోత్‌ భద్రయ్య పరకాల ఎమ్మెల్యే రేవూరి ప్రకాశ్‌రెడ్డి సమక్షంలో కాంగ్రెస్‌లో చేరారు. కార్యక్రమంలో మండల వర్కింగ్‌ ప్రెసిడెంట్‌ మెట్టుపల్లి రమేశ్‌, నాయకులు అచ్చ నాగరాజు తదితరులు పాల్గొన్నారు.

పర్వతగిరి : మండలంలోని మోత్యతండా గ్రామపంచాయతీ శివారు సీత్యతండాలో శుక్రవారం సాయంత్రం అగ్ని ప్రమాదం జరిగింది. స్థానికుల కథనం ప్రకారం.. తండా శివారులో రైతులు ఎక్కువగా మొక్కజొన్న పంట సాగుచేశారు. చొప్పను కాల్చేందుకు ఓ రైతు నిప్పంటించి ఉండొచ్చని అధికారులు భావిస్తున్నారు. మూడు కిలోమీటర్లు మంటలు చెలరేగడంతో సమాచారం తెలుసుకున్న ఎస్సై గుగులోత్‌ వెంకన్న పోలీసు బృందంతో సంఘటనా స్థలానికి చేరుకున్నారు. అగ్నిమాపక బృందానికి సమాచారం అందించారు. ఫైర్‌ ఇంజన్లు చేరుకుని మంటలు ఆర్పివేశాయి. ఎలాంటి ఆస్తి, ప్రాణనష్టం జరగకపోవడంతో అందరు ఊపిరిపీల్చుకున్నారు. మూడు కిలోమీటర్లు వ్యాపించిన మొక్కజొన్న చొప్ప మంటలు ఆర్పివేసిన అగ్నిమాపక శాఖ అధికారులు

