TV
తల్వార్‌తో జన్మదిన వేడుకలు..
● యువకుడిపై కేసు నమోదు
జగిత్యాల క్రైం: జిల్లాకేంద్రంలోని వాణినగర్‌కు చెందిన కోరుకంటి సాయికృష్ణ అనే వ్యక్తి రోడ్డుపై.. జనావాసాల మధ్య తల్వార్‌ను పట్టుకుని మిత్రులతో కలిసి జన్మదిన వేడుకలను జరుపుకోవడంతో పోలీసులు కేసు నమోదు చేశారు. సీఐ కరుణాకర్‌ కథనం ప్రకారం సాయికృష్ణ శనివారం రాత్రి రోడ్డుపై ప్రజలు చూస్తుండగానే వారిని భయభ్రాంతులకు గురిచేస్తూ తల్వార్‌ చేతపట్టుకుని మిత్రులతో కలిసి కేక్‌ కట్‌ చేశాడు. దీంతో పబ్లిక్‌ న్యూసెన్స్‌ కింద సాయికృష్ణపై కేసు నమోదు చేసినట్లు సీఐ తెలిపారు.
