గోఎయిర్‌ రిపబ్లిక్‌ డే సేల్ ‌: బంపర్ ఆఫర్‌

సాక్షి,ముంబై: దేశీయ విమానయాన సంస్థ గోఎయిర్‌ రిపబ్లిక్‌ డే ఆఫర్‌ను ప్రకటించింది. దేశీయ ప్రయాణికుల కోసం సుమారు 10 లక్షల సీట్లను తగ్గింపు ధరలో అందిస్తోంది. టికెట్‌ ధరను  రూ.859 (అన్నీ కలిపి) కే అందిస్తున్నట్లు గోఎయిర్‌ తెలిపింది. ఈ ఏడాది ఏప్రిల్‌ 1 నుంచి డిసెంబర్‌ 31 మధ్య కాలంలో ప్రయాణించే ప్రయాణికులు జనవరి 22 నుంచి జనవరి 29 మధ్య టికెట్లను బుకింగ్‌ చేసుకున్న వాళ్లకు మాత్రమే ఈ ఆఫర్‌ వర్తిస్తుందని తెలిపింది. ఈ చార్జీలు డైరెక్ట్‌ ఫ్లైట్లలో కేవలం ఒకవైపు ప్రయాణానికి మాత్రమేనని పేర్కొంది.  అలాగే టికెట్‌ బుక్‌ చేసుకున్న తర్వాత 14 రోజుల లోపు ఏవైనా మార్పులు చేసినా చార్జీలు ఏవీ ఉండవనిసంస్థ తెలిపింది.