నర్సంపేట : ఆరోగ్యంపై విద్యార్థులు శ్రద్ధచూపాలని నర్సంపేటలోని తెలంగాణ డయాగ్నోస్టిక్స్‌ హబ్‌ క్వాలిటీ మేనేజర్‌ డాక్టర్‌ వి.శ్వేత సూచించారు. పట్టణంలోని ప్రభుత్వ డిగ్రీ కళాశాలలో ఐక్యూఏసీ, ఎన్‌ఎస్‌ఎస్‌, మహిళా సాధికారత సెల్‌ ఆధ్వర్యంలో ప్రిన్సిపాల్‌ డాక్టర్‌ మల్లం నవీన్‌ అధ్యక్షతన శుక్రవారం హెల్త్‌ అవేర్నెస్‌ కార్యక్రమం నిర్వహించారు. ఈ సందర్భంగా ఆమె డయాగ్నోస్టిక్స్‌ హబ్‌లో అందుబాటులో ఉన్న వివిధ టెస్టులు, స్కానింగ్‌ సదుపాయాల గురించి వివరించారు. అనంతరం మాట్లాడుతూ అన్ని పరీక్షలు ఉచితంగా చేయించుకోవచ్చని తెలిపారు. ఐక్యూఏసీ కోఆర్డినేటర్‌ ఎ.శ్రీనాథ్‌, జిల్లా ఎన్‌ఎస్‌ఎస్‌ ప్రోగ్రాం అధికారులు ఐ.శివనాగ శ్రీను, కళా శాల ఎన్‌ఎస్‌ఎస్‌ ప్రోగ్రాం అధికారి బి.రమేష్‌, మహిళా సాధికారత సెల్‌ కోఆర్డినేటర్‌ టి.సుమతి, అకడమిక్‌ కోఆర్డినేటర్‌ ఎం.నరేందర్‌, టి.రమేశ్‌, ఎల్‌.సత్యనారాయణ, బి.విష్ణుకుమార్‌, జి.ప్రసూన, ఎం.సమ్మయ్య, ఎం.శైలజ, పి.త్యాగయ్య, ఆర్‌.కుమారస్వామి, ఏఓ ఎన్‌. స్వరూపారాణి, నాన్‌ టీచింగ్‌ సిబ్బంది, విద్యార్థులు పాల్గొన్నారు. ఎంహెచ్‌డీ రాష్ట్ర అధ్యక్షుడిగా ప్రదీప్‌ గీసుకొండ : మాదిగ హక్కుల దండోరా (ఎంహెచ్‌డీ) రాష్ట్ర అధ్యక్షుడిగా గ్రేటర్‌ వరంగల్‌ నగరం 15వ డివిజన్‌ మొగిలిచర్లకు చెందిన గనిపాక ప్రదీప్‌ నియమితులయ్యారు. ఈ మేరకు ఎంహెచ్‌డీ వ్యవస్థాపక అధ్యక్షుడు యాతాకుల భాస్కర్‌, వర్కింగ్‌ ప్రెసిడెంట్‌ క్యాదరి భాస్కర్‌ పేరుతో శుక్రవారం ఉత్తర్వులు జారీ చేశారు. ఇంత కాలం ప్రదీప్‌ ఉమ్మడి వరంగల్‌ జిల్లా అధ్యక్షుడిగా పనిచేశారు. అప్రమత్తతతోనే ప్రమాదాల నివారణ సంగెం: విద్యుత్‌ వినియోగదారులు, సిబ్బంది అప్రమత్తతతోనే ప్రమాదాలను నివారించవచ్చని ఎన్పీడీసీఎల్‌ వరంగల్‌ డివిజనల్‌ ఇంజనీర్‌ టెక్నికల్‌ ఎ.ఆనందం అన్నారు. విద్యుత్‌ భద్రతా వారోత్సవాల్లో భాగంగా కాపులకనిపర్తి, సంగెం, మచ్చాపూర్‌ సెక్షన్ల సిబ్బంది, వినియోగదారులకు ‘విద్యుత్‌ భద్రత– పొదుపు’పై మండల కేంద్రంలోని రైతు వేదికలో శుక్రవారం అవగాహన సదస్సు నిర్వహించారు. ఈ సందర్భంగా వాల్‌పోస్టర్లను ఆవిష్కరించిన అనంతరం ఆయన మాట్లాడారు. వర్షాకాలంలో వానలు, ఈదురు గాలులు, ప్రకృతి వైపరీత్యాలు సంభవించినప్పుడు తీగలు తెగిపోవడం, సాగడం, స్తంభాలు విరగడం వల్ల ప్రమాదాలు పొంచి ఉంటాయని తెలిపారు. వ్యవసాయబావుల వద్ద రైతులు విద్యుత్‌ సిబ్బందికి తెలియకుండా ట్రాన్స్‌ఫార్మర్లు బంద్‌ చేయడం, ఫ్యూజులు వేసుకోవడం, స్తంభాలు ఎక్కడం వంటి పనులు చేయవద్దన్నారు. ఇంటిలో హౌస్‌వైరింగ్‌కు దగ్గరలో జీఐ వైరును దండెంగా వాడొద్దని సూచించారు. ఎవరికైనా విద్యుత్‌ షాక్‌ తగిలితే రక్షించేందుకు చేతులతో తాకవద్దని, విద్యుత్‌ ప్రసరించని వస్తువులతో మాత్రమే రక్షించాలన్నారు. అవసరం లేనప్పుడు వాడకుండా విద్యుత్‌ను పొదుపు చేయాలని సూచించారు. విద్యుత్‌ షాక్‌ తగిలి స్పృహ కోల్పోయిన వ్యక్తిని సీపీఆర్‌ ద్వారా బతికించవచ్చని వివరించారు. కార్యక్రమంలో వరంగల్‌ డివిజనల్‌ ఇంజనీర్‌ బి.భిక్షపతి, ఏడీఈ నర్సింహారావు, ఏఈలు తిరుపతిరెడ్డి, మధుసూదన్‌, సంపత్‌రెడ్డి, సబ్‌ఇంజనీర్లు తాజుద్దీన్‌, విక్రమ్‌, క్రాంతి, సురేష్‌, సిబ్బంది, రైతులు తదితరులు పాల్గొన్నారు. ఉరేసుకుని వ్యాపారి ఆత్మహత్య నర్సంపేట రూరల్‌ : ఉరేసుకుని వ్యాపారి ఆత్మహత్య చేసుకున్న సంఘటన నర్సంపేటలో శుక్రవారం జరిగిందని ఎస్సై ప్రవీణ్‌ తెలిపారు. ఆయన కథనం ప్రకారం.. పట్టణానికి చెందిన మార్త సురేశ్‌ (45) వ్యాపారం చేసుకుంటూ కుటుంబాన్ని పోషిస్తున్నాడు. అయితే, ముంబాయికి చెందిన ఓ ప్రైవేట్‌ ఫైనాన్స్‌లో సురేశ్‌ భార్యకు అప్పు ఉంది. నిత్యం ఫోన్‌ చేస్తుండడంతో తీవ్ర మనోవేదనకు గురైన ఆయన ఇంట్లో ఎవరులేని సమయంలో ఫ్యాన్‌కు ఉరేసుకుని ఆత్మహత్య చేసుకున్నాడు. స్థానికులు గమనించి పోలీసులకు సమాచారం అందించారు. పోలీసులు మృతదేహానికి పంచనామా నిర్వహించి పోస్టుమార్టానికి తరలించారు. కేసు నమోదు చేసుకుని దర్యాప్తు చేస్తున్నట్లు ఎస్సై తెలిపారు.

వర్ధన్నపేట : పార్లమెంట్‌ ఎన్నికల్లో కాంగ్రెస్‌, బీఆర్‌ఎస్‌ను భూస్థాపితం చేయడమే మాదిగల లక్ష్యమని ఎంఎస్‌పీ జాతీయ అధికార ప్రతినిధి మంద కుమార్‌ అన్నారు. వర్ధన్నపేటలో శుక్రవారం ఏర్పాటు చేసిన విలేకరుల సమావేశంలో ఆయన మాట్లాడారు. ప్రధానమంత్రి నరేంద్రమోదీ ఎస్సీల వర్గీకరణపై అంకిత భావంతో ఉన్నారని తెలిపారు. ఇందులో భాగంగానే బీజేపీ వరంగల్‌ ఎంపీ అభ్యర్థి అరూరి రమేశ్‌ను భారీ మెజారిటీతో గెలిపించుకోవాలని పిలుపునిచ్చారు. హైదరాబాద్‌లోని ఇందిరా పార్కు వద్ద శనివారం మంద కృష్ణ మాదిగ నేతృత్వంలో నిర్వహించనున్న మాదిగల ఆత్మగౌరవ మహాసభను జయప్రదం చేయాలని కోరారు. సమావేశంలో నాయకులు మహేందర్‌, మాసాని గోపాల్‌, ధర్మయ్య, సుధాకర్‌, రాపాక వినోద్‌, ఉదయ్‌ పాల్గొన్నారు.