స్వీడ‌న్‌లో ఒక‌ అమానవీయ ఘటన వెలుగులోకి వచ్చింది. అన్ని తానై జీవితాంతం తోడుగా నిల‌వాల్సిన ఓ భ‌ర్త‌.. త‌న భార్య‌ను బలవంతంగా వ్యభిచార కూపంలోకి నెట్టాడు. దాదాపు 120 మంది పురుషులతో ఆమెకు అక్రమ సంబంధాలు ఏర్పాటు చేసినట్లు ప‌లు రిపోర్ట్‌లు పేర్కొంటున్నాయి.ఈ దిగ్భ్రాంతికరమైన ఘటనకు సంబంధించిన వివరాలను ప్రాసిక్యూటర్ ఈడా అన్నర్‌స్టెడ్ సోమవారం మీడియాకు వెల్లడించారు. 60 ఏళ్ల వయసున్న నిందితుడిని పోలీసులు గతేడాది అక్టోబర్‌లో అరెస్ట్ చేశారు. అప్పటి నుండి అతను పోలీసు కస్టడీలోనే ఉన్నాడు. దాదాపు 50 ఏళ్ల వ‌య‌సున్న‌ అత‌డి భార్య స్వ‌యంగా పోలీసులకు ఫిర్యాదు చేయడంతో ఈ దారుణం బయటపడింది. విలాసవంత‌మైన జీవితాన్ని అనుభ‌వించేందుకు అత‌డు సొంత భార్య‌నే విటుల‌కు స‌రఫరా చేసిన‌ట్లు అన్నర్‌స్టెడ్ పేర్కొన్నారు. కాగా నిందితుడు తనపై వస్తున్న ఆరోపణలన్నింటినీ ఖండించినప్పటికీ.. సుమారు రెండేళ్ల పాటు అత‌డు ఈ ఘాతుకానికి పాల్ప‌డిన‌ట్లు ప్రాథమిక విచారణలో తేలింది. అయితే ఆ సమయంలో ఆమెకు ఏవైనా మత్తు మందులు ఇచ్చారా లేదా ఇతర ఒత్తిళ్లకు గురిచేశారా అనే విషయాలను మాత్రం ప్రాసిక్యూటర్ వెల్ల‌డించ‌లేదు. ఏదేమైన‌ప్ప‌టికి ఈ కేసు ప్రస్తుతం స్వీడన్‌లో సంచలనం సృష్టిస్తోంది.

న్యూఢిల్లీ: అత్యాచార కేసుల్లో విచారణను త్వరితగతిన పూర్తిచేసేందుకు వీలుగా కేంద్ర హోంశాఖ లైంగికదాడి సాక్ష్యాల సేకరణ కిట్ల(ఎస్‌ఏఈసీకే)ను కొనుగోలు చేయనున్నట్లు ప్రభుత్వ ఉన్నతాధికారి ఒకరు తెలిపారు. వీటి సాయంతో నేరం జరిగిన చోట రక్తం, వీర్యం నమూనాలను సేకరిస్తారని వెల్లడించారు. తొలుత పైలట్‌ ప్రాజెక్టుగా రూ.79.2 లక్షల వ్యయంతో 3,960 ఎస్‌ఏఈసీకే కిట్లను కొనుగోలు చేస్తారు. తొలిదశలో ఒక్కోరాష్ట్రం, కేంద్రపాలిత ప్రాంతానికి 100 కిట్లను అందజేస్తామనీ, క్రమంగా ఒక్కో పోలీస్‌స్టేషన్‌కు మూడు కిట్లు ఉండేలా చర్యలు తీసుకుంటామని వెల్లడించారు. 


 న్యూయార్క్: తమ కుమారుడు అస్కార్ పిస్టోరియస్ను కొట్టి సామూహిక లైంగిక దాడి చేస్తామని బెదిరించినట్లు ఆయన కుటుంబ సభ్యులు ఆరోపించారు. కేసు విచారణ తీవ్రత తగ్గాలంటే తమకు భారీ మొత్తంలో లంఛం ఇవ్వాలని లేదంటే అతడిని పై విధంగా శిక్షిస్తామని హెచ్చరించినట్లు చెప్పారు. అయితే, వారి ఫిర్యాదు మేరకు దర్యాప్తు చేసిన పోలీసులు ఇప్పటి వరకు ఎవరిని అరెస్టు చేయలేదు. 2013 జూలై 6న పిస్టోరియస్ తన ప్రేయసిని హత్య చేసిన విషయం తెలిసిందే.
 
 ప్రస్తుతం ఈ కేసు విచారణకు సంబంధించి అతడు జైలు శిక్ష అనుభవిస్తున్నాడు. ఈ నేపథ్యంలో ఈ కేసు వివరాలు పిస్టోరియస్ కుటుంబ ప్రతినిధి అన్నెలైజే బర్గెస్ మీడియాకు చెబుతూ ఈ కేసులో విచారణకు సంబంధించిన కీలక ఆధారాలు తమ వద్ద ఉన్నాయని, వాటిని బయటపెట్టకుండా ఉండేందుకు భారీ మొత్తంలో తమకు లంఛం ఇవ్వాలని, లేదంటే పిస్టోరియస్పై సామూహిక లైంగిక దాడి చేయిస్తామని, దారుణంగా కొట్టిస్తామని కొందరు హెచ్చరించినట్లు చెప్పారు. అయితే, ఈ బెదిరింపులు పిస్టోరియస్ కజిన్ ఆర్నోల్డస్ మొబైల్ కు వచ్చినట్లు తెలిసింది.