నోట్ల రద్దుకు ఓ ఎనిమిదేళ్ల బాలుడు బలి

 

కొంత దూరం వెళ్లాక మున్నీర్ ఆరోగ్యం క్షీణించిందని, దీంతో కొడుకును భుజాలపై ఎత్తుకుని  హరూన్  మళ్లీ నడక ప్రారంభించినట్టు కుటుంబసభ్యులు తెలిపారు. కూన్ గ్రామంలో ఓ క్యాబ్ను ఆశ్రయించగా.. అతను పాత కరెన్సీ నోట్లను నిరాకరించాడు. దీంతో మరో నాలుగు గంటలకు పైగా కొడుకును భుజాలపై మోస్తూనే మాన్సెర్లోని ఓ ప్రైవేట్ ఆసుపత్రికి తీసుకెళ్లాడు. అయితే మార్గం మధ్యలోనే మున్నీర్ మరణించినట్టు డాక్టర్ తెలిపడంతో హరూన్ కన్నీరుమున్నీరయ్యాడు. మృతదేహాన్ని శ్మశానానికి తీసుకెళ్లడానికి ప్రభుత్వం ఓ వెహికిల్ కల్పించడంతో మున్నీర్కు నవంబర్ 19న అంత్యక్రియలు జరిగాయి. ఈ ఘటన గురించి తెలుసుకున్న సాంబ జిల్లా మెజిస్ట్రేట్ సీతల్ నందా విచారణకు ఆదేశించారు. విచారణలో పూర్తివివరాలు తెలుస్తాయని ఆమె చెప్పారు. గుజ్జర్, బేకర్వాల్ గిరిజన్ సంచార కమ్యూనిటీలో చాలామందికి బ్యాంకు అకౌంట్లు లేవని, పెద్ద నోట్ల రద్దుతో వారు ఇబ్బందులు పడుతున్నట్టు గిరిజన్ పరిశోధన, సాంస్కృతిక ఫౌండేషన్ చైర్పర్సన్ జావీద్ రహి తెలిపారు. చాలామంది గుజ్జర్లకు, బేకర్వాల్స్కు ఇప్పటివరకు కేంద్రనిర్ణయంపై ఏమాత్రం అవగాహన లేదని, కష్టించి సంపాదించిన సంపదను వారు కోల్పోవాల్సి వస్తుందని ఆవేదన వ్యక్తంచేశారు.