పాణ్యం: కర్నూలు – చిత్తూరు జాతీయ రహదారిపై పాణ్యం సమీపంలో శనివారం జరిగిన రోడ్డు ప్రమాదంలో ఓ వృద్ధుడు దుర్మరణం చెందాడు. ఎస్‌ఐ అశోక్‌ తెలిపిన వివరాల మేరకు.. మహానంది మండలం గా జులపల్లె గ్రామానికి చెందిన కె. ఏసయ్య (73) షుగర్‌ వ్యాధితో బాధపడుతున్నారు. కాలుకు తీవ్ర గాయం కావడంతో చికిత్స కోసం హైదరబాద్‌కు వెళ్లి చికిత్స చేయించుకుని తిరుగు ప్రయాణమయ్యారు. శనివారం తెల్లవారుజామున పాణ్యం సమీపంలోని విజయనికేతన్‌ పాఠశాల వద్ద ముందు వెళ్తున్న మహారాష్ట్రకు చెందిన లారీని ప్రమాదవశాత్తూ వెనుక నుంచి కారు ఢీకొంది. ఈ ఘటనలో కారులో ఉన్న కె. ఏసయ్య, అతని కుమారు డు రాజేంద్రప్రసాద్‌, విజయ్‌కుమారర్‌కు గాయాల య్యాయి. తీవ్రంగా గాయడిన వీరిని 108లో నంద్యాల ప్రభుత్వ ఆసుపత్రికి తరలించారు. పరీక్షించిన డాక్టర్లు ఏసయ్య మృతిచెందినట్లు నిర్ధారించారు. మృతుడికి భార్య జయమ్మ, ఆరుగురు సంతానం ఉన్నారు. పోలీసులు కేసు నమోదు చేశారు.

జనహోరుచివరి రోజు ప్రచారం ఊరూవాడా హోరెత్తింది. భారీగా తరలివచ్చిన ప్రజలనుద్దేశించి అభ్యర్థులు ఓటు అభ్యర్థించారు. గెలిస్తే ఎలాంటి పనులు చేస్తామో స్పష్టంగా వివరించారు. ఐదేళ్ల పాలనలో జరిగిన అభివృద్ధిని, అర్హతే ప్రామాణికంగా ఇంటింటికీ అందిన సంక్షేమాన్ని వైఎస్సార్‌సీపీ అభ్యర్థులు తమ ప్రసంగాల్లో పేర్కొన్నారు. తమను గెలిపిస్తే ఇంతకంటే మిన్నగా సంక్షేమాన్ని అందిస్తామని, అభివృద్ధిని పరుగులు పెట్టిస్తామని హామీ ఇచ్చారు. అధికార పార్టీ అభ్యర్థుల ప్రచారానికి అన్ని చోట్లా విశేష స్పందన లభించింది. వైఎస్సార్‌సీపీ జెండాలతో కార్యకర్తలు కదంతొక్కారు. ఫ్యాన్‌ గుర్తును చూపిస్తూ పార్టీ నాయకులు ఓటు వేయాలని కోరారు. –సాక్షినెట్‌వర్క్‌

● బడుగు, బలహీన వర్గాలంతా జగనన్న వెంటే ● జిల్లా గ్రంథాలయ సంస్థ చైర్మన్‌ ఎం. సుభాష్‌ చంద్రబోస్‌ కర్నూలు(అర్బన్‌): సార్వత్రిక ఎన్నికల్లో రాష్ట్రంలో ఫ్యాన్‌ ప్రభంజనం సృష్టించడం ఖాయమని జిల్లా గ్రంథాలయ సంస్థ చైర్మన్‌ ఎం సుభాష్‌ చంద్రబోస్‌ అన్నారు. శనివారం స్థానిక బీసీ భవన్‌లో ఏర్పాటు చేసిన విలేకరుల సమావేశంలో ఆయన మాట్లాడుతూ బీసీ, ఎస్‌సీ, ఎస్‌టీ, మైనారిటీ తదితర బడుగు, బలహీన వర్గాలంతా వైఎస్‌ జగన్‌కు మద్దతుగా ఉన్నారన్నారు. ముఖ్యమంత్రి వైఎస్‌ జగన్‌తోనే తమకు సామాజిక న్యాయం జరుగుతుందని ఆయా వర్గాల్లో గట్టి నమ్మకం ఉందన్నారు. రాష్ట్రంలోని ప్రతి ఇంటికీ జగనన్న సంక్షేమ పథకాలు అందాయని, ఆయా పథకాల వల్ల లబ్ధి పొందిన వారందరూ తిరిగి ముఖ్యమంత్రిగా జగన్‌ను చేసుకునేందుకు కృతనిశ్చయంతో ఉన్నారన్నారు. నిరుపేద, మధ్య తరగతి వర్గాల ఆశీస్సులతో గత ఎన్నికల కంటే ప్రస్తుత ఎన్నికల్లో అత్యధిక మెజారిటీతో రాష్ట్ర వ్యాప్తంగా వైఎస్సార్‌సీపీ అభ్యర్థులు విజయం సాధించనున్నారన్నారు. చంద్రబాబునాయుడు తన మేనిఫెస్టోలో ప్రకటించిన మోసపూరిత హామీలను ప్రజలెవరు నమ్మే పరిస్థితుల్లో లేరన్నారు. బీజేపీ, జనసేన, టీడీపీతో కూడిన మతోన్మాద కూటమి అభ్యర్థులకు ఓటమి తప్పదని హెచ్చరించారు. చంద్రబాబు కూటమి ఎన్ని కుట్రలు చేసినా, ఈ ఎన్నికల్లో అఖండ విజయం సాధించి జూన్‌ 4వ తేదీన వైఎస్‌ జగన్‌మోహన్‌రెడ్డి ముఖ్యమంత్రి కావడం ఖాయమన్నారు. ఈ సమావేశంలో వైఎస్సార్‌సీపీ బీసీ విభాగం జిల్లా కార్యదర్శి బత్తుల లక్ష్మికాంతయ్య, కే నాగేశ్వరమ్మ, చంద్రకళాబాయి తదితరులు పాల్గొన్నారు.

