sabarimala yatra

శబరిమల: సాంప్రదాయ 46 కిలోమీటర్ల అటవీ మార్గం ద్వారా శబరిమలకు వెళ్లే అయ్యప్ప భక్తుల కోసం క్యూఆర్ కోడ్ ఆధారిత పాస్ విధానాన్ని ప్రవేశపెట్టాలని డిమాండ్ వ్యక్తమైంది. కాలినడకన కష్టతరమైన ఈ యాత్రను చేపట్టే యాత్రికులకు సుదీర్ఘ నిరీక్షణ సమయాలను తగ్గించి, దర్శనానికి సులభతరాన్ని కల్పించడమే ఈ ప్రతిపాదన లక్ష్యం.సాంప్రదాయ అటవీ మార్గం కలకట్టి , అలుద , ముక్కుజి , కరిలంతోడు , కొత్తమలై , వలియాన వట్టం మరియు చెరియాన వట్టం వంటి అనేక ప్రాంతాల గుండా వెళుతుంది. మండల - మకరవిళక్కు పుణ్యకాలంలో వేలాది మంది భక్తులు ఈ మార్గాన్ని ఉపయోగిస్తారు.అయితే , సుదీర్ఘమైన అటవీ యాత్రను పూర్తి చేసుకున్న యాత్రికులు పంబ చేరుకున్న తర్వాత తరచుగా అదనపు ఇబ్బందులను ఎదుర్కొంటారు. వాహనాల్లో వచ్చే భక్తులతో పాటు , వారిని కూడా వంతెన దగ్గర ఉన్న సాధారణ క్యూలో చేరమని ఆదేశిస్తున్నట్లు సమాచారం. అక్కడ నుండి , వారు సన్నిధానం చేరుకోవడానికి ముందు గణపతి కోవిల్ , మరక్కూట్టం మరియు శరంకుతితో సహా అనేక వెయిటింగ్ పాయింట్ల గుండా వెళ్ళాలి.ఎక్కువసేపు వేచి ఉండాల్సి రావడం తీవ్ర ఇబ్బందులను కలిగిస్తుంది, ముఖ్యంగా అప్పటికే అడవి గుండా చాలా కిలోమీటర్లు నడిచి వచ్చిన వృద్ధ భక్తులకు. పిల్లలకు ఇది మరింత భారంగా ఉంటుంది.రాత్రి 11 గంటలకు ఆలయం మూసివేసేలోపు సన్నిధానానికి చేరుకోవడానికి చాలా మంది యాత్రికులు ఇబ్బంది పడుతున్నారు. మూసివేసే సమయాన్ని కోల్పోయిన వారు, మరుసటి రోజు ఉదయం 5 గంటలకు ఆలయం తిరిగి తెరిచే వరకు వేచి ఉండవలసి వస్తుంది. నివేదిక ప్రకారం, ఈ ఇబ్బందుల కారణంగా కొంతమంది భక్తులు తమ యాత్రను కూడా విరమించుకుంటున్నారు.గతంలో, ఎల్డీఎఫ్ ప్రభుత్వ హయాంలో అటవీ మార్గం ద్వారా వచ్చే యాత్రికులకు సహాయపడటానికి ముక్కుళి దేవి ఆలయంలో ఒక ప్రత్యేక పాస్ విధానాన్ని ప్రవేశపెట్టారు. అయితే, కొంతమంది భక్తులు తమ పాస్లను ఇతరులకు బదిలీ చేస్తున్నారనే ఆరోపణల నేపథ్యంలో ఆ సౌకర్యాన్ని తర్వాత ఉపసంహరించుకున్నారు.ఇలాంటి దుర్వినియోగాన్ని నివారించడానికి, తిరుపతిలో అనుసరిస్తున్న ఏర్పాటును పోలిన క్యూఆర్ కోడ్ ఆధారిత పాస్ విధానాన్ని ప్రవేశపెట్టాలని భక్తులు ఇప్పుడు సూచించారు. ఈ ప్రతిపాదిత విధానం ప్రకారం, పాస్లను ఒక్కో యాత్రికుడికి అనుసంధానించి, క్యూఆర్ కోడ్ స్కానింగ్ ద్వారా ధృవీకరిస్తారు.మీడియాతో మాట్లాడుతూ, కొట్టాచిర భద్రకాళికావు దేవి ఆలయ ప్రతినిధులు, సాంప్రదాయ అటవీ మార్గాన్ని ఉపయోగించే యాత్రికుల కోసం 5,000 పాస్ ల ప్రతిపాదిత కోటాతో ప్రత్యేక పాస్ సౌకర్యాన్ని పునరుద్ధరించాలని పిలుపునిచ్చారు.