వక్క (పోక) ఆకులతో..

వక్క చెట్టు (పోక చెట్టు)జిల్లాలో 200 ఎకరాలు సాగు అవుతుండగా ఆకులను రైతులు వ్యర్థాలుగా వదిలేస్తున్నారు. వీటిని సేంద్రియ ఎరువుగా తయారు చేయడంతోపాటు రకాల వస్తువులను తయారు చేస్తే రైతులు అదనపు ఆదాయం పొందే అవకాశముంది. దళసరిగా, బలంగా ఉండే ఈ ఆకుతో ఆహారం తినే ప్లేట్లు, బౌల్స్‌ తయారీకి ఉపయోగిస్తున్నారు. ఇది పూర్తిగా పర్యావరణానికి అనుకూలమైంది. వీటిని వాడటం ద్వారా ప్లాస్టిక్‌ వాడకాన్ని తగ్గించి కాలుష్యాన్ని నివారించే అవకాశముంది. ఈ ఆకులతో తయారు చేసిన ప్లేట్లలో రసాయనాలు ఉండవు. వేడి ఆహారాన్ని కూడా ఈ ఆకుల ప్లేట్లలో వడ్డించడం ఆరోగ్యానికి సురక్షితం. వక్క ఆకులతో పర్యావరణ అనుకూలమైన ప్లేట్లు, గిన్నెలు తయారు చేసే పరిశ్రమలు ఏర్పాటు చేసుకోవచ్చు. ఇప్పటికే అనకాపల్లి వంటి జిల్లాలో ఇటువంటి పరిశ్రమలను ఏర్పాటు చేశారు. కాని జిల్లాలో సుమారు మూడు వేల ఎకరాల్లో వక్క సాగు జరుగుతున్నా ఇటువంటి పరిశ్రమలను మాత్రం ఏర్పాటు చేయలేదు.