డ్రా ముగిసిన కివీస్-సఫారీల తొలి టెస్టు

డ్రా ముగిసిన కివీస్-సఫారీల తొలి టెస్టు

దునేదిన్: మూడు టెస్టు మ్యాచ్ ల్లో భాగంగా దక్షిణాఫ్రికా-న్యూజిలాండ్ జట్ల మధ్య జరిగిన తొలి టెస్టు మ్యాచ్ డ్రాగా ముగిసింది. చివరిరోజు ఆటకు  వరుణుడు అంతరాయం కల్గించడంతో మ్యాచ్ లో ఫలితం రాలేదు. నాల్గో రోజు ఆటలో ఆరు వికెట్ల నష్టానికి 224 పరుగులు చేసిన దక్షిణాఫ్రికా.. చివరి రోజు కనీసం బంతిని కూడా ఎదుర్కోలేదు. దక్షిణాఫ్రికా రెండో ఇన్నింగ్స్ లో ఎల్గర్(89), డుప్లెసిస్(56)లు హాఫ్ సెంచరీలు చేయగా, డుమినీ(39), ఆమ్లా(24)లు ఫర్వాలేదనిపించారు. ఈ టెస్టులో ఆది నుంచి దక్షిణాఫ్రికా పైచేయి సాధించినప్పటికీ, చివరకు వర్షం కారణంగా డ్రాతో సరిపెట్టుకోవాల్సి వచ్చింది.