ప్రతినిధుల ప్రకారం, మునుపటి ఏర్పాటు కింద మండల కాలంలో సుమారు 5,000 పాస్ లు జారీ చేయబడ్డాయి. అయితే, మకరవిళక్కు ఉధృతంగా సాగే కాలంలో అటవీ మార్గం గుండా యాత్రికుల రాకపోకలు 20,000కు పైగా ఉండవచ్చు.పుల్లుమేడు మార్గం ద్వారా వచ్చే భక్తులకు ఇచ్చిన ప్రాధాన్యతనే , సాంప్రదాయ అటవీ మార్గం ద్వారా ప్రయాణించే యాత్రికులకు కూడా ఇవ్వాలని ఆలయ ప్రతినిధులు సూచించారు. సుదీర్ఘ అటవీ యాత్ర చేసే భక్తులు ఎదుర్కొంటున్న ఇబ్బందులను పరిగణనలోకి తీసుకుని , రాబోయే మండల - మకరవిళక్కు సీజన్లో శబరిమలలో సులువుగా దర్శనం చేసుకునేందుకు సురక్షిత పాస్ వ్యవస్థను ప్రవేశపెట్టాలని వారు అధికారులను కోరారు. ఇదిలా ఉండగా , సాంప్రదాయ అటవీ మార్గం ద్వారా వెళ్లే శబరిమల యాత్రికులకు ప్రత్యేక పాస్లు ఇవ్వాలని పలు భక్తుల సంఘం టీడీబీని కోరింది.ఇదీ చదవండి: శబరిమల, మాళికాపురం ఆలయాలకు నూతన అర్చకులు

సాక్షి, తిరువనంతపురం: అయ్యప్ప భక్తుల కోసం ఎంతో కీలకమైన మండల–మకరవిళక్కు యాత్రా కాలం సమీపిస్తుండటంతో కేరళ ప్రభుత్వం, ట్రావెన్‌కోర్‌ దేవస్వం బోర్డు ఏర్పాట్లను ముమ్మరం చేశాయి. భారీగా తరలివచ్చే భక్తుల రద్దీని నియంత్రించడంతో పాటు భద్రతను మరింత పటిష్టం చేయడం, నిలక్కల్‌–పంపా మార్గంలో రాకపోకలను సులభతరం చేయడంపై ప్రత్యేక దృష్టి సారించాయి. ఈసారి పోలీసు బందోబస్తుతో పాటు ఏఐ ఆధారిత మానిటరింగ్‌, ఎయిర్‌పోర్ట్‌ తరహా పార్కింగ్‌ వంటి హైటెక్‌ ఏర్పాట్లు చేస్తున్నారు. మరోవైపు సన్నిధానంలో భక్తులు నిర్వహించే ‘వెడి వళిపాడు’పైనా కీలక మార్పు చోటుచేసుకోనుంది.యాత్రా కాలంలో శాంతిభద్రతలు, భక్తుల రద్దీ నియంత్రణ కోసం 1,500 మంది ప్రత్యేక పోలీసు అధికారులను నియమించేందుకు కేరళ ప్రభుత్వం ఆమోదం తెలిపినట్లు సమాచారం. సాధారణ పోలీసు విధులకు అంతరాయం కలగకుండా ఈ ప్రత్యేక బలగాలను వినియోగించనున్నారు. పదవీ విరమణ చేసిన పోలీసు సిబ్బంది, మాజీ సైనికులు, ఎన్‌సీసీ క్యాడెట్లను ప్రత్యేక పోలీసు అధికారులుగా నియమించే ప్రతిపాదన ఉంది. మరోవైపు 2026–27 యాత్రా సీజన్‌ కోసం సీనియర్‌ పోలీసు అధికారులకు ఇప్పటికే ప్రత్యేక బాధ్యతలు అప్పగించారు. నిలక్కల్‌, పంపా, సన్నిధానం తదితర ప్రాంతాల్లో భద్రత, రద్దీ నియంత్రణకు సమగ్ర బందోబస్తు ప్రణాళిక సిద్ధం చేస్తున్నారు.నిలక్కల్‌లో పార్కింగ్‌.. ఇక ఎయిర్‌పోర్ట్‌ తరహాలో!