Tesla: ఎలాన్‌ మస్క్‌ కీలక నిర్ణయం! | Sakshi
Sakshi News home page

షాకిచ్చిన కోర్టు.. టెస్లాపై ఎలాన్‌ మస్క్‌ కీలక నిర్ణయం

Published Thu, Feb 1 2024 9:20 PM

Elon Musk Key Decision On Telsa Headquarters - Sakshi

టెస్లా విషయంలో ఆ కంపెనీ సీఈవో ఎలాన్‌ మస్క్‌ కీలక నిర్ణయం తీసుకున్నారు. సంస్థ ప్రధాన కార్యాలయాన్ని డెలావర్‌ నుంచి టెక్సాస్‌కు తరలిస్తున్నట్లు ప్రకటించారు. భారీ ప్యాకేజీ అందుకునేందుకు మస్క్‌ అనర్హుడంటూ డెలావర్‌ కోర్టు తీర్పు ఇచ్చిన తరుణంలోనే ఆయన ఈ నిర్ణయం తీసుకోవడం గమనార్హం. 

ఇదిలా ఉంటే.. టెస్లా బోర్డు డైరెక్టర్లు నిర్ణయించిన 55 బిలియన్‌ డాలర్ల (దాదాపు రూ.4.5 లక్షల కోట్లు) భారీ వేతన ప్యాకేజీ అందుకునేందుకు ఎలాన్‌ మస్క్‌ అనర్హుడంటూ డెలావర్‌ కోర్టు తీర్పు ఇచ్చింది. ఆ వెంటనే మస్క్‌ ఎక్స్‌ వేదికగా స్పందించారు. డెలావర్‌ రాష్ట్రంలో ఎవరూ తమ సంస్థలను రిజిస్టర్‌ చేసుకోవద్దని పిలుపునిచ్చారు.

అంతేకాదు.. టెస్లా ప్రధాన కార్యాలయాన్ని టెక్సాస్‌కు మార్చాలా? అని పోల్‌ కూడా పెట్టారు. ఆ పోల్‌లో 80 శాతం అవునని చెప్పడంతో.. మార్పు నిర్ణయం తీసుకున్నట్లు ఆయన వెల్లడించారు. అమెజాన్‌ లాంటి పెద్ద కంపెనీలు సైతం టెక్సాస్‌లోనే తమ కంపెనీలను రిజిస్టర్‌ చేసుకుంటాయి. పన్ను శాతం తక్కువగా ఉండడమే అందుకు కారణం.

Advertisement
 
Advertisement