TV
ఉమ్మడి జిల్లా హ్యాండ్‌బాల్‌ జట్ల ఎంపిక
కోస్గి రూరల్‌: ఉమ్మడి జిల్లా అండర్‌ – 17 హ్యాండ్‌బాల్‌ బాల,బాలికల జట్లు ఎంపిక చేశామని ఉమ్మడి జిల్లా హ్యాండ్‌బాల్‌ అసోసియేషన్‌ సెక్రెటరీ జీయావుధ్దిన్‌, ఎజ్జీఎప్‌ సెక్రెటరీ శ్రీనివాస్‌రెడ్డి తెలిపారు. బుధవారం పట్టణంలోని ప్రభుత్వ ఉన్నత పాఠశాల మైదానంలో ఈమేరకు ఎంపికలు చేపట్టారు. ఇందులో ఉమ్మడి జిల్లా పరిది నుంచి 180 మంది బాల బాలికలు పాల్గొన్నారు. ప్రతిభ కనబరచిన 16 మంది బాలురు, 16 బాలికలను ఉమ్మడి జిల్లా జట్టుగా ఎంపిక చేశామని తెలిపారు. అంతకు జిల్లా గ్రంథాలయ సంస్థ చైర్మన్‌ వార్ల విజయ్‌కుమార్‌ పోటీలను ప్రారంభించారు. కార్యక్రమంలో ఫిజికల్‌ డైరెక్టర్‌లు సాయినాథ్‌ , రామకృష్ణారెడ్డి , రవికుమార్‌, నరసింహ తదితరులు పాల్గొన్నారు.
