TV
ప్రస్తుతం సుకుమార్ దర్శకత్వంలో రంగస్థలం 1985 సినిమాలో నటిస్తున్న మెగా పవర్ స్టార్ రామ్ చరణ్, ఈ సినిమా తరువాత బోయపాటి శ్రీను దర్శకత్వంలో ఓ సినిమా చేయనున్నాడు. ఇటీవల లాంచనంగా ప్రారంభమైన ఈ సినిమా రెగ్యులర్ షూటింగ్ జనవరిలో ప్రారంభం కానుంది. బోయపాటి మార్క్ మాస్ యాక్షన్ ఎంటర్ టైనర్ గా తెరకెక్కుతున్న ఈసినిమాకు ప్రస్తుతం ప్రీ ప్రొడక్షన్ పనులతో పాటు నటీనటుల ఎంపిక జరుగుతోంది.
ఈ సినిమాలో చెర్రీ సరసన రకుల్ ప్రీత్ సింగ్ హీరోయిన్ గా నటించనుందట. ఇప్పటికే బ్రూస్ లీ, ధృవ సినిమాల్లో చరణ్ సరసన హీరోయిన్ గా నటించిన రకుల్ ముచ్చటగా మూడో సారి జోడి కట్టేందుకు రెడీ అవుతోంది. అంతేకాదు ఈ సినిమా రకుల్ కు బోయపాటి దర్శకత్వంలో కూడా మూడో సినిమా కావటం విశేషం. బోయపాటి దర్శకత్వంలో రూపొందిన సరైనోడు, జయ జానకీ నాయక సినిమాల్లో హీరోయిన్ గా నటించిన రకుల్ వరుసగా మూడోసారి బోయపాటి సినిమాలో నటించేందుకు రెడీ అవుతోంది. త్వరలోనే ఈ సినిమాకు సంబంధించిన పూర్తి వివరాలు వెల్లడించనున్నారు.
