TV
క్రీడలకు రాష్ట్ర ప్రభుత్వం పెద్దపీట
జనగామ: రాష్ట్ర ప్రభుత్వం క్రీడలకు పెద్దపీట వేస్తోందని జనగామ కలెక్టర్‌ షేక్‌ రిజ్వాన్‌ బాషా అన్నారు. జిల్లా కేంద్రంలోని ధర్మకంచ మినీ స్టేడియంలో గురువారం అథ్లెటిక్స్‌ అసోసియేషన్‌ జిల్లా అధ్యక్షుడు పెద్ది వెంకటనారాయణగౌడ్‌ అధ్యక్షతన జరిగిన రాష్ట్రస్థాయి అథ్లెటిక్స్‌ (జావెలిన్‌, కిడ్స్‌) పోటీలకు కలెక్టర్‌ ముఖ్యఅతిథిగా హాజరై ప్రారంభించారు. టోక్యో ఒలింపిక్స్‌లో నీరజ్‌ చోప్రా జావెలిన్‌త్రోలో బంగారు పథకం సాధించిన సందర్భాన్ని పురస్కరించుకుని అథ్లెటిక్స్‌ ఫెడరేషన్‌ ఆఫ్‌ ఇండియా ఏటా ఆగస్టు 7వ తేదీన రాష్ట్ర స్థాయి అథ్లెటిక్స్‌ పోటీలు నిర్వహిస్తోంది. ఇందులో భాగంగా జనగామలో ఈ పోటీలు నిర్వహిస్తున్నారు. ఈ సందర్భంగా కలెక్టర్‌ మాట్లాడుతూ ప్రతీ విద్యార్థి చదువుతో పాటు క్రీడల్లోనూ రాణించాలన్నారు. క్రీడలతో శారీరక ఆరోగ్యం, మానసికోల్లాసం కలుగుతుందన్నారు. అనంతరం అథ్లెటిక్స్‌ అసోసియేషన్‌ జిల్లా అధ్యక్షుడు పెద్ది వెంకటనారాయణ గౌడ్‌ మాట్లాడుతూ రాష్ట్ర స్థాయి పోటీల నిర్వహణకు జిల్లా యంత్రాంగం పూర్తి సహకారం అందించిందన్నారు. కార్యక్రమంలో జిల్లా యువజన క్రీడల అధికారి బైరెడ్డి వెంకటరెడ్డి, తెలంగాణ నిర్వహణ కార్యదర్శి పగడాల వెంకటేశ్వర్‌రెడ్డి, తెలంగాణ అథ్లెటిక్స్‌ అసోసియేషన్‌ ప్రధాన కార్యదర్శి గంగిశెట్టి మనోజ్‌ కుమార్‌, కోశాధికారి ఆవుల అశోక్‌, నిర్వహణ కార్యదర్శి చంద్రశేఖర్‌రెడ్డి, కిరణ్‌, బ్యాడ్మింటన్‌ అసోసియేషన్‌ అధ్యక్షులు సుగుణాకర్‌, హనుమంతరావు, గజ్జెల్లి రాజు, కిష్టయ్య తదితరులు పాల్గొన్నారు.
33 జిల్లాలు.. 6వందల మంది క్రీడాకారులు
జనగామ జిల్లా కేంద్రం ధర్మకంచ మినీ స్టేడియంలో జరిగిన రాష్ట్ర స్థాయి అథ్లె టిక్స్‌ పోటీలకు 33 జిల్లాల నుంచి 6 వందల మంది క్రీడాకారులు హాజరయ్యా రు. జావెలిన్‌ క్రీడతోపాట అండర్‌–8,10,12 విభాగాల్లో బాల, బాలికలకు పరుగు పందెం, అప్రోచ్‌ లాంగ్‌ జంప్‌ క్రీడలు నిర్వహించారు. అండర్‌–8 విభాగంలో బాల, బాలికలకు 1.60 మీటర్ల పరుగు పందెం, ఐదు మీటర్ల అప్రోచ్‌ లాంగ్‌ జంప్‌, అండర్‌–10 విభాగంలో బాల, బాలికలకు 2.60 మీటర్ల పరుగు పందెం, ఐదు మీటర్ల అప్రోచ్‌ లాంగ్‌ జంప్‌, అండర్‌–12 విభాగంలో బాల, బాలికలకు 3.60 మీటర్లు ఫైవ్‌ మీటర్స్‌ అప్రోచ్డ్‌ లాంగ్‌ జంప్‌, కిడ్స్‌ జావెలిన్‌ త్రో, అండర్‌–14 విభాగంలో బాల, బాలికలకు కిడ్స్‌ జావెలిన్‌త్రో, అండర్‌–16,18, 20 విభాగాల్లో యువతీ, యువకులకు జావెలిన్‌ త్రో పోటీలు నిర్వహించారు.
చదువుతోపాటు ఆటల్లో రాణించాలి
జనగామ కలెక్టర్‌ షేక్‌ రిజ్వాన్‌ బాషా
అట్టహాసంగా రాష్ట్ర స్థాయి
అథ్లెటిక్స్‌ పోటీలు ప్రారంభం
33 జిల్లాల నుంచి హాజరైన
క్రీడాకారులు
క్రీడలకు రాష్ట్ర ప్రభుత్వం పెద్దపీట
క్రీడలకు రాష్ట్ర ప్రభుత్వం పెద్దపీట
