హత్యాయత్నం కేసులో నిందితుని అరెస్ట్‌

కరెంట్‌షాక్‌తో రైతు నాయకుడు మృతి వీర్నపల్లి(సిరిసిల్ల): మండల కేంద్రానికి చెందిన రైతు నాయకుడు, సీపీఐ జిల్లా రైతు విభాగం కార్యదర్శి జంగం అంజయ్య(55) సోమవారం విద్యుత్‌షాక్‌తో మృతి చెందాడు. తన పొలం వద్ద పనులు చేస్తుండగా ప్రమాదవశాత్తు కరెంట్‌షాక్‌కు గురయ్యాడు. సమీపంలోని రైతులు వెంటనే 108 వాహనానికి సమాచారం అందించారు. 108 సిబ్బంది వచ్చి పరిశీలించి అప్పటికే మృతిచెందినట్లు తెలిపారు. ఎస్సై లక్ష్మణ్‌ కేసు నమోదు చేసి దర్యాప్తు చేస్తున్నారు. అంజయ్య 20 ఏళ్ల పాటు జనశక్తి సానుభూతిపరుడిగా పనిచేసి, జనజీవన స్రవంతిలో కలిశారు. నాటక రంగంలోనూ గుర్తింపు తెచ్చుకున్నారు. వీర్నపల్లిలో పట్టపగలే చోరీ వీర్నపల్లి(సిరిసిల్ల): వీర్నపల్లి మండల కేంద్రంలో దొంగలు పట్టపగలే రెచ్చిపోయారు. తాళం వేసి ఉన్న ఇంట్లోకి చొరబడి భారీగా నగదు, బంగారు ఆభరణాలు దోచుకెళ్లారు. బాధితుడు తెలిపిన వివరాలు. మండల కేంద్రంలోని వడ్లూరి రాజం ఇంట్లోకి సోమవారం మధ్యాహ్నం గుర్తుతెలియని వ్యక్తులు చొరబడ్డారు. బీరువాలో భద్రపరిచిన రూ.2లక్షలు, రెండు బంగారు పుస్తెలు, వెండి గొలుసులు, ఆరు తులాల బంగారు ఆభరణాలతోపాటు ఇతర విలువైన ఆభరణాలను ఎత్తుకెళ్లారు. బాధితుడు రాజం ఫిర్యాదుతో ఎస్సై వేముల లక్ష్మణ్‌ సంఘటన స్థలానికి చేరుకుని వివరాలు సేకరించారు. కేసు దర్యాప్తు చేపడుతున్నట్లు తెలిపారు.