TV
విగతజీవిగా యువకుడు
అత్యాచారం చేసిన తండ్రికి జీవిత ఖైదు
మల్కన్‌గిరి: జిల్లా అదనపు సర్క్యూట్‌ జడ్జి కోర్టు కన్న కూతురిపై అత్యాచారం చేసిన ఒక కసాయి తండ్రికి జీవిత ఖైదు విధించింది. వివరాల్లోకి వెళ్తే.. 2023 నవంబర్‌ 9వ తేదీన బలిమెల డ్రగ్‌లైన్‌ పరిధిలో నివాసం ఉంటున్న నితాయ్‌ ప్రభుత్వ అనే వ్యక్తి తన కన్న కూతురిపై అత్యాచారం చేశాడు. బాధిత బాలిక స్వయంగా తండ్రిపై బలిమెల పోలీసుస్టేషన్‌లో ఫిర్యాదు చేయడంతో నితాయ్‌ను అరెస్టు చేశారు. ఈ కేసుకి సంబంధించి 17 మంది ఇచ్చిన వాగ్మూలం ఆధారంగా నితాయ్‌కు జీవిత ఖైదు విధించినట్లు ప్రఽభుత్వ న్యాయవాది లంభోదర్‌ తురుక్‌ వెల్లడించారు.
మల్కన్‌గిరి: స్థానిక పోలీసుస్టేషన్‌ పరిధి ఇర్మాగూడ గ్రామానికి చెందిన లలిన్‌ మాడి కాలువలో తన బైక్‌తో పాటు మృతదేహమై మంగళవారం సాయంత్రం కనిపించాడు. అయితే ఇది హత్య అని ఫిర్యాదు రావడంతో మల్కన్‌గిరి ఐఐసీ రీగాన్‌కీండో హత్య కేసు నమోద్‌ చేసి దర్యాప్తు చేస్తున్నారు. మంగళవారం ఉదయం ఇంటి నుంచి వెళ్లిన యువకుడు కొన్ని గంటల్లో కాలువలో శవమై కనిపించడంపై అనుమానాలు వ్యక్తమవుతున్నాయి. మెడపై తీవ్రమైన కత్తిగాట్లు ఉండడంతో ఇది హత్యగా భావిస్తున్నారు. పోలీసులు మృతదేహాన్ని మల్కన్‌గిరి ప్రభుత్వాస్పత్రికు తరలించారు. పోలీసులు కేసు నమోదు చేసి దర్యాప్తు చేస్తున్నారు.
1/1
విగతజీవిగా యువకుడు
