TV
సేవ కోసం సమయం కేటాయించాలి
సీపీ సన్ ప్రీత్ సింగ్
వరంగల్ క్రైం: ఉద్యోగ విరమణ అనంతరం పోలీస్ సిబ్బంది సేవా కార్యక్రమాలకు సమయం కేటాయించాలని వరంగల్ పోలీస్ కమిషనర్ సన్ప్రీత్ సింగ్ సూచించారు. వరంగల్ పోలీస్ కమిషనరేట్లో సుధీర్ఘకాలం విధులు నిర్వహించి ఉద్యోగ విరమణ పొందిన పోలీస్ అధికారులను మంగళవారం ఆయన ఘనంగా సత్కరించి జ్ఞాపికలు అందజేశారు. ఈసందర్భంగా సీపీ సన్ప్రీత్ సింగ్ మాట్లాడుతూ.. ఉద్యోగ విరమణ పొందుతున్న అధికారులు నేటి తరం పోలీసులకు ఆదర్శంగా నిలుస్తారని, వారు ఆరోగ్యంపై శ్రద్ధ చూపాలన్నారు. ఉద్యోగ విరమణ తర్వాత ప్రభుత్వం నుంచి అందే డబ్బును భవిష్యత్ అవసరాలకు భద్రపర్చుకోవాలని సూచించారు. కార్యక్రమంలో అదనపు డీసీపీలు రవి, సురేశ్ కుమార్, శ్రీనివాస్, ఏసీపీ సురేంద్ర, ఆర్ఐ సతీశ్, స్పర్జన్తో పాటు, ఇతర పోలీస్ సిబ్బంది, పదవీ విరమణ సిబ్బంది, వారి కుటుంబ సభ్యులు పాల్గొన్నారు.
