ఆ ఫోన్ కు మూడు 13ఎంపీ కెమెరాలు

చైనా కంపెనీలకు ధీటుగా డ్యూయల్ కెమెరా స్మార్ట్ ఫోన్ రేస్లోకి మైక్రోమ్యాక్స్ వచ్చేసింది. డ్యూయల్ 5 పేరుతో బుధవారం ఓ కొత్త స్మార్ట్ ఫోన్ ను లాంచ్ చేసింది. దీని ధర రూ.24,999గా కంపెనీ నిర్ణయించింది. ఏప్రిల్ 10 నుంచి ఫ్లిప్ కార్ట్ ద్వారా ఈ ఫోన్ విక్రయాలను కంపెనీ ప్రారంభించనుంది. ఫ్లిప్ కార్ట్ తో పాటు మైక్రోమ్యాక్స్ ఈ-స్టోర్, ఆఫ్ లైన్ స్టోర్లలోనూ డ్యూయల్ 5 అందుబాటులోకి రానుంది. కంపెనీ సైట్ ద్వారా ఈ ఫోన్ ముందస్తు రిజిస్ట్రేషన్లను మైక్రోమ్యాక్స్ ప్రారంభించింది. డ్యూయల్ కెమెరా సెటప్ దీనిలో ప్రధాన ఆకర్షణ. ఈ రెండు కెమెరాలు 13 మెగాపిక్సెల్ సెన్సార్ నే కలిగి ఉన్నాయి. ఫ్రంట్ కెమెరా కూడా 13 మెగాపిక్సెల్ నే కలిగి ఉంది. డ్యూయల్ సిరీస్ లో ఇదే తొలి స్మార్ట్ ఫోన్. త్వరలోనే డ్యూ4ను మార్కెట్లోకి తేనున్నట్టు కంపెనీ ప్రకటించింది.