TV
ఫేస్ బుక్ కార్యాలయానికి 'ఫేక్' బాంబు బెదిరింపు!
బాంబు బెదిరింపు రావడంతో సోషల్ మీడియా దిగ్గజం ఫేస్ బుక్ ప్రధాన కార్యాలయాన్ని ఖాళీ చేయించి తనిఖీలు చేశారు.
బాంబు బెదిరింపు రావడంతో సోషల్ మీడియా దిగ్గజం ఫేస్ బుక్ ప్రధాన కార్యాలయాన్ని ఖాళీ చేయించి తనిఖీలు చేశారు. ఓ గంటపాటు తనిఖీలు చేపట్టిన తర్వాత.. ఎలాంటి సమస్య లేదని సెక్యూరిటీ సిబ్బంది తేల్చడంతో ఫేస్ బుక్ సిబ్బంది ఊపిరి పీల్చుకున్నారు.
మంగళవారం రాత్రి స్థానిక కాలమానం ప్రకారం 7 గంటలకు నార్తర్న్ కాలిఫోర్నియాలో ఫేస్ బుక్ కార్యాలయానికి బెదిరింపు వచ్చిందని శాన్ ఫ్రానిసిస్కో పోలీసులు వెల్లడించారు.
అకతాయిలు చేసిన పని అని పోలీసులు అన్నారు. బెదిరింపు వార్తలో వాస్తవం లేదని చెప్పడంతో రాత్రి 8.30 గంటలకు ఉద్యోగులు పని ప్రారంభించారు. ఆ సమయంలో ఫేస్ బుక్ ప్రధాన కార్యాలయంలో 6 వేలకు పైగా ఉద్యోగులు పనిచేస్తున్నట్టు మెల్నో పార్క్ పోలీస్ కమాండర్ డేవ్ బెర్టినీ వెల్లడించారు.