కర్నూలు: స్పెషల్‌ ఎన్‌ఫోర్స్‌మెంట్‌ బ్యూరో తనిఖీల్లో అక్రమంగా తరలిస్తు న్న మద్యం పట్టుబడింది. సార్వత్రిక ఎన్నికల నేపథ్యంలో కర్నూలు సెబ్‌ స్టేషన్‌ సీఐ రాజేంద్రప్రసాద్‌ ఆధ్వర్యంలో ఎస్‌ఐలు రెహనా బేగం, మారుతీ ప్ర సాద్‌ తమ సిబ్బందితో శనివారం కల్లూ రు మండలం ఉలిందకొండ వద్ద వాహన తనిఖీలు నిర్వహించారు. కర్నూలు వైపు నుంచి వెల్దుర్తి వైపు వెళ్తున్న రెండు ద్విచక్ర వాహనాలను ఆపి తనిఖీ చేయగా 144 మద్యం బాటిళ్లు బయటపడ్డాయి. వెల్దుర్తి మండలం రామళ్లకోట గ్రామానికి చెందిన కేశల్‌ నా యుడు, సీఎం మధు, శ్రీరాముడులను అదుపులోకి తీసుకుని విచారించగా కర్నూలులోని ప్రభుత్వ మద్యం దుకాణాల్లో కొనుగోలు చేసి రామళ్లకోటకు తీసుకువెళ్తున్నట్లు తెలిపారు. దీంతో వారిపై కేసు నమోదు చేసి మద్యంతో పాటు వాహనాలను సీజ్‌ చేసినట్లు సీఐ రాజేంద్రప్రసాద్‌ తెలిపారు. కర్ణాటక మద్యం స్వాధీనం ఆలూరు రూరల్‌: కర్ణాటక రాష్ట్రం నుంచి అక్రమంగా తరలిస్తున్న 9 బాక్సుల మద్యాన్ని స్వాధీనం చేసుకుని ఇద్దరు వ్యక్తులను అరెస్టు చేసినట్లు ఆలూరు సెబ్‌ సీఐ సోమశేఖర్‌ తెలిపారు. శనివారం ఆయన విలేకరుల సమావేశంలో మాట్లాడారు. వచ్చిన సమాచారం మేరకు ఆస్పరి మండలంలోని కర్నూలు–బళ్లారి రహదారిలో ఉన్న రైల్వే గేటు వద్ద వాహన తనిఖీలు చేపట్టామన్నారు. తనిఖీల్లో ఆస్పరి మండలం కై రుప్పల గ్రామానికి చెందిన దశరథ రామయ్య, యువరాజులు బజాజ్‌ ఆటోలో 9 బాక్సులు కర్ణాటక మద్యం తరలిస్తుండగా స్వాధీనం చేసుకుని వారిని అరెస్టు చేసి ఆటో సీజ్‌ చేశామని చెప్పారు. నిందితులను కోర్టుకు హాజరుపర్చగా న్యామమూర్తి రిమాండ్‌కు ఆదేశించినట్లు వెల్లడించారు. తనిఖీల్లో సిబ్బంది శ్రీనివాసులు, నాగరాజు పాల్గొన్నారు.

కర్నూలు : కర్నూలు ఆర్టీసీ డిపో–2లో కాంట్రాక్ట్‌ పద్ధతిపై అసిస్టెంట్‌ మెకానిక్‌గా పనిచేస్తున్న పుల్లూరు రమేష్‌ (43) బస్సు కింద నలిగి మృతిచెందాడు. నంద్యాల జిల్లా నందికొట్కూరు పట్టణానికి చెందిన రమేష్‌కు ఇంకా వివాహం కాలేదు. శనివారం మధ్యాహ్నం 2 డిపోలో బస్సు రిపేర్‌ చేస్తుండగా ప్రమాదవశాత్తు బస్సు లిఫ్ట్‌ చేసిన హైడ్రాలిక్‌ జాక్‌ జారింది. దీంతో బస్సు రమేష్‌పై పడి నలిగిపోయాడు. అతనిని చికిత్స నిమిత్తం సమీపంలోని ప్రైవేటు ఆసుపత్రికి తరలించారు. వైద్యులు పరీక్షించి అప్పటికే మృతిచెందినట్లు నిర్ధారించారు. డిపోలో బస్సు రిపేర్‌ చేస్తుండగా హైడ్రాలిక్‌ జాక్‌ జారి తన తమ్ముడు చనిపోయినట్లు అన్న పుల్లూరు వెంకట నరసింహులు ఇచ్చిన ఫిర్యాదు మేరకు కర్నూలు నాల్గవ పట్టణ పోలీసులు కేసు నమోదు చేసుకుని దర్యాప్తు చేస్తున్నారు.