శబరిమల వెళ్లే భక్తులకు మరో కీలక మార్పు నిలక్కల్‌ పార్కింగ్‌లో రానుంది. ఎయిర్‌పోర్టుల్లో మాదిరిగా వాహనం పార్కింగ్‌లో ఉన్న సమయాన్ని బట్టి ఫీజు వసూలు చేసే విధానాన్ని తీసుకురానున్నారు. వాహనం పార్కింగ్‌ గ్రౌండ్‌లోకి ప్రవేశించిన సమయం కంప్యూటర్‌ వ్యవస్థలో నమోదవుతుంది. బయటకు వచ్చే సమయంలో ఎంతసేపు అక్కడ ఉన్నదో లెక్కించి.. ఆ మేరకు పార్కింగ్‌ ఫీజును నిర్ణయిస్తారు. ఎగ్జిట్‌ వద్ద ఫాస్టాగ్‌(FASTag) ద్వారా ఫీజు ఆటోమేటిక్‌గా కట్‌ అవుతుంది. ఇప్పటివరకు ప్రవేశ సమయంలోనే నిర్ణీత మొత్తాన్ని వసూలు చేసే విధానం ఉండగా.. కొత్త విధానంలో పార్కింగ్‌ చేసిన వ్యవధిని బట్టి చార్జీ మారుతుంది.ఖాళీ స్థలాలూ.. కెమెరాల్లో కనిపిస్తాయి!నిలక్కల్‌లో పార్కింగ్‌ నిర్వహణకు ఏఐ(AI) ఆధారిత కెమెరాలను కూడా వినియోగించనున్నారు. ప్రతి పార్కింగ్‌ గ్రౌండ్‌లో ఎన్ని వాహనాలు ఉన్నాయి? ఎక్కడ ఖాళీ ఉంది? వాహనాల రాకపోకలు ఎలా ఉన్నాయి? వంటి వివరాలను కంట్రోల్‌ రూమ్‌ నుంచి పర్యవేక్షించేలా వ్యవస్థను సిద్ధం చేస్తున్నారు. ఈ AI ఆధారిత కంట్రోల్‌ రూమ్‌ ప్రాజెక్టుకు సుమారు రూ.5 కోట్ల అంచనా వ్యయంతో కెమెరాల టెండర్‌ ప్రక్రియ కొనసాగుతోంది. ‘వెడి వళిపాడు’పై కీలక నిర్ణయంసన్నిధానంలో భక్తులు నిర్వహించే వెడి వళిపాడు(Vedi vazhipadu)పై ఈసారి కీలక మార్పు చోటుచేసుకోనుంది. రాబోయే శబరిమల యాత్రా కాలానికి సంబంధించి ట్రావెన్‌కోర్‌ దేవస్వం బోర్డు జారీ చేసిన టెండర్‌లో ఈ సేవను చేర్చలేదు. భద్రతా కారణాలతో పాటు అటవీశాఖ అభ్యంతరాల నేపథ్యంలో ఈ నిర్ణయం తీసుకున్నట్లు పలు మలయాళ మీడియా కథనాలు పేర్కొన్నాయి.వెడి వళిపాడులో భక్తులు ఆలయ పరిసరాల్లో నిర్ణీత ప్రదేశంలో పటాకులు లేదంటే పేలుడు పదార్థాలను పేల్చి తమ మొక్కును చెల్లించుకుంటారు. అయితే ఇది ఆలయంలోని ప్రధాన ఆచారాల్లో భాగం కాదని తంత్రి పేర్కొన్నట్లు ఆ కథనాలు వెల్లడించాయి. మరోవైపు శబరిమల పరిసరాలు పెరియార్‌ టైగర్‌ రిజర్వ్‌ పరిధిలో ఉండటంతో.. తరచూ పేలుళ్ల శబ్దం వన్యప్రాణులకు ఇబ్బంది కలిగిస్తోందని అటవీశాఖ అభ్యంతరం వ్యక్తం చేసినట్లు సమాచారం. దీంతో ఈ ఏడాది టెండర్‌లో ‘వెడి వళిపాడు’ను చేర్చకపోవడంతో.. రాబోయే యాత్రా కాలంలో ఇది కొనసాగుతుందా? లేదా? అన్నదానిపై స్పష్టత లేకుండా పోయింది.హైవేల నుంచి ఆలయం వరకు.. భారీ ఏర్పాట్లుభక్తుల రద్దీని దృష్టిలో పెట్టుకుని రవాణా ఏర్పాట్లను కూడా భారీగా పెంచుతున్నారు. మండల–మకరవిళక్కు సీజన్‌లో 950 ప్రత్యేక బస్సులను నడిపేందుకు కేఎస్‌ఆర్‌టీసీ ప్రణాళిక సిద్ధం చేసింది. ముఖ్యంగా నిలక్కల్‌–పంపా మధ్య నిరంతర చైన్‌ సర్వీసులు నడిపి భక్తుల రాకపోకలను వేగవంతం చేయనున్నారు.ఇదీ చదవండి: అత్యాధునిక డ్రోన్ల కలకలం

