3 ఏళ్ల చిన్నారిని రక్షించిన 14 నెలల పసికందు

ముంబై: నగరంలో మానవత్వం పరిమళించింది. బ్రెయిన్‌ డెడ్‌ అయిన ఓ 14 నెలల బాలుడి తల్లితండ్రులు అవయదానానికి ముందుకు రావడంతో మరో చిన్నారి ప్రాణాలతో బయటపడింది. అవయవదానంతో చిన్నారి ప్రాణాలను రక్షించిన ఆ బాలుడు చిరంజీవిగా మిగిలిపోయాడు. ఈ అరుదైన ఘటన ముంబైలోని ఫోర్టిస్‌ ఆసుపత్రిలో  చోటుచేసుకుంది. సూరత్‌కు చెందిన ఆ పసికందు ఆడుకుంటూ ప్రమాదవశాత్తు కిందపడటంతో తీవ్రంగా గాయపడ్డాడు. వెంటనే తల్లితండ్రుల ఆ చిన్నారిని న్యూ సూరత్‌ సివిల్‌ ఆసుపత్రికి తరలించగా బ్రెయిన్‌ డెడ్‌ అయినట్లు వైద్యులు నిర్ధారించారు. ఓ స్థానిక ఎన్‌జీవో కౌన్సెలింగ్‌తో ఆ పసికందు తల్లితండ్రులు అవయదానానికి అంగీకరించారు.