కలెక్టర్‌ను కలిసిన నటుడు సాయికుమార్‌ 

సాక్షి, కర్నూలు(అర్బన్‌): ప్రముఖ చలన చిత్ర నటుడు సాయికుమార్‌ మంగళవారం జిల్లా కలెక్టర్‌ జి.వీరపాండియన్‌ను స్నేహపూర్వకంగా కలిశారు. బెంగళూరులో షూటింగ్‌ నిమిత్తంహైదరాబాద్‌ నుంచి వెళ్తున్న సాయికుమార్‌ కలెక్టర్‌ జిల్లా పరిషత్‌లో ఉన్నారన్న సమాచారంతో అక్కడికి వచ్చి కలిశారు. ఈ సందర్భంగా ఆయన మాట్లాడుతూ వీరపాండియన్‌తో తనకు చాలా ఏళ్లుగా స్నేహ సంబంధాలు ఉన్నాయన్నారు. స్నేహ పూర్వకంగా కలిశానే తప్ప ఎలాంటి ప్రత్యేకతా లేదని స్పష్టం చేశారు.