అంతర్జాతీయ కోచింగ్‌ కోర్సుకు శ్రీనివాసరావు ఎంపిక

యడ్లపాడు: మండలంలోని మైదవోలు గ్రామానికి చెందిన వాలీబాల్‌ క్రీడాకారుడు, కోచ్‌ నక్కా శ్రీనివాసరావు చైనాలో జరగనున్న ప్రతిష్టాత్మక ఎఫ్‌ఐవీబి లెవల్‌–3 అంతర్జాతీయ కోచింగ్‌ కోర్సుకు ఎంపికయ్యాడు. ఈ మేరకు వాలీబాల్‌ ఫెడరేషన్‌ ఆఫ్‌ ఇండియా తనపేరును అధికారికంగా సిఫార్సు చేసినట్లు ఆదివారం తెలిపారు. చైనా వేదికగా ఈ ఏడాది జూలై 17 నుండి 25 వరకు ఈ అత్యున్నత స్థాయి శిక్షణ తరగతులు జరగనున్నాయి. వాలీబాల్‌ కోచింగ్‌లో అత్యున్నత ప్రమాణంగా భావించే లెవల్‌–3 కోర్సుకు ఇంత చిన్న వయసులోనే ఎంపిక కావడం విశేషం. శ్రీనివాసరావు ఎంపిక పట్ల పలువురు ప్రముఖులు హర్షం వ్యక్తం చేసినట్లు తెలిపారు.