ప్రతిభకు ప్రోత్సాహం

ప్రతిభకు ప్రోత్సాహం

జిల్లాలో ఇలా..

8వ తరగతి విద్యార్థులు

5,153

ఉన్నతపాఠశాలలు

75

ప్రాథమికోన్నత పాఠశాలలు

86

ఏడాది వారీగా ఎంపికై న విద్యార్థులు

2022–23

47

2023–24

46

2024–25 46

నారాయణపేట రూరల్‌: పేద విద్యార్థులు ఆర్థిక సమస్యలతో విద్యాభ్యాసాన్ని మధ్యలోనే నిలిపివేయకుండా వారిని ప్రోత్సహించేందుకు కేంద్ర ప్రభుత్వం జాతీయ ప్రతిభ ఉపకార వేతనం (ఎన్‌ఎంఎంఎస్‌) అందిస్తోంది. 2025–2026 విద్యా సంవత్సరానికి సంబంధించి అర్హత పరీక్ష ప్రకటనను ఇటీవల విడుదల చేసింది. ఆన్‌లైన్‌ దరఖాస్తు ప్రక్రియ ప్రారంభంకాగా.. అక్టోబర్‌ 6 వరకు అవకాశం కల్పించింది. నవంబర్‌ 23న జిల్లాకేంద్రంలో పరీక్ష నిర్వహించేందుకు విద్యాశాఖ సిద్ధమైంది. ఇందులో ఎంపికై తే తొమ్మిదో తరగతి నుంచి 12వ తరగతి వరకు నాలుగేళ్ల పాటు ఏటా రూ.12 వేల చొప్పున మొత్తం రూ.48 వేలు విద్యార్థుల బ్యాంకు ఖాతాలో జమవుతాయి.

పరీక్ష విధానం..

మల్టీపుల్‌ ఛాయిస్‌ విధానంలో ప్రశ్నలుంటాయి. మెంటలెబిలిటీ (ఎంఏటీ), లాస్టిక్‌ ఎబిలిటీ (ఎస్‌ఏటీ), ఏడు, ఎనిమిదో తరగతికి సంబంధించిన గణితం, సామాన్య శాస్త్రం, సాంఘిక శాస్త్రం పాఠ్యాంశాలకు సంబంధించిన ప్రశ్నలు ఉంటాయి. పరీక్షలో సాధించిన మెరిట్‌ ఆధారంగా ఎంపిక ప్రక్రియ జరుగుతుంది. పూర్తి వివరాలకు బీఎస్‌ఈ తెలంగాణ వెబ్‌సైట్‌ను పరిశీలించాలి.

ప్రణాళికతో చదివితే..

మొత్తం 180 మార్కులకు పరీక్ష నిర్వహించగా.. ప్రశ్నాపత్రం రెండు విభాగాలుగా ఉంటుంది. పార్ట్‌–ఏలో మానసిక సామర్థ్య పరీక్ష 90 మార్కులకు 90 ప్రశ్నలు ఉంటాయి. ఇందులో రీజనింగ్‌ ఎబిలిటీ, సంఖ్యాశాస్త్రం, పదాల భిన్న పరీక్ష, నంబర్‌ అనాలజీ, ఆల్ఫాబెట్‌ అనాలజీ, కోడింగ్‌, డీ కోడింగ్‌, లాజికల్‌ ప్రశ్నలు, వెన్‌ చిత్రాలు, మిర్రర్‌ ఇమేజెస్‌, వాటర్‌ ఇమేజెస్‌కు సంబంధించిన అంశాలు ఉంటాయి. పార్ట్‌–బిలో ఏడు, 8వ తరగతికి సంబంధించి 90 ప్రశ్నలకు 90 మార్కులు కేటాయించారు. వాటిలో గణితం 20, సామాన్య శాస్త్రం 35, సాంఘిక శాస్త్రం 35 మార్కులు కేటాయిస్తారు. ప్రశ్నపత్రం తెలుగు, ఆంగ్ల మాధ్యమంలో ఉంటుంది. ప్రణాళికతో చదివి పరీక్షకు హాజరవుతే తప్పక విజయం సాధించేందుకు అవకాశం ఉంటుంది.

నవంబర్‌ 23న ఎన్‌ఎంఎంఎస్‌ పరీక్ష

ఎంపికై తే ఏటా

రూ.12 వేల ఉపకార వేతనం

ప్రతిభ చాటితే నాలుగేళ్ల పాటు అందజేత

దరఖాస్తునకు

అక్టోబర్‌ 6 వరకు అవకాశం