శబరిమల యాత్రికులకు రెండుచోట్ల గుండెపోటు ముప్పు పొంచి ఉంది! సముద్రమట్టానికి ఎత్తయిన ప్రాంతంలోకి వెళ్తుండడం.. ఉపవాసాలు, డీహైడ్రేషన్, ఆక్సిజన్‌ లభ్యత తక్కువగా ఉండడం వంటి కారణాలతో ఈ పరిస్థితులు నెలకొంటున్నాయి. స్వయానా కేరళ వైద్య ఆరోగ్య శాఖ చెబుతున్న విషయమిది. పంపా బేస్‌ నుంచి శబరిమలకు వెళ్లే చిన్నపాదం మార్గంలో అత్యంత కఠినమైనదిగా పిలిచే నీలిమలతోపాటు.. కొండ శిఖరాగ్రంలో ఉండే అప్పాచిమేడు వద్ద భక్తులకు గుండెపోట్లు ఎక్కువగా సంభవిస్తున్నట్లు ఆరోగ్యశాఖ జారీ చేసిన హెచ్చరికల్లో స్పష్టమవుతోంది. ప్రతిఏటా పెరుగుతున్న మరణాల సంఖ్య ప్రతిఏటా నీలిమల, అప్పాచిమేడు ప్రాంతాల్లో గుండెపోటుతో భక్తులు కుప్పకూలిపోతున్న ఉదంతాలు.. మరణాలు నమోదవుతున్నట్లు ట్రావెన్‌కోర్‌ దేవోస్వం బోర్డు(టీడీబీ), కేరళ వైద్య ఆరోగ్య శాఖ, పోలీసు క్రైం డేటా రికార్డ్‌ బ్యూరో గణాంకాలు స్పష్టం చేస్తున్నాయి. గడిచిన ఏడేళ్ల గణాంకాలను పరిశీలిస్తే.. 2017–18 సీజన్‌లో 281 మంది గుండెపోటు బారినపడగా, వారిలో 36 మంది మృతి చెందారు. 2018–19లో 173 గుండెపోటు కేసులు నమోదుకాగా, 24 మంది మరణించారు, 2019–20లో 19, 2022–23లో 24, 2023–24లో మరో 24, 2024–25లో 40 గుండెపోటు మరణాలు నమోదయ్యాయి. 2025–26 సీజన్‌ ప్రస్తుతం కొనసాగుతుండగా.. ఇప్పటివరకు ఓ మహిళ గుండెపోటు కారణంగా మృతిచెందినట్లు పోలీసు రికార్డులు చెబుతుండగా, 8 మరణాలు నమోదైనట్లు నాలుగు రోజుల క్రితం ఓ జాతీయ ఆంగ్ల పత్రికలో కథనం ప్రచురితమైంది. 2020–22లో మాత్రం కొవిడ్‌ ఆంక్షల కారణంగా పరిమిత సంఖ్యలో భక్తులను అనుమతించారు. ఆ సీజన్‌లో ఎలాంటి అవాంఛనీయ ఘటనలు చోటుచేసుకోలేదు. అక్కడే ఎందుకు? సముద్ర మట్టానికి ఎత్తులో ఉండడం, ఆక్సిజన్‌ స్థాయిలు తక్కువగా ఉండడం వంటి కారణాలతో నీలిమల, అప్పాచిమేడు ప్రాంతాల్లో గుండెపోట్లు అధికంగా సంభవిస్తున్నాయి. నీలిమల కొండ నిటారుగా, చాలా ఎత్తుగా ఉంటుంది. శబరియాత్రలో పెద్దపాదంలో ముక్కు కొండగా పిలిచే కరిమల కొండ తర్వాత.. చిన్నపాదంలో దాదాపు అదే స్థాయిలోనే నీలిమల ఉంటుంది. నీలిమలను అధిరోహించేందుకు ట్రావెన్‌కోర్‌ దేవోస్వం బోర్డు ఏర్పాటు చేసిన మెట్లు ఉన్నప్పటికీ భక్తులు ఈ ఒక్క కొండను అధిరోహిస్తే ఇబ్బందులు దూరమవుతాయనే ఉద్దేశంతో నడకలో వేగాన్ని పెంచుతారు. లేదంటే.. ముందు నడిచివెళ్లే తమ బృందంలోని సభ్యులను అందుకోవాలనే ఉద్దేశంతో వడివడిగా నడుస్తారు. దాంతో హార్ట్‌ బీట్‌లో మార్పులు చోటుచేసుకుంటాయి. సముద్ర మట్టానికి ఎత్తుగా ఉండడంతో ఆక్సిజన్‌ తగ్గుతుంది. డిమాండ్‌ పెరగడం.. అందుకు అనుగుణంగా ప్రాణవాయువు అందకపోవడంతో శరీరంలోని ఆక్సిజన్‌ స్థాయిలు క్రమంగా పడిపోతాయి. హార్ట్‌బీట్‌లో హెచ్చుతగ్గులకు తోడు.. ఆక్సిజన్‌ స్థాయిలు తగ్గడంతో