వరంగల్‌, హనుమకొండ జిల్లాల్లో రెండో విడతలోనూ ‘పై చేయి’..

వరంగల్‌, హనుమకొండ జిల్లాల్లో రెండో విడతలోనూ ‘పై చేయి’..

సాక్షిప్రతినిధి, వరంగల్‌ :

హనుమకొండ జిల్లాలో ఆదివారం జరిగిన గ్రామ పంచాయతీ రెండో విడత ఎన్నికల్లోనూ కాంగ్రెస్‌ పార్టీ పై చేయి సాధించింది. ఓటర్లు అత్యధికంగా తమ ఓటుహక్కును వినియోగించుకుని చైతన్యం కనబరిచారు. జిల్లా పరిధి ఐదు మండలాల్లోని 73 గ్రామ పంచాయతీలకు ఆరు ఏకగ్రీవం కాగా.. అందరూ కాంగ్రెస్‌ పార్టీ మద్దతుదారులే. ఆదివారం పోలింగ్‌ జరిగిన 67 గ్రామ పంచాయతీల్లో 33 చోట్ల కాంగ్రెస్‌ పార్టీ బలపరిచిన అభ్యర్థులు గెలుపొందారు. 22 పంచాయతీల్లో బీఆర్‌ఎస్‌ బలపరచిన అభ్యర్థులు గెలుపొందగా, రెండు చోట్ల బీజేపీ అభ్యర్థులు విజయం సాధించారు. నలుగురు కాంగ్రెస్‌ పార్టీ రెబల్‌ అభ్యర్థులు కలుపుకుని మొత్తం 10 మంది స్వతంత్రులు సర్పంచ్‌లుగా గెలుపొందారు.

మండలాల వారీగా ఫలితాలు ఇలా...

వేలేరులో బీఆర్‌ఎస్‌ మొదటి స్థానంలో నిలిచింది. మొత్తం 12 స్థానాలకు ఆరు చోట్ల బీఆర్‌ఎస్‌ బలపర్చిన అభ్యర్థులు గెలవగా, రెండు ఏకగ్రీవం కలుపుకుని ఐదు పంచాయతీల్లో కాంగ్రెస్‌ పాగా వేసింది. ఒకచోట స్వతంత్రులు గెలిచినట్లు అధికారులు ప్రకటించారు. హసన్‌పర్తి మండలంలో 15 పంచాయతీలకు రెండు ఏకగ్రీవం కలిపి ఆరు కాంగ్రెస్‌, రెండు బీఆర్‌ఎస్‌, ఒకటి బీజేపీ మద్దతుదారులు గెలుచుకోగా నాలుగు పంచాయతీలలో కాంగ్రెస్‌ రెబల్స్‌, రెండు చోట్ల ఇండిపెండెంట్లు విజయం సాధించారు. ఐనవోలు 17 పంచాయతీలకు 9 కాంగ్రెస్‌, ఐదు బీఆర్‌ఎస్‌, ఒకటి బీజేపీ మద్దతుదారులు, ఒకచోట ఇండిపెండెంట్‌ గెలిచా రు. పరకాలలో 10 పంచాయతీలకు ఆరు కాంగ్రెస్‌, నాలుగు బీఆర్‌ఎస్‌, ధర్మసాగర్‌లో 19 గ్రామ పంచాయతీలకు రెండు ఏకగ్రీవం కలిపి 13 చోట్ల కాంగ్రెస్‌, ఐదుచోట్ల బీఆర్‌ఎస్‌ బలపర్చిన అభ్యర్థులు విజయం సాధించారు. ఒకరు ఇండిపెండెంట్‌ గెలిచారు. రెండో విడతలోనూ కాంగ్రెస్‌ పార్టీ మద్దతుదారులు అనూహ్య విజయం సాధించగా.. పార్టీ నాయకులు, కార్యకర్తలు పెద్ద ఎత్తున సంబురాల్లో మునిగారు.

హసన్‌పర్తిలో అధికార పార్టీని దెబ్బతీసిన రెబల్స్‌

రెండో స్థానంలో నిలిచిన ‘కారు’

సంబురాల్లో కాంగ్రెస్‌ పార్టీ శ్రేణులు

అంతర్మథనంలో బీఆర్‌ఎస్‌, బీజేపీలు

1/1

వరంగల్‌, హనుమకొండ జిల్లాల్లో రెండో విడతలోనూ ‘పై చేయి’..