నోకియా 3310 సేల్ నేటి నుంచే..

నోకియా బ్రాండు ఐకానిక్ ఫీచర్ ఫోన్ 3310 నేటి నుంచే అమ్మకానికి వస్తోంది. దేశంలోని అన్ని ఆఫ్ లైన్ స్టోర్లలోనూ ఈ ఫోన్ ను హెచ్ఎండీ గ్లోబల్ గురువారం నుంచి విక్రయానికి ఉంచుతోంది. ఈ వారం మొదట్లో లాంచ్ అయిన ఈ ఫోన్ వార్మ్ రెడ్,  ఎల్లో, డార్క్ బ్లూ, గ్రే రంగుల్లో వినియోగదారులకు అందుబాటులోకి వస్తోంది. మోడల్ పేరునే ఈ ఫోన్ ధరగా నిర్ణయించి హెచ్ఎండీ గ్లోబల్ అందర్ని ఆశ్చర్యపరిచింది. ఈ ఏడాది ఫిబ్రవరిలో జరిగిన మొబైల్ వరల్డ్ కాంగ్రెస్ 2017లో దీన్ని హెచ్ఎండీ గ్లోబల్ విడుదల చేసింది. అనంతరం మే 16న భారత్ లోకి అధికారికంగా లాంచ్ చేసింది. 2జీ మొబైల్ డేటా నెట్ వర్క్ ను మాత్రమే ఈ ఫోన్ సపోర్టు చేస్తోంది. వై-ఫైను ఇది సపోర్టు చేయదు.  ఒరిజినల్ ఫోన్ లో మాదిరిగానే స్నేక్ గేమ్ ను ఈ ఫోన్ కలిగి ఉంది.