గుండెకు రక్త సరఫరా నెమ్మదిస్తుంది. ఈ కారణంగా గుండెపోటు వచ్చే ప్రమాదాలుంటాయని వైద్య నిపుణులు విశ్లేíÙస్తున్నారు. మధుమేహం, రక్తపోటు వంటి రుగ్మతలు, కొలె్రస్టాల్, ఇతర దీర్ఘకాలిక వ్యాధులు ఉన్నవారికి నీలిమల అధిరోహించేప్పుడు వేగాన్ని పెంచడం ప్రమాదకరమని చెబుతున్నారు. ఇక అప్పాచిమేడు ప్రాంతంలో కొండ ఎత్తుగా లేకున్నా.. అది శిఖరాగ్రం కావడంతో ఆక్సిజన్‌ స్థాయిలు పడిపోతాయని వివరిస్తున్నారు. అందుకే కేరళ వైద్య ఆరోగ్య శాఖ ఈ ప్రాంతాల్లో ఆక్సిజన్‌ సెంటర్లను ఏర్పాటు చేసింది. అయినప్పటికీ మరణాలు ప్రతిఏటా పెరుగుతూనే ఉండడం ఆందోళన కలిగిస్తోంది. ప్రధాన కారణాలివే.. → దీర్ఘకాలిక వ్యాధులు ఉన్నవారిలో గుండెపోటు సమస్యలను పక్కనపెడితే.. ఆరోగ్యకరంగా ఉన్నవారు కూడా బాధితులుగా మారుతున్నట్లు కేరళ వైద్య ఆ రోగ్య శాఖ గణాంకాలు చెబుతున్నాయి. దీనికి కూడా కారణాలున్నాయని వైద్య నిపుణులు అంటున్నారు. → శబరియాత్ర కోసం భక్తులు రేయింబవళ్లు ప్రయాణంలోనే ఉంటారు. కొన్ని సందర్భాల్లో రాత్రంతా ప్రయాణాలు చేస్తుంటారు. భోజనం కూడా సమయానికి తీసుకోరు. సామూహికంగా వంట చేసుకున్నప్పుడో.. శాకాహార హోటళ్లు అందుబాటులో ఉన్నప్పుడో ఆహారం తీసుకుంటారు. కంటినిండా నిద్ర, కడుపునిండా భోజనం లేకపోవడంతో శరీరం అలసిపోతుందని నిపుణులు చెబుతున్నారు. → ఇలాంటి వారిలో డీహైడ్రేషన్‌ పెరుగుతుంది. గ్లూకోజ్‌ స్థాయులు, ఎలక్ట్రోలైట్లు తగ్గిపోతా యి. ఫలితంగా గుండెపై ఒత్తిడి పెరుగుతుంది. → ఈ పరిస్థితుల్లో ఆక్సిజన్‌ లభ్యత తగ్గితే.. గుండెపోట్లు వచ్చే ప్రమాదం ఉందంటున్నారు. → చాలామంది భక్తులు పంపా బేస్‌లోని హోటళ్లలో భోజనం చేయగానే.. కొండను అధిరోహించడం చేస్తుంటారని, ఇది కూడా ప్రమాదకరమని నిపుణులు వివరిస్తున్నారు. భోజనం తర్వాత రక్తప్రసరణ ఎక్కువగా జీర్ణాశయం వైపు వెళ్తుందని, ఫలితంగా గుండెపై రెట్టింపు ఒత్తిడి ఉంటుందని పేర్కొంటున్నారు. కడుపు నిండుగా ఉన్నప్పుడు గుండెపోటు సంభవిస్తే.. రిస్క్‌ ఎక్కువగా ఉంటుందని హెచ్చరిస్తున్నారు. → ఆక్సిజన్‌ లభ్యత తక్కువగా ఉండే ప్రాంతాల్లో ట్రెకింగ్‌ చేసేప్పుడు డీహైడ్రేషన్‌ సంభవించడం చాలా ప్రమాదకరమని పేర్కొంటున్నారు. – సాక్షి డిజిటల్‌ డెస్క్‌

మండపేట: తిరుపతి, చెన్నైలో భారీ వర్షాలు శబరి యాత్రపై ప్రభావాన్ని చూపుతున్నాయి. పలుచోట్ల ట్రాక్‌ దెబ్బతిని నెల్లూరు, చెన్నై మీదుగా కేరళ వెళ్లే రైళ్లు రద్దవ్వడంతో ఇరుముడులు సమర్పించేందుకు రాష్ట్రంతో పాటు తెలంగాణ, కర్ణాటకకు చెందిన అయ్యప్ప మాలధారులు జిల్లాకు తరలివస్తున్నారు. ఆంధ్రా శబరిమలైలుగా ప్రసిద్ది చెందిన ద్వారపూడి, శంఖవరంలోని అయ్యప్ప స్వామి ఆలయాలు స్వాములతో కిటకిటలాడుతున్నాయి.  మండల దీక్షను పూర్తిచేసుకున్న అనంతరం ఇరుముడులు సమర్పించుకునేందుకు అధికశాతం మంది శబరిమలైకి వెళుతుంటారు. ముందుగానే రైలు టిక్కెట్లు కూడా రిజర్వేషన్లు చేయించుకుంటారు.  కొద్ది రోజులుగా తిరుపతి, చెన్నైలో కురుస్తున్న భారీ వర్షాలు కారణంగా రైళ్ల రాకపోకలు నిలిచిపోయాయి.  శబరిమలై వెళ్లడం కష్టతరంగా మారింది. దీంతో కొందరు ప్రత్యామ్నాయ మార్గాలు ద్వారా సన్నిధానానికి వెళ్లేందుకు సన్నాహాలు చేసుకున్నారు. ఎక్కువ మంది స్వాములు మన జిల్లాకు తరలివస్తున్నారు.   వసతులకు ఇబ్బంది లేకుండా ఏర్పాట్లు  శ్రీకాకుళం, విజయనగరం, విశాఖ, చిత్తూరు, ప్రకాశం, గుంటూరు తదితర జిల్లాలతో పాటు తెలంగాణ, కర్ణాటకలోని బెంగుళూరు తదితర ప్రాంతాల నుంచి రోజు వందలాదిగా తరలివస్తున్న స్వాములతో ద్వారపూడి, శంఖవరంలలోని అయ్యప్ప ఆలయాలు కిటకిటలాడుతున్నాయి. ఉచిత ఆన్నప్రసాదంతో పాటు ఉండేందుకు వసతి సదుపాయాలు ఉండటంతో మాలధారులు ఇక్కడికి రావడానికి ఆసక్తి చూపిస్తున్నారు. ద్వారపూడి ఆలయంలో రోజు దాదాపు 3000 మంది భక్తులకు అన్నదానం కార్యక్రమాన్ని నిర్వహిస్తున్నారు. సాధారణంగా శబరిమలై వెళ్లలేని స్వాములు జిల్లాకు వచ్చి ఇరుముడులు సమర్పించుకుంటుంటారు. ఇప్పుడు పెద్ద ఎత్తున తరలివస్తున్న స్వాములతో సందడి నెలకొంది. శబరిమలై వెళ్లలేకపోయినా జిల్లాలోని ఆలయాల దర్శనంతో మంచి అనుభూతి కలుగుతోందని స్వాములు అంటున్నారు. భక్తిశ్రద్దలతో స్వామివారికి ఇరుముడిలు సమర్పించుకుని, నేయ్యాభిషేకం, మాళిగాపురత్తమ్మ తల్లికి పూజలు నిర్వహిస్తున్నారు. మాలవిసర్జన అనంతరం తమ స్వస్థలాలకు తిరుగుపయనం అవుతున్నారు. భక్తులు అసౌకర్యానికి గురికాకుండా ఆలయ కమిటీలు ఏర్పాట్లు చేశాయి. శబరిమలై వెళ్లలేక  శబరిమలై వెళ్లేందుకు రెండు నెలల క్రితమే ట్రై న్‌కు టిక్కెట్లు రిజర్వేషన్‌ చేయించుకున్నాం. భారీ వర్షాలతో రైళ్లు రద్దు కావడంతో ఆంధ్రాశబరిమళైగా పేరొందిన ద్వారపూడి వచ్చాం. ఇక్కడ వసతులు చాలా బాగున్నాయి.  పి. కృష్ణాంజనేయులు, గండుబోయినపల్లి, చిత్తూరు జిల్లా ఆలయాలు చాలా బాగున్నాయి  ద్వారపూడి, శంఖవరంలలోని అయ్యప్పస్వామివారి ఆలయాలు చాలా బాగున్నాయి. ఏ విధమైన ఇబ్బంది లేకుండా ఆలయ కమిటీలు మంచి ఏర్పాట్లు చేశారు. ఇక్కడే స్వామివారికి ఇరుముడిలు సమర్పించుకున్నాం.  టి. సత్యనారాయణ, గుండుగొలను, పశ్చిమగోదావరిజిల్లా 

న్యూఢిల్లీ/డెహ్రాడూన్‌: ఉత్తర భారతదేశంలో భారీ వర్షాలు కురుస్తున్నాయి. ఢిల్లీతోపాటు రాజస్తాన్, పశ్చిమ బెంగాల్, హరియాణా, ఉత్తరప్రదేశ్, మధ్యప్రదేశ్‌తోపాటు దక్షిణాదితన తమిళనాడు, పుదుచ్చేరి, కేరళలోనూ సోమవారం ఎడతెరిపిలేని వర్షాలు బెంబేలెత్తించాయి.  ఉత్తరాఖండ్‌లో వర్షం ధాటికి ఐదుగురి మృతి ఉత్తరాఖండ్‌ను వర్షాలు వణికిస్తున్నాయి. వరుసగా రెండో రోజు.. సోమవారం కూడా ఎడతెరిపి లేకుండా వర్షం కురిసింది. పౌరీ జిల్లాలోని లాన్స్‌డౌన్‌ సమీపంలోని సమ్‌ఖాల్‌లో వర్షం ధాటికి రాళ్లు జారిపడడంతో ఐదుగురు కార్మికులు మృతిచెందారు. వారు నివసిస్తున్న టెంట్‌పై రాళ్లు జారిపడ్డాయి. ఈ ఘటనలో మరో ఇద్దరు గాయపడ్డారు. వర్షాలు తగ్గి, పరిస్థితి చక్కబడేదాకా ముందుకెళ్లకూడదని చార్‌ధామ్‌ యాత్రికులకు అధికారులు సూచించారు. చార్‌ధామ్‌ ఆలయాలకు జనాన్ని తీసుకెళ్లే వాహనాల రాకపోకలకు తాత్కాలికంగా నిలిపివేస్తున్నట్లు ప్రకటించారు. వర్ష బీభత్సంపై ఉత్తరాఖండ్‌ ముఖ్యమంత్రి పుష్కర్‌సింగ్‌ అధికారులతో సమీక్ష నిర్వహించారు. రహదారులు, వంతెనల పరిస్థితిని అడిగి తెలుసుకున్నారు. చార్‌ధామ్‌ యాత్రను మరో రెండు రోజుల పాటు నిలిపివేసుకోవాలని భక్తులకు ఆయన విజ్ఞప్తి చేశారు. సురక్షితమైన ప్రాంతాల్లోనే బస చేయాలని చెప్పారు. కేంద్ర హోంమంత్రి అమిత్‌ షా సీఎం ధామీతో ఫోన్‌లో మాట్లాడారు. వర్షాల నేపథ్యంలో అప్రమత్తంగా వ్యవహరించాలని సూచించారు. ఉత్తరాఖండ్‌కు అవసరమైన సాయం అందజేస్తామని హామీ ఇచ్చారు.  శబరిమల యాత్ర నిలిపివేత కేరళలో 10 డ్యామ్‌లకు రెడ్‌ అలర్ట్‌  పత్తనంథిట్ట: కేరళలో వరుణుడి ప్రతాపం కొనసాగుతూనే ఉంది. భారీ వర్షాలు కురుస్తుండడంతో వరదలు పోటెత్తుతున్నాయి. రహదారులు నదులను తలపిస్తున్నాయి. జన జీవనం స్తంభించిపోతోంది. వీడని జడివాన కారణంగా శబరిమల యాత్రను తాత్కాలికంగా నిలిపివేస్తున్నట్లు కేరళ రెవెన్యూ శాఖ మంత్రి కె.రాజన్‌ సోమవారం తెలిపారు. భక్తులకు అయ్యప్ప స్వామి దర్శనం కల్పించే పరిస్థితి ఇప్పుడు లేదని అన్నారు. రాష్ట్రంలో నిండుకుండల్లా మారిన 10 డ్యామ్‌లకు రెడ్‌ అలర్ట్‌ ప్రకటించారు. కక్కీ డ్యామ్‌లో రెండు గేట్లు తెరిచి, నీటికి కిందికి విడుదల చేస్తున్నారు. దీంతో అయ్యప్ప భక్తులు స్నానమాచరించే పంపా నదిలో నీటి మట్టం 15 సెంటీమీటర్లు పెరగనుంది. కేరళలో ఈ నెల 20 నుంచి అక్టోబర్‌ 24న వరకూ భారీ వర్షాలు కురిసే అవకాశం ఉందని భారత వాతావరణ శాఖ(ఐఎండీ) ఇప్పటికే వెల్లడించింది. శబరిమల అయ్యప్ప ఆలయంలోకి తులా మాసం పూజల కోసం భక్తులను అనుమతించట్లేదని మంత్రి రాజన్‌ పేర్కొన్నారు. పంపా నదిలో నీటి మట్టం పెరుగుతున్నందునయాత్రను నిలిపివేశామన్నారు. దక్షిణ కేరళలో కొండ చరియలు విరిగిపడిన ఘటనలో మృతుల సంఖ్య 24కు చేరింది. ఈ నెల 12వ తేదీ నుంచి ఇప్పటిదాకా వర్షాల కారణంగా రాష్ట్రవ్యాప్తంగా 38 మరణించినట్లు కేరళ ప్రభుత్వం వెల్లడించింది. భారీ వర్షాలు, వరద నష్టం తదితర అంశాలపై ముఖ్యమంత్రి పినరయి విజయన్‌ సమీక్ష నిర్వహిస్తున్నారు.  ఢిల్లీలో అక్టోబర్‌లో అత్యధిక వర్షపాతం దేశ రాజధానిలో ఢిల్లీలో ఈ ఏడాది అక్టోబర్‌ నెల 1960 నుంచి అత్యధిక వర్షాలు కురిసిన అక్టోబర్‌గా రికార్డుకెక్కింది. నగరంలో 1960 అక్టోబర్‌లో 93.4 మిల్లీవీుటర్ల వర్షం కురిసింది. ఈసారి ఇదే నెలలో ఇప్పటిదాకా 94.6 మిల్లీవీుటర్ల వర్షపాతం నమోదయ్యింది. భారత వాతావరణ శాఖ(ఐఎండీ) గణాంకాల ప్రకారం.. ఢిల్లీలో 1910 అక్టోబర్‌లో 185.9 మిల్లీవీుటర్లు, 1954 అక్టోబర్‌లో 238.2 మిల్లీవీుటర్లు, 1956 అక్టోబర్‌లో 236.2 మిల్లీవీుటర్లు, 2004 అక్టోబర్‌లో 89 మిల్లీవీుటర్ల వర్షపాతం రికార్డయ్యింది. దేశ రాజధానిలో ఆదివారం ఒక్కరోజే రికార్డు స్థాయిలో 87.9 మిల్టీవీుటర్ల వర్షం కురిసింది. 1910 అక్టోబర్‌లో నగరంలో ఒక్కరోజే 152.4 మిల్లీమీటర్ల వర్షపాతం నమోదయ్యింది. ఈ నెల 18న(సోమవారం) కూడా భారీ వర్షం కురిసింది. రహదారులు జలమయమయ్యాయి. చాలా ప్రాంతాల్లో ట్రాఫిక్‌ స్తంభించింది.   

తిరువనంతపురం: ఈ నెల 16 నుంచి ప్రారంభం కానున్న శబరిమల యాత్రకు ఆన్‌లైన్‌లో 550 మంది రుతుస్రావ వయసు అమ్మాయిలు, మహిళలు టికెట్లు బుక్‌ చేసుకున్నట్లు ట్రావెన్‌కోర్‌ దేవస్థానం బోర్డ్‌ తెలిపింది. కాగా, శుక్రవారం నాటికి దాదాపు 3.50 లక్షల మంది భక్తులు దర్శనానికి బుక్‌ చేసుకున్నట్లు తెలిపింది. గత రెండు నెలలుగా శబరిమల పరిసరాల్లో ఆందోళనకరమైన పరిస్థితుల నేపథ్యంలో పోలీసులు ఆన్‌లైన్‌ బుకింగ్‌ విధానాన్ని అందుబాటులోకి తెచ్చారు. మహిళలు శబరిమల అయ్యప్ప ఆలయంలోకి ప్రవేశించవచ్చని సెప్టెంబర్‌ 28న సుప్రీంకోర్టు తీర్పు ఇచ్చినా.. ఇప్పటి వరకు ఒక్క మహిళను రానివ్వకుండా ఆందోళనకారులు, ఆలయాధికారులు అడ్డుకున్న సంగతి తెలిసిందే. 


 కర్నూలు: శబరిమల యాత్రకు వెళ్లి తప్పిపోయిన నలుగురు మహిళల ఆచూకీ లభించింది. కర్నూలు జిల్లాకు చెందిన నలుగురు మహిళలు డిసెంబర్ నెలలో శబరిమల యాత్రకు వెళ్లి తప్పిపోయిన సంగతి తెలిసిందే. అయితే ఆ మహిళల ఆచూకీ లభించినట్లుతెలిసింది.
  
 చిన్నగోనహాల్ కు చెందిన ముగ్గురు మహిళలు, ఎమ్మిగనూను లక్ష్మీపేటకు చెందిన మరో మహిళకు సంబంధించిన వివరాలు డిసెంబర్ 29 వ తేదీ నుంచి తెలియకపోవడంతో బంధువులు ఆందోన చెందారు. కనీసం ఆ మహిళ సెల్ ఫోన్లు పూర్తిగా స్తంభించిపోవడంతో  బంధువుల ఆదోని పోలీస్ స్టేషన్ లో ఫిర్యాదు చేశారు. ప్రస్తుతం ఆ మహిళల ఆచూకీ లభించడంతో బంధువులు ఊపిరి పీల్చుకున